Baam̧le eo an Yanagida

Toshiko im Tokichi Yanagida rekar jokwe ilo Japan. Er raar tōmak ilo Jisōs Kraist im kar kobaļo̧k ilo Kabun̄ eo An. Bōtaab mour ilo Japan ekar pen ilo tōre jab in. Juon pata ekar kakkure elōn̄ m̧ōko im em̧ killep ko. Toshiko im Tokichi rekar kōņaan kalōk juon em̧ n̄an baam̧le eo aer, bōtaab er raar lukkuun in jeram̧ōl.

Armej ro Rekwojarjar, 3:543

Yanagida ro raar jeļā Irooj ekōņaan bwe ren kōļļā juon m̧ōttan jon̄oul, bōtaab er rekar jab jeļā n̄e remaron̄. Toshiko ekar kajjitōk ippān juon mijenede ta eo rej aikuj kōm̧m̧ane, “Juon M̧ōttan Jon̄oul ekanooj in pen n̄an kōm,” liin ekar ba. Mijenede eo ekar kallim̧ur bwe eļan̄n̄e rej kōļļāik juon m̧ōttan jon̄oul eo aer, Irooj enaaj jipan̄ er tōpar kōttōpar eo aer kōn bōk juon m̧weer make.

Katak im Bujen Ko 119; Armej ro Rekwojarjar, 3:543–44

Toshiki im Tokichi raar jab jeļā. Ekar jidik wōt an lōn̄ aer jāān n̄an wia kōrāelep ilo jikuuļ n̄an ļaddik eo nejierro. Bōtaab raar kāālet n̄an lōke Irooj n̄an kōļļā juon m̧ōttan jon̄oul.

Armej ro Rekwojarjar, 3:543–44

Irooj ekar kōjeraam̧m̧an baam̧le eo an Yanagida. Ejjab tok er raar maron̄ wiaik bwidej eo im jino kalōk juon em̧.

Armej ro Rekwojarjar, 3:544

Juon raan juon inspector ekar itok. E ekar ba ewōr jidik jorrāān ilo bwidej eo aer, im remaron̄ jab kalōk juon em̧ ijo. E ekar jiron̄ rijerbal ro n̄an bōjrak.

Armej ro Rekwojarjar, 3:544

Yanagida ro raar kanooj būrom̧ōj. Er raar jiron̄ mijenede ro ta eo ekar waļo̧k. Mijenede ro raar ba er renaaj kar jitlo̧k im jar ippān Yanagida ro.

Armej ro Rekwojarjar, 3:545

Tokālik, bar juon inspector ekar etal. E ekar ba jorrāān eo ilo bwidej eo aer maron̄ kar kōm̧m̧ane. Yanagida ro remaron̄ kalōk m̧weo im̧weer. “Bōlen kom̧ro kar kōm̧m̧ane juon men em̧m̧an,” inspector ekar jiron̄ļo̧k Toshiko im Tokichi. Er raar jeļā Irooj ekar kōjeraam̧m̧an er. Raar m̧ōņōņō raar lōke E im kar kōļļa juōn m̧ōttan jon̄oul.

Armej ro Rekwojarjar, 3:545