“Irooj ej Jilkinļo̧k Oliver Cowdery,” Bwebwenato ko ilo Katak im Bujen Ko (2024)
“Irooj ej Jilkinļo̧k Oliver Cowdery,” Bwebwenato ko ilo Katak im Bujen Ko
1828–1829
Irooj ej Jilkinļo̧k Oliver Cowdery
Jeļā wāween an Anij kōnono n̄an kōj.
Josep im Emma raar wōnm̧aanļo̧k wōt im ukōt Bok in Mormon. Jerbal eo ekar pen, im raar bar aikuj in jerbal ilo atake eo aer. Josep eaar jar bwe Jemedwōj Ilan̄ en maron̄ jilkinļo̧k juon n̄an jipan̄ e ukōt Bok in Mormon.
Armej ro Rekwojarjar, 1:56, 58
Ettoļo̧k ilo New York, Oliver Cowdery, juon rūkaki in jikuuļ, eaar jokwe ippān jinen im jemān Josep Smith. Oliver eaar katakin ajri ro reddik jatūn Josep.
Armej ro Rekwojarjar, 1:58–59
Oliver eaar ron̄ kōn Josep im pileij gold ko. Ekar kōņaan jeļā. Eaar kōnono ippān jinen im jemān Josep. Raar jiron̄ Oliver ke Josep ekar kōm̧m̧ane jerbal eo an Anij.
Armej ro Rekwojarjar, 1:59
Kiiō Oliver ejkab baj kōņaan jeļālok wōt. Jinen im jemān Josep raar jiron̄ Oliver bwe ej aikuj jar im kappukot n̄an e make eļan̄n̄e kar jerbal eo an Anij. Innām juon bon̄, Oliver eaar jar kōn aolepen būruōn. Anij eaar leļo̧k n̄an e aenōm̧m̧an ilo kōļmenļo̧kjen. Oliver eaar jeļā bwe Josep Smith ekar juon rijerbal an Anij. Eaar en̄jake bwe ej aikuj jipan̄ Josep.
Armej ro Rekwojarjar, 1:60
Ke iiō in jikuuļ eo ekar jem̧ļo̧k, Oliver eaar etal in ioon Josep im Emma. Josep im Oliver raar emmej in bon̄ im kōnono kōn pileij gold ko im jerbal eo an Anij.
Armej ro Rekwojarjar, 1:60
Oliver eaar ba ej jeje ak Josep ej ukook. Em̧m̧an ippān ke eaar ekkatak kōn Jisōs. Ekar bar wōr an kajjitōk im kar kōņaan tōmak eo ekajoor.
Armej ro Rekwojarjar, 1:61
Kōn Rikanaan Josep, Irooj eaar leļo̧k juon ennaan n̄an Oliver. Ekar jiron̄ Oliver bwe en keememej bon̄en eo eaar jar. Anij ekar leļo̧k n̄an e aenōm̧m̧an. Anij wōt ejeļā kōn jar in. Tōmak eo an Oliver eaar kajoorļo̧k. Eaar wōnm̧aanļo̧k wōt im jipan̄ Josep, im Irooj eaar katakin e elōn̄ men ko kōn wāween an Anij kōnono n̄an kōj.
Katak im Bujen Ko 6:14–24; 8:1–3; 9:7–9; Armej ro Rekwojarjar, 1:62–64