Enjeļ ro Rej Kōjepļaaktok Priesthood eo

Ke Josep im Oliver raar ukōt pileij gold ko, raar jeļā bwe Jisōs ekōnaan bwe aolep ren peptaij. E kar bar leļo̧k n̄an armej kajoor eo n̄an peptaiji ro jet. Josep ejan̄in kar peptaij. Ekōņaan kar jeļā eļapļo̧k kōn peptaij.

Joseph Smith—Bwebwenato 1:68; Armej ro Rekwojarjar, 1:65–66

Josep im Oliver raar kōļmenļo̧kjen kōn wōn eo ewōr an kajoor n̄an peptaij armej kiiō. Rekar kāālet n̄an kajjitōk ippān Anij. Raar etal n̄an wōjke ko im jar.

Joseph Smith—Bwebwenato 1:68; Armej ro Rekwojarjar, 1:66

Ke raar jar, juon enjeļ eaar waļo̧ktok. E kar ba e Jon Ripeptaij, eo ekar peptaiji Jisōs Kraist etto. Ekar leļo̧k Priesthood eo an Aron n̄an Josep im Oliver. Priesthood eo ej kajoor an Anij. Kar kōjerbale n̄an kōjeraam̧m̧an ajri ro nejin Anij.

Katak im Bujen Ko 13; Joseph Smith—Bwebwenato 1:69, 72; Armej ro Rekwojarjar, 1:66–67

Jon Ripeptaij eaar ba n̄e juon armej ewōr ippān Priestohod eo an Aron emaron̄ katakin armej n̄an ukweļo̧k im peptaiji er. Jon eaar jiron̄ Josep im Oliver bwe ren peptaij. Raar etal n̄an juon reba im peptaiji doon. Ke rekar waļo̧ktok jān dān eo, raar obrak kōn Jetōb Kwojarjar. Raar aolep lukkuun m̧ōņōņō!

Josep Smith—Bwebwenato 1:70–73

Tokālik, enjeļ ro jet raar itok. Jilu iaan Rijilōk ro an Jisōs—Piter, Jemes, im Jon rekar leļo̧k Melkisedek Priesthood n̄an Josep im Oliver. Kiiō Josep im Oliver remaron̄ leļo̧k mennin letok eo an Jetōb Kwojarjar. Josep im Oliver raar bar erom Rijilōk. Remaron̄ tōl Kabun̄ in im rikam̧ool ro rejeno̧lok an Jisōs Kraist.

Katak im Bujen Ko 27:12; Armej ro Rekwojarjar, 1:84