“Samuel Smith ej Kwaļo̧k Bok in Mormon,” Bwebwenato ko an Katak im Bujen Ko (2024)
“Samuel Smith ej Kwaļo̧k Bok in Mormon,” Bwebwenato ko an Katak im Bujen Ko
1830–1832
Samuel Smith ej Kwaļo̧k Bok in Mormon
Juon bok ej kōjeraam̧m̧an elōn̄ mour ko
Irooj ekar kūr Samuel Smith, ļeo jatin Josep, ilo juon mijen n̄an kwaļo̧k gospel eo. Samuel ekar ioon John im Rhoda Greene im jiron̄ er kōn Bok in Mormon. John ekar juon rikwaļo̧k naan ilo bar juon kabun̄. Ekar ba bwe en kar bōk juon kape in Bok eo im lale eļan̄n̄e jabdewōt ilo kabun̄ eo an raar kōņaan riiti.
Armej ro Rekwojarjar, 1:99
Ālkin jejjo allōn̄ ko, Samuel ekar bar ro̧o̧ltok. Rhoda ekar ba ļeo pāleen ekar jab maron̄ lo jabdewōt eo ekar kōņaan riiti Bok in Mormon. Liin ekar bar kōro̧o̧le ļo̧k n̄an Samuel.
Armej ro Rekwojarjar, 1:99
Samuel ekar būrom̧ōj. Ekar oktakļo̧k n̄an ilo̧k, bōtaab Rhoda ekar kabōjrak e. Liin ekar ba bwe ekar riiti Bok in Mormon, im ekar em̧m̧an ippān.
Armej ro Rekwojarjar, 1:99
Jetōb Kwojarjar eo ekar jiron̄ Samuel n̄an bar kōro̧o̧lļo̧k bok eo n̄an Rhoda. “Kajjitōk ippān Anij kōn juon naan in kam̧ool,” Samuel ekar jiron̄ liin. Ekar katakin Rhoda kōn Jetōb Kwojarjar eo im ekōjkan an naaj kar jeļā bwe Bok in Mormon ej m̧ool.
Moronai 10:3–5; Armej ro Rekwojarjar, 1:99–100
Samuel ekar bar ro̧o̧lļo̧k n̄an kapijuknen jān mijen eo an. Ekar jab peptaiji jabdewōt, im jet wōt armej ro raar itok limoier ilo Bok in Mormon.
Rhoda im John raar jar, im Jetōb Kwojarjar eo ekar jiron̄ er Bok in Mormon eo ej m̧ool. Innām Rhoda ekar kwaļo̧k bok eo ippān būratōr eo an, Brigham Young
Armej ro Rekwojarjar, 1:100
Brigham im eo m̧ōttan, Heber Kimball, rekar pukot Kabun̄ eo em̧ool an Jisōs. Rej riiti Bok in Mormon. Raar ekkatak im kar jar kōn gospel eo an Jisōs Kraist ium̧win enan̄in ruo iiō ko.
Ilo iien in, Brigham im Heber raar etal n̄an kweilo̧k ko an Kabun̄ in ippān baam̧le ko aer. Ilo juon iaan kweilo̧k kein, Brigham ekar ron̄ an juon mijenede kwaļo̧k naan in kam̧ool eo an. Mijenede eo ekar jab juon eo ejeļā kōnono, bōtaab Brigham ekar en̄jake Jetōb Kwojarjar eo ke ekar ekōnono. Birgham ekar jeļā bwe ekar kwaļo̧k m̧ool eo.
Brigham, Heber, im lim̧aro ippāer, Miriam im Vilate, raar peptaij. Raar iakwe Rilo̧mo̧o̧r im gospel eo An. Iiō ko tokālik, Irooj ekar kūr Brigham im Heber n̄an erom̧ Rijjilōk ro An im jerbali mijen ko. Kōnke Samuel ekar kwaļo̧k Bok in Mormon, elōn̄ armej raar kobatok n̄an Kabun̄ eo an Rilo̧mo̧o̧r.
Katak im Bujen Ko 124:127–29; 126; Armej ro Rekwojarjar, 1:215–16