Bwebwenato ko an Jeje ko Rekwojarjar
Aiin Doon ļo̧k n̄an Ohio

“Aiin Doon ļo̧k n̄an Ohio,” Bwebwenato ko an Katak im Bujen Ko (2024)

“Aiin Doon ļo̧k n̄an Ohio,” Bwebwenato ko an Katak im Bujen Ko

Tijem̧ba 1830–Māe 1831

Aiin Doon ļo̧k n̄an Ohio

Tōmak eo an Lucy Smith im juon kabwilōn̄lōn̄

Lucy Smith im ro uwaan baam̧le eo rej m̧aanjabpopo n̄an em̧m̧akūtļo̧k n̄an Ohio.

Ilo Ohio, elōn̄ im lōn̄ armej ro raar kobatok ilo Kabun̄ in. Irooj ekar jiron̄ Josep Smith bwe Armej ro Rekwojarjar rej jokwe ilo jikin ko jet raikuj in aiin doon ļo̧k n̄an Ohio. Enaaj juon iaļ eo aitok. Bōtaab Irooj ekar kallim̧ur bwe ālkin aer kar aiin doon, E enaaj kar katakin Armej ro Rekwojarjar kien eo An im kōjeraam̧m̧an er kōn kajoor n̄an kōm̧m̧ane jerbal eo An.

Katak im Bujen Ko 37; 38:32; Armej ro Rekwojarjar, 1:109–110

Lucy im rito-itak ro jet rej iuweļo̧k ioon juon wa n̄an Ohio.

Jinen Josep, Lucy im juon kurup enan̄in 80 uwaan Kabun̄ in raar ilo̧k jān im̧ōko im̧weer ilo New York im kar em̧m̧akūtļo̧k n̄an Ohio. Raar iuweļo̧k ioon wa eo im enaaj kar ektakeļo̧k er n̄an jimettan in iaļ eo aer. Ālkin aer kar em̧akūtkūt ium̧win jejjo raan, wa eo ekar bōjrak. Mijel in aij ko ilo dān eo rekar pinej iaļ eo aer.

Armej ro Rekwojarjar, 1:121–22

Wa eo kar bōjrak kōn aij ko ilo aba eo.

Armej ro Rekwojarjar raar aikuj in kōttar n̄an an aij eo rup im jepeļļo̧k. Raar m̧ōk, kwōle, tutu, im pio̧.

Armej ro Rekwojarjar, 1:122

Jet iaan Armej ro Rekwojarjar ekar jako aer kijenmej im jino iakweelel.

Ekar pen n̄an kōttar. Jet iaan Armej ro Rekwojarjar raar jino iakweelel ippān doon.

Armej ro Rekwojarjar, 1:122

Lucy ej jiron̄ļo̧k Armej ro Rekwojarjar n̄an jar n̄an Anij n̄an an rupe aij eo ilo ob eo.

Lucy ekar jab kōņaan ron̄ an Armej ro Rekwojarjar iakweelel. Liin ekar jeļā bwe aikuj in kōnono. “Ewi ami tōmak?” liin ekar kajjitōk. Lucy ekar jiron̄ļo̧k Armej ro Rekwojarjar bwe eļan̄n̄e renaaj kar jar n̄an Anij, E emaron̄ kar rupe aij eo bwe ren maron̄ wōnm̧aanļo̧k ilo iaļ eo aer.

Armej ro Rekwojarjar, 1:122–23

Juon iaļ epeļļo̧k ilo aij eo.

Ejjab to, raar ron̄ juon ainikien āinwōt jourur ke aij eo ekar rup im jepeļļo̧k. Juon iaļ ekar peļļo̧k ilo aij eo, ebwe an depakpak n̄an an wa eo waer ilo̧k.

Armej ro Rekwojarjar, 1:123

Armej ro Rekwojarjar rej aiin doon n̄an kam̧m̧oolol Jemedwōj Ilan̄.

Armej ro Rekwojarjar raar ilbōk im kam̧m̧oolol. Raar aiin doon n̄an jar im kam̧m̧oolol Jemedwōj Ilan̄. Wa eo waer ekar jerakļo̧k ilo ejjeļo̧k jorrāān n̄an Ohio.

Armej ro Rekwojarjar, 1:123

Armej ro Rekwojarjar n̄an Ohio.

Ke Armej ro Rekwojarjar raar tōkeakļo̧k ilo Ohio, ro uwaan Kabun̄ in ijōn raar karuwaineneik er im kar jipan̄ er kappok jikier n̄an pād im mour. Irooj ekar kōjparok kallim̧ur eo An n̄an katakin er kien eo An im leļo̧k n̄an er kajoor n̄an kōm̧m̧ane jerbal eo An.

Katak im Bujen Ko 42; Armej ro Rekwojarjar, 1:126