“Josep im Oliver Rej Bōk Priesthood Kii Ko,” Bwebwenato ko an Katak im Bujen Ko (2024)
“Josep im Oliver Rej Bōk Priesthood Kii Ko,” Bwebwenato ko an Katak im Bujen Ko
Eprōļ 1836
Josep im Oliver Bōk Priesthood Kii ko
Jisōs Kraist im enjeļ ro rej loļo̧k Kirtland Tampeļ.
Juon wiik ālkin an kar aje Kirtland Tampeļ eo, juon taujin Armej ro Rekwojarjar rekar kweilo̧k ilo tampeļ eo n̄an kabun̄jar n̄an Rilo̧mo̧o̧r. Ekar Jabōt in Ijtō. Josep Smith, Oliver Cowdery, im Jon̄oulruo Rijilōk ro rekar leļo̧k kwojkwoj eo n̄an Armej ro Rekwojarjar.
Katak im Bujen Ko 110, jinoin jekjōn eo; Armej ro Rekwojarjar, 1:239
Ālkin kwojkwoj eo, Josep im Oliver rekar loe juon jikin emeļak ilo tampeļ eo, iturin katiin̄ eo, n̄an jar.
Katak im Bujen Ko 110, jinoin jekjōn eo; Armej ro Rekwojarjar, 1:239
Ke rej m̧ōj aer jar, rej reilōn̄ļo̧k. Jisōs Kraist ekar jutak im̧aan mājer! Ekar jeļā bwe Armej ro Rekwojarjar rekar ļap aer jerbal n̄an kalōk tampeļ eo. “Iaar bōke m̧wiin,” Ekar ba. Jisōs ekar jiron̄ļo̧k Josep im Oliver bwe kōjeraam̧m̧an ko an tampeļ renaaj bōktok eļap lan̄lōn̄ n̄an elōn̄ armej ro.
Ālkin an Jisōs kar ilo̧k, rikanaan Moses jān Kallim̧ur Mokta ekar waļo̧kļo̧k n̄an Josep im Oliver. Ekar leļo̧k n̄an er priesthood kii ko an aiintok Israel. Meļeļein bwe remaron̄ tōl jerbal an kwaļo̧k gospel eo. Remaron̄ jilkinļo̧k mijenede ro n̄an aolepān laļ in n̄an bōktok armej n̄an Kabun̄ eo an Rilo̧mo̧o̧r.
Tokālik, rikanaan Elias ekar waļo̧kļo̧k. Ekar leļo̧k n̄an Josep im Oliver kii ko n̄an kōjepļaaktok bujen eo an Ebream. Meļeļein bwe Armej ro Rekwojarjar remaron̄ bōk jān Irooj ejja bujen eo wōt an Ebream eo rekar bōke. Enaaj wōr aer kajoor n̄an bōktok gospel eo im kōjeraam̧m̧an ko an Anij n̄an armej ro aolep jikin ium̧win elōn̄ iiō ko rej itok.
Āliktata, rikanaan Ilaija ekar waļo̧kļo̧k. Ekar leļo̧k n̄an Josep im Oliver priesthood kii ko n̄an liāp, ak kobaiki, baam̧le ko n̄an indeeo. Jerbal eo me Armej ro Rekwojarjar rekar kōm̧m̧ane ilo tampeļ ko naaj maron̄ būki ilo lan̄. Kiiō Kabun̄ in ewōr an kajoor n̄an kōm̧m̧ane jerbal eo an Rilo̧mo̧o̧r eo im pojak n̄an E n̄an An bar itok n̄an laļ in