Bwebwenato ko an Jeje ko Rekwojarjar
Kōn Katak Im Bujen Ko

“Kōn Katak Im Bujen Ko,” Bwebwenato ko an Katak im Bujen Ko (2024)

“Kōn Katak Im Bujen Ko,” Bwebwenato ko an Katak im Bujen Ko

Kadkad In

Kōn Katak Im Bujen Ko

Irooj ej bar juon alen kōnono

Jisōs Kraist ej waļokļo̧k n̄an armej ro ilo Amedka etto.

Jemedwōj Ilan̄ ej iakwe kōj. E ekōņaan bwe jen kōm̧m̧ani bujen ko, ak kallim̧ur ko, Ippān bwe E en maron̄ kōjeraam̧m̧an kōj. E ekar jilkintok Nejin, Jisōs Kraist, bwe en erom̧ ad Rilo̧mo̧o̧r im jipan̄ kōj bar ro̧o̧l ļo̧k n̄an Ippān.

Juon rikanaan in etto ej jeje ioon juon scroll.

Anij ej barāinwōt jilkintok rikanaan ro n̄an katakin kōj kōn Jisōs Kraist im kien ko An. Rikanaan ro rej jerbal n̄an Jisōs Kraist im jipan̄ tōl Kabun̄ eo An.

Moses ej jibwe Kien ko Jon̄oul.

Jisōs ej jiron̄ rikanaan ro ta eo ren katakin kōj. Naan ko an rikanaan ro jān etto kar jeje ilo jeje ko rekwojarjar āinwōt Baibōļ eo im Bok in Mormon.

Josep Smith ej ļōmņak ewi wōt kabun̄ eo eto an pād n̄an ļoore.

Ilo elōn̄ iiō ko ālkin an Jisōs kar pād ioon laļ in, ekar ejjeļo̧k rikanaan ro. Armej ro raar jab kōm̧m̧an im kōjparok bujen ko ippān Anij. Kabun̄ eo an Jisōs Kraist ekar jab pād ioon laļ in.

Jemādwōj Ilan̄ im Jisōs Kraist rej waļokļo̧k n̄an Josep Smith.

Bōtaab tokālik Anij ekar kūr Josep Smith bwe en erom̧ juon rikanaan. Josep ekar juon likao eo edik, bōtaab ewōr kar juon men aorōk n̄an an kōm̧m̧ane jān Anij .

Armej ro rej kajutak peier n̄an rejetake Josep im Oliver āinwōt ritōl ro an Kabun̄ in.

Josep Smith ekar katakin kōn Jisōs. Ekar jipan̄ ejake Kabun̄ eo an Jisōs. Jisōs ekar katakin Josep Smith gospel eo An im wāween tōl Kabun̄ eo An.

Juon baam̧ļe ej riiti Katak im Bujen Ko.

Elōn̄ men ko Jisōs ekar jiron̄ Josep Smith kar jei ilo Katak in Bujen Ko. Katak im Bujen Ko ej juon bok in jeje ko rekwojarjar āinwōt Baibōļ eo im Bok in Mormon.

Juon ekkarōk in pija ko ej kwaļo̧k ekōjkan an kar Katak in Bujen Ko jelet armej ro.

Bwebwenato ko an Katak im Bujen Ko ej kwaļok ekōjkan an Jisōs kar kōro̧o̧ltok, ak kōjepļaaktok, Kabun̄ eo An, kōn jipan̄ jān Rikanaan Josep Smith im ro jet. Ro uwaan Kabun̄ in rej ņa etāer Rikwojarjar ro. Bwebwenato kein rej kwaļo̧k bwe Anij ej iakwe ajiri ro Nejin ilo aolepān laļ in. E ej kōņaan kōjeraam̧m̧an kōj ilo ad kōm̧m̧ani bujen ko Ippān.