“Bōōr Eo Eļap Wōņāān,” Bwebwenato ko an Katak im Bujen Ko (2024)
“Bōōr Eo Eļap Wōņāān,” Bwebwenato ko an Katak im Bujen Ko
Juļae 1835–M̧aaj 1842
Bōōr eo Eļap Wōņāān
Elōn̄ļo̧k jeje ko rekwojarjar jān Irooj
Juon raan, juon em̧m̧aan ekar itok n̄an Kirtland kōn ānbwin (mummy) ko jān Egypt. Ippān ānbwin (mummy) ko kar jet jāljel in jeje (scroll) ko, ak jāljel in peba ko relukkuun m̧or. Jāljel in jeje ko ekar wōr ie jeje in Egypt iloaer. Em̧m̧aan eo ekar kwaļo̧ki n̄an Rikanaan Josep Smith. Josep ekar lukkuun itok limo in ilo jeje ko.
Armej ro Rekwojarjar, 1:219–20
Jet ro m̧ōttan rekar jipan̄ Josep wiaiki ānbwin (mummy) im jāljel ko. Ke Josep ekar ekkatak kōn bok eo, Irooj ekar kwaļo̧k n̄an e bok in etto ko jān Ebream, juon rikanaan ilo Baibōļ eo. Kōn jipan̄ jān ro m̧ōttan āinwōt Oliver Cowdery, Josep ekar je ta eo Irooj ekar katakin e kōn katak ko an Ebream.
Armej ro Rekwojarjar, 1:220
Ebream ekar lo juon visōn kōn mour eo ad ippān Jemedwōj Ilan̄ m̧okta jān ad kar ļotak. Ekar lo bwe Jisōs kar kāālete n̄an erom Rilo̧mo̧o̧r eo ad. Ebream ekar barāinwōt katak kōn kōm̧anm̧an eo an laļ. Armej ro Rekwojarjar raar lo̧udin̄din̄ n̄an bōk katak kein jān Ebream. Raar m̧ōņōņō bwe Irooj ekar kōņaan katakin er eļapļo̧k.
Ebream 2:6–11; 3–5; Armej Ro Rekwojarjar, 1:220
Jeje ko an Ebream raar erom m̧ōttan juon bok in jeje ko rekwojarjar kar ņaetan Bōōr eo Eļap Wōņāān. Bok in ebarāinwōt wōr bok eo an Moses, bar juon rikanaan ilo Baibōļ eo. Ej katakin m̧ool ko im rejako jān Baibōļ eo. Irooj ekar kōņaan bwe armej ro ren jeļā m̧ool kein, kōn menin E ekar kwaļo̧k n̄an Josep Smith.
Bōōr eo Eļap Wōņāān ebarāinwōt pād ie naan in kam̧ool eo an Josep Smith im Laajrak in Tōmak ko 13. Josep Smith ekar je men kein n̄an jiron̄ laļ in ta eo Armej ro Rekwojarjar rej tōmak kake. Bōōr eo Eļap Wōņāān ej juon bok edik, āinwōt juon bōōr eo edik, bōtaab elukkuun in aorōk.