“Armej ro Rekwojarjar rej Katak kōn Peptaij kōn ro Remej,” Bwebwenato ko an Katak im Bujen Ko (2024)
“Armej ro Rekwojarjar rej Katak kōn Peptaij kōn ro Remej,” Bwebwenato ko an Katak im Bujen Ko
O̧kwōj–Oktoba 1840
Armej ro Rekwojarjar rej Katak kōn Peptaij kōn ro Remej
Kōjatdikdik eo n̄an ro uwaan baam̧le ko me raar jab peptaij
Jane Newman ekar jokwe ilo Nauvoo. Liin ekar etal n̄an juon ilomej ijo Josep Smith ekar kōnono. Ilomej eo ekar kōm̧m̧an an Jane ļōmņak kōn ļaddik eo nejin Cyrus. E ekar mej im ekar jab peptaij. Jane ekar inepata kōn Cyrus. Liin ekar jeļā bwe jej aikuj in peptaij n̄an mour ippān Jemādwōj Ilan̄.
Armej ro Rekwojarjar, 1:421
Josep ekar jeļā wāween an liin kar en̄jake. E ekōn ļōmņak ejja men eo wōt kōn ļeo jein Alvin, eo ekar barāinwōt mej ilo an kar jab peptaij.
Armej ro Rekwojarjar, 1:421
Ilo ilomej eo, Josep ekar kwaļo̧k juon men Anij ekar katakin e. E ekar ba bwe n̄e juon armej enaaj mej ilo an jab kar peptaij, jemaron̄ peptaij kōn er.
Armej ro Rekwojarjar, 1:421
Jane ekar lukkuun in m̧ōņōņō n̄an ron̄ menin! Ejjab to ālkin ilomej eo, liin ekar etal n̄an reba eo ippān juon elder an Kabun̄ in. Ļein ekar peptaij liin kōn Cyrus.
Armej ro Rekwojarjar, 1:421
Jejjo wiik ko tokālik, Josep ekar katakin Armej ro Rekwojarjar eļapļo̧k kōn peptaij kōn ro remej. Lein ekar ba bwe elōn̄ armej ro me raar mej kar kōņaan peptaij. Er raar kōņaan ļoor Jisōs Kraist. Er raar kōttar im kōjatdikdik n̄an ro uwaan baam̧le ko aer me rej mour wōt n̄an peptaij kōn er.
Katak im Bujen Ko 128:15–19; Armej ro Rekwojarjar, 1:423
Armej ro Rekwojarjar raar ettōrļo̧k n̄an reba eo ilo iien eo em̧ōkaj. Er raar peptaij kōn armej ro rej iakwe er. Hyrum Smith ekar peptaij kōn Alvin. Tokālik, Irooj ekar katak bwe peptaij kōn ro remej aikuj in kōm̧m̧an ilo tampeļ, juon armej aikuj kōm̧m̧ane juon ļo̧o̧k in kajjojo peptaij, im em̧m̧aan ro rej aikuj in peptaij kōn em̧m̧aan ro im kōrā ro n̄an kōrā ro.
Katak im Bujen Ko 124:29–32; 127:5–12; 128:1–9; Armej ro Rekwojarjar, 1:424