“Lucy Morley im Baam̧le eo An,” Bwebwenato ko an Katak im Bujen Ko (2024)
“Lucy Morley im Baam̧le eo An,” Bwebwenato ko an Katak im Bujen Ko
Nobōm̧ba 1830
Lucy Morley im Baam̧le eo An
Elōn̄ rej tōmak im kar peptaij
Juon raan, Lucy Morley eo 15 iiō dettan ekar jipan̄ eo rūturin, Abigail Daniels. Ke rekar jerbal, raar ron̄ juon kaļaļlaļ ilo kōjām eo Ekar jilu mijenede ro. Abigail ekar karuwaineneikļo̧k er. Raar ba bwe Jisōs Kraist ekar jilkinļo̧k er n̄an kwaļo̧k juon ennaan.
Armej ro Rekwojarjar, 1:102–3
Em̧m̧aan ro raar jiron̄ Abigail im Lucy bwe Jisōs ekar kūr Josep Smith bwe en juon rikanaan. Raar barāinwōt jiron̄ er kōn Bok in Mormon.
Armej ro Rekwojarjar, 1:103
Ilo an Lucy kar bwilōn̄, Abigail ekar jino illu. Liin ekar kōm̧m̧an bwe mijenede ro ren ilo̧k jān m̧weo im̧ōn.
Armej ro Rekwojarjar, 1:103
Lucy ekar jeļā mijenede rein raar rijerbal ro an Anij. Liin ekar jiron̄ er n̄an loļo̧k baam̧le eo an ejjab ettoļo̧k jān ijo. “Jema ej jokwe juon m̧ail jān ijin,” liin ekar ba. “Ilo̧k n̄an ijōņ im naaj naajdik im kōjparok kom̧.”
Armej ro Rekwojarjar, 1:103–4
Lucy ekar jim̧we. Ekar enno m̧ōn̄ā eo kijen mijenede ro ilo farm eo an baam̧le eo an Morley. Ro jinen im jemān Lucy raar ro m̧ōttan Sidney Rigdon. Raar tōmak Jisōs ekar kōņaan bwe ren ajiji aolep men ko ippāer ippān ro jet. Raar karuwaineneik mijenede ro n̄an katakin er im ro m̧ōttaer.
Armej ro Rekwojarjar, 1:104
Bon̄ōn jab in, ilo enan̄in lukwōn bon̄, 17 armej ro raar peptaij. Ilo jejjo raan ko tok jet, bar 50 armej ro raar itok n̄an farm eo an Morley ro n̄an ron̄jake mijenede ro, im raar kajjitōk n̄an kar peptaij. Barāinwōt eo m̧ōttan Lucy Abigail Daniels ekar oktak ļōmņak eo an kōn mijenede ro. Liin im ļeo pāleen raar jokāālet n̄an kobatok ilo Kabun̄ in.
Armej ro Rekwojarjar, 1:105; Katak im Bujen Ko 20:25, 37