“M̧are Indeeo im Baam̧le ko,” Bwebwenato ko an Katak im Bujen Ko (2024)
“M̧are Indeeo im Baam̧le ko,” Bwebwenato ko an Katak im Bujen Ko
1843–1846
M̧are Indeeo im Baam̧le ko
Liāp kōn kajoor eo an Jisōs Kraist
Ke Emma im Josep raar m̧are, raar tōmak m̧are eo aer enaaj kar jemļo̧k n̄e rej mej. Menin ekar wāween eo aolep m̧are Innām Irooj ekar jiron̄ Josep Smith bwe m̧are ko im baam̧le ko remaron̄ pād n̄an indeeo.
Armej ro Rekwojarja, 1:413
Irooj ekar katakin Josep kōn m̧are indeeo. Kōn kajoor eo an priesthood eo, juon em̧m̧aan im juon kōrā maron̄ kōm̧m̧ane juon bujen ippān Irooj. Eļan̄n̄e er rej kōjparok bujen eo aer, Irooj ej kallim̧ur bwe m̧are eo aer enaaj pād n̄an indeeo. Menin ņa etan liāp. Ejjab tok, Josep im Emma raar liāp n̄an indeeo.
Katak im Bujen Ko 132:7, 19–24; Armej ro Rekwojarjar, 1:413, 432–33, 481–82, 492, 502–3
Josep ekar barāinwōt kwaļļo̧k bwe n̄e juon em̧m̧aan im juon kōrā rej liāp, ajri ro nejier naaj liāp n̄an er. Kōn wōt kajoor eo an Jisōs Kraist, baam̧le eo aer remaron̄ pād n̄an indeeo. Ke Josep ekar jiron̄ Armej ro Rekwojarjarj kōn kōjeraam̧m̧an in, raar kanooj m̧ōņōņō. Er raar jab maron̄ kōttar n̄an liāp ippān doon.
Katak im Bujen Ko 131:2; 132:6–7; Armej ro Rekwojarjar, 1:492–93, 580
Tokālik Irooj ekar kwaļo̧k bwe liāp ko rej aikuj in kōm̧m̧an ilo Tampeļ. Armej ro Rekwojarjar raar buuļ jerbal n̄an kadedeļo̧k tampeļ eo ilo Nauvoo bwe er ren maron̄ in kar liāp ippān doon. Ke tampeļ eo ekar pojak, elōn̄ baam̧le ko raar liāp. Em̧ool er raar liāp n̄an ro uwaan baam̧le ko me raar mej. Raar kam̧m̧oolol kōn kōjeraam̧m̧an in!
Armej ro Rekwojarjar, 1:579–80