“Enjeļ Moronai ej Loļo̧k Josep Smith,” Bwebwenato ko ilo Katak im Bujen Ko (2024)
“Enjeļ Moronai ej Loļo̧k Josep Smith,” Bwebwenato ko ilo Katak im Bujen Ko
1823
Enjeļ Moronai ej Loļo̧k Josep Smith
Ekkatak kōn juon bok ekwojarjar
Jilu iiō emootļo̧k jān Visōn eo M̧oktata an Josep Smith. Josep eaar nana an mour kōn jet bōd ekar kōm̧m̧ani jān iien eo. Ekar kejōkļo̧kjen ekōjkan an Anij en̄jake kake e.
Joseph Smith—Bwebwenato 1:28–29; Armej ro Rekwojarjar, 1:20
Juon bon̄, ālkin an aolep kiki, Josep ear kāālet bwe en jar. Anij eaar uwaake jar eo an m̧okta, im Josep eaar jeļā E enaaj bar uwaake.
Joseph Smith—Bwebwenato 1:29; Armej ro Rekwojarjar, 1:21 –22
Ke Josep eaar jar, juon meram eaar kobrak ruum̧ eo. Josep eaar lo juon enjeļ ej jutak imejatoto iturin jikin kiki eo an. Enjeļ eo ekar ba etan in Moronai. Anij ekar jilkinļo̧k e. Ekar ba Anij em̧ōj an jeorļo̧k an Josep bōd im ewōr juon jerbal n̄an e eaikuj kōm̧m̧ane. Armej ro ipeļaakin laļ in renaaj jeļā kōn Josep im jerbal eoa Anij eaar leļo̧k n̄ane.
Josep Smith—Bwebwenato 1:30–33
Moronai ekar ba juon eo bok ekar kōm̧m̧an jān pileij gold. Kar kūlbwini ilo juon tōl epaake m̧weeo m̧ōn Josep. Bok eo ekar kōn armej ro raar jokwe ilo Amedka etto. Raar jeļā kōn Jisōs Kraist im gospel eo An. Moronai ekar ba Anij enaaj jipan̄ Josep ukōt bok eo bwe armej ren maron̄ riiti.
Josep Smith—Bwebwenato 1:34, 46
Moronai eaar loļo̧k jilu attōn ilo bon̄en eo innem bar raan eo tok juon. Josep eaar jiron̄ jemān kōn ta eo eaar loe. Jemān Josep eaar m̧ōņōņō. “Ekar juon visōn jān Anij,” jemān Josep eaar jiron̄e.
Joseph Smith—Bwebwenato 1:35–50; Armej ro Rekwojarjar, 1:22–25
Josep eaar etal n̄an juon toļ im lo pileij gold ko ium̧win juon dekā eddo. Ke ej tōpari, ekar ļōmņak emaron̄ kar jet aorōk in jāān ewaļo̧k jāni. Moronai eaar itok im jiron̄ Josep bwe ejjan̄in pojak n̄an bōk pileij ko. Ekar jiron̄ Josep bwe en bar ro̧o̧ltok n̄an ije kajjojo iiō m̧ae iien epojak.
Joseph Smith—Bwebwenato 1:51–54; Armej ro Rekwojarjar, 1:25–27