Juon Revelesōn n̄an Emma

Mour ekar kanooj m̧ōkaj an oktak n̄an Emma im Josep. Irooj ekar jiron̄ Josep bwe ej aikuj bōjrak an leļo̧k an n̄an ekkat. Ijello̧kin, Josep aikuj joļo̧k an iien katakin armej ro kōn Jisōs Kraist im jipan̄ kaddōkļo̧k Kabun̄ eo Irooj.

Katak im Bujen Ko 24:7–9; Armej ro Rekwojarjar, 1:96

Emma ekar lōn̄ an kajjitōk ko kōn oktak in. Liin ekar jab jeļā ta eo ej aikuj in kōm̧m̧an ilo an Josep kar jerbal n̄an Irooj. Ej ke aikuj barāinwōt jipan̄ Irooj im Kabun̄ eo An?

Armej ro Rekwojarjar, 1:96

Irooj ekar kōnono n̄an Emma kōn juon revelesōn kar leļo̧k n̄an Josep. E ekar kūr liin “Emma Smith, nejū kōrā.” E ekar jiron̄ Emma bwe E ekar kāālet liin im kar kūri n̄an kōm̧m̧ane jerbal eo An. Ekar juon kōrā ainjuon, im E ekar wōr jerbal ko reļļap n̄ane.

Katak im Bujen Ko 25:1–3

Irooj ekar kajjitōk ippān Emma n̄an etal ippān Josep. Irooj ekar ba bwe Emma enaaj kōmeļeļeik jeje ko rekwojarjar im katakin membōr ro an Kabun̄ in. E ekar jiron̄ Emma n̄an likūt E m̧okta ilo mour eo an im kōjparok bujen ko an. E ekar kallim̧uri Emma bwe enaaj bōk Jetōb eo An. E ekar kōņaan bwe en katak, eddōkļo̧k, im bōk kōjeraam̧m̧an ko An.

Katak im Bujen Ko 25:2, 6–10, 15

Irooj ekar barāinwōt jiron̄ Emma bwe E ej kōņaan ron̄ an ajri ro Nejin al. E ekar ba al ko an Armej ro Rekwojarjar An rej āinwōt juon jar n̄an E. E ekar kajjitōk ippān Emma n̄an kōm̧m̧ane juon bok in al eo im Armej ro Rekwojarjar remaron̄ ippen doon im al jāne. Emma ekar lo elōn̄ al ko raiboojoj kōn Irooj im gospel eo An im doori n̄an lo juon bok in al.

Katak im Bujen Ko 25:11–12; Armej ro Rekwojarja, 1:221–22

Mour eo an Emma im Josep ekar wōnm̧aanļo̧k wōt n̄an an oktak, bōtaab Emma ekar jeļā bwe Irooj ekar iakwe e im wōr juon an jibadbad n̄an e. Ekar jerbal n̄an Irooj im armej ro ipeļaakin. Liin ekar jipan̄ Kabun̄ eo an Jisōs eddōk.

Katak im Bujen Ko 25:13–15; Armej ro Rekwojarjar, 1:221–23