Ettōņak eo an Desideria

Desideria Yáñez ekar jokwe ilo Nopala, Mexico. Juon bon̄, Desideria ekar ettōņak kōn juon bok jidikdik kar kōm̧m̧an ilo Mexico City. Kar ņaetan Voz de amonestación, ak Ainikien Kakkōļ. Ke Desideria ekar ruj, ekar jeļā bwe ekar aikuj in kappukot bok in.

Armej ro Rekwojarjar, 2:477

Ak Mexico City ekar ettoļo̧k, im Desideria ekar lukkuun rūtto n̄an etal ilo juon tūreep eaitok. Lieo ekar en̄jake bwe Irooj ekar kōņaan bwe en pukot bok in. Innām lieo ekar jiron̄ ļo̧k ļaddik eo nejin José, kōn ettōņak eo. Ļeo ekar tōmak bwe bok eo ekar aorōk barāinwōt. Ekar jiron̄ļo̧k jinen bwe enej kappukot e n̄an e.

Armej ro Rekwojarjar, 2:478

Ke José ej itaakļo̧k ilo Mexico City, kebonin iaļ ko rekar boub, kawaron̄ron̄, im obrak kōn armej. Ewi wāween an maron̄ lo bok eo ilo juon jikin obrak āinwōt in?

Armej ro Rekwojarjar, 2:478

Ālkin jejjo̧ raan, José ekar kweilo̧k ippān juon mijenede etan James Stewart. James ekar ba eaar būriini juon bok ņaetan Voz de amonestación.

Armej ro Rekwojarjar, 2:478

José ekar lukkuun m̧ōņōņō! Ekar jiron̄ļo̧k James kōn ettōņak eo an jinen. James ekar kōmeļeļeiki bwe mijenede ro renaaj kōjerbale Voz de amonestación n̄an katakin armej kōn Jisōs Kraist im juon bok ekāāl an jeje ko rekwojarjar, Bok in Mormon.

Armej ro Rekwojarjar, 2:478

Voz de amonestación ekar jab dedeļo̧k, im Bok in Mormon eo ej jan̄in ukook n̄an kajin Spanish. Ak James ekar leļo̧k n̄an José bok ko jet im peba ko n̄an jipan̄ e im jinen ekkatak kōn Jisōs Kraist, Bok in Mormon eo, im jepļaaktok eo an Kabun̄ in.

Katak im Bujen Ko 90:11; Armej ro Rekwojarjar, 2:478–79

José ekar ekkairirļo̧k n̄an m̧weeo im̧ōn n̄an ippān jinen. Erro kar katak gospel eo ippān doon, im rekar jeļā bwe ekar m̧ool. Desideria ekar kajjitōk ippān mijenede ro bwe ren itok im peptaiji e.

Armej ro Rekwojarjar, 2:479

Desideria ekar juon iaan kōrā ro jinointata ekar peptaij ilo Mexico. José im leddik eo nejin rekar peptaij barāinwōt.

Armej ro Rekwojarjar, 2:479

Ke Voz de amonestación ekar dedeļo̧k, José ekar bōk 10 kape n̄an jinen n̄an kwaļo̧k n̄an ro jet ilo Nopala. Iiō ko tokālik, ke Bok in Mormon eo ekar āliktata būriin ilo kajin Spanish, Desideria ekar armej eo kein kajuon ilo Mexico n̄an bōk juon kape. Lieo ekar jeļā bwe Irooj ekar tōl e n̄an Kabun̄ eo An em̧ōj an jepļaaktok.

Katak im Bujen Ko 88:81; Armej ro Rekwojarjar, 2:479