“Jorrāān ilo Missouri,” Bwebwenato ko an Katak im Bujen Ko (2024)
“Jorrāān ilo Missouri,” Bwebwenato ko an Katak im Bujen Ko
Juļae 1831–Juļae 1833
Jorrāān ilo Missouri
Dāpij wōt kajoor in tōmak ilo iien ko rōkauwōtata
Elōn̄ Armej ro Rekwojarjar raar etal in mour ilo Independence, Missouri. Irooj ekar kōņaan bwe ren kalōk jikin kweilo̧k eo an Zaion ijōņ. Bōtaab Armej ro Rekwojarjar im armej ro raar jokwe kadede ilo Independence ekar jab em̧m̧an kōtaer. Raar jab errā kōn elōn̄ men ko. Jet armej ilo bukwōn eo raar illu im kar kōņaan kōm̧m̧an bwe Armej ro Rekwojarjar ren em̧m̧akūt.
Katak im Bujen Ko 57:1–3; Armej ro Rekwojarjar, 1:171–74
Edward Partridge ekar bisop eo an Independence. Ekar itok n̄an juon kweilo̧k ippān ritōl ro an bukwōn eo. Raar ba bwe Armej ro Rekwojarjar rej aikuj em̧m̧akūt jān Independence. Bisop Partridge ekar jeļā bwe Anij ekar kōņaan bwe Armej ro Rekwojarjar ren kalōk jikin kweilo̧k eo an Zaion ilo Independence. Ekar ba Armej ro Rekwojarjar rejjab maron̄ em̧m̧akūt.
Armej ro Rekwojarjar, 1:176
Em̧m̧aan ro rellu raar jino rupi m̧ōko m̧ōn jokwe im im̧ōko jet im Armej ro Rekwojarjar raar kalōki.
Armej ro Rekwojarjar, 1:177–78, 182
Em̧m̧aan ro raar bōk Bisop Partridge im bar juon em̧m̧aan kar etan Charles Allen jān m̧ōko m̧weer. Raar iperļo̧k em̧m̧aan ro ruo n̄an ioļapļap in bukwōn eo.
Armej ro Rekwojarjar, 1:179
Bisop Partridge ekar ba, “Eļan̄n̄e ij aikuj en̄taan kōn kabun̄ eo aō, ejjab ļapļo̧k jān ta eo ro jet raar kōm̧m̧ane m̧oktaļo̧k jān n̄a.” Em̧m̧aan ro raar iuunļo̧k Bisop Partridge im Charles n̄an laļ. Rej likūt pij eo ebwil im kooļ in bao ko ilo aolepān ānbwinnier.
Armej ro Rekwojarjar, 1:179–80
William McLellin, juon membōr in Kabun̄ in ilo Independence, ekar ron̄ kōn ta eo armej ro rellu rekar kōm̧m̧ane. Ekar leļn̄o̧n̄ im kar ko n̄an wōjke ko n̄an kaattilōklōk
Armej ro Rekwojarjar, 1:182
William ekar ļōmņak ta eo enaaj kar waļo̧k eļan̄n̄e em̧m̧aan ro rellu rekar lo e. Enaaj ke kar ba wōt bwe Bok in Mormon ekar m̧ool, em̧ool jekdo̧o̧n eļan̄n̄e raar kajjion̄ m̧ane kake?
Armej ro Rekwojarjar, 1:182–83
Ro m̧ōttan William Oliver Cowdery im David Whitmer raar lo e ilo wōjke ko. William ekar jeļā bwe Oliver im David raar tōmak ilo Bok in Mormon. Juon enjeļ ekar kwaļo̧k n̄an er piliej gold ko. “Jiron̄ eō,” William ekar kajjitōk ippāer, “Bok in Mormon ej ke m̧ool?”
Armej ro Rekwojarjar, 1:183
Oliver im David raar jiron̄ William bwe Bok in Mormon ej m̧ool. Raar ba bwe em̧ool jekdo̧o̧n eļan̄n̄e em̧m̧aan ro rellu rekar kajjion̄ m̧an er, rejjamin naaj kar bōjrak jān aer kwaļo̧k naan in kam̧ool eo aer n̄an armej ro. “Ij tōmak eok,” William ekar ba.
Katak im Bujen Ko 17:3–6; Armej ro Rekwojarjar, 1:183