“Naan in Mālōtlōt,” Bwebwenato ko an Katak im Bujen Ko (2024)
“Naan in Mālōtlōt,” Bwebwenato ko an Katak im Bujen Ko
Pāpode 1833
Naan in Mālōtlōt
Kien eo an Irooj kōn ājmour
Josep Smith ekar karuwaineneik jejjo em̧m̧aan in Kabun̄ in n̄an kweilo̧k ippān ilo po eo ilōn̄ in m̧ōn wia eo an Ann im Newel Whitney. Raar katak kōn gospel eo im unin kōnono ko jet ijo, im raar jar āinwōt juon kurub. Raar ņaetan kweilo̧k kein Jikuuļ eo an Rikanaan ro.
Katak im Bujen Ko 88:117–137; Armej ro Rekwojarjar, 1:166
Elōn̄ iaan em̧m̧aan ro raar kōbaatat pipe im meme tabacco ilo m̧wen̄an in ekatak ko. Baat in jikka eo ekar kōm̧m̧an an mejatoto eo tab, im tōbacco eo ekar kōm̧m̧an an kajjōjō būļoor eo. Ālkin kweilo̧k ko, Emma Smith ekar etal n̄an ijo lōn̄ n̄an karreoik ruum̧ eo. Ekar lukkuun in etoon!
Armej ro Rekwojarjar, 1:167
Emma ekar kūriji im kar kūriji būļoor ko, bōtaab māār in tōbacco ko raar jab peļļo̧k. Liin ekar kōnono n̄an Josep kōn ettoon ko.
Armej ro Rekwojarjar, 1:167
Josep ekar ron̄jake Emma. Ilo an ron̄jake liin ekar kōm̧m̧an an ļōmņak ekōjkan an Irooj en̄jake kōn tōbacco.
Armej ro Rekwojarjar, 1:167
Kōn menin Josep ekar kajjitōk ippān Irooj kōn tōbacco. Irooj ekar jiron̄ Josep bwe ewōr ippān juon Naan in Mālōtlōt n̄an Armej ro Rekwojarjar.
Katak im Bujen Ko 89:1–9; Armej ro Rekwojarjar, 1:167
Irooj ekar ba n̄an Armej ro Rekwojarjar rejjab aikuj kōbaatat, kōjerbal tabacco, ak idaak kadōk ak “dān bwil ko,” eo meļeļe in ko̧pe im ti.
Katak im Bujen Ko 89:1–9; Armej ro Rekwojarjar, 1:167
Irooj ekar barāinwōt katakin Armej ro Rekwojarjar bwe grain ko im leen wōjke rej em̧m̧an n̄an m̧ōn̄ā. E ekar barāinwōt ba remaron̄ jet iien m̧ōn̄ā kanniōk.
Katak im Bujen Ko 89:10–17; Armej ro Rekwojarjar, 1:168
Irooj ekar jiron̄ Josep bwe Armej ro Rekwojarjar im rej kāālet n̄an pokake Naan in Mālōtlōt eo An naaj kōjparok er. Irooj ekar kallim̧ur n̄an kōjeraam̧m̧an er kōn ājmour, jeļāļo̧kjeņ, im kajoor. Josep ekar jiron̄ em̧m̧aan ro ilo Jikuuļ eo an Rikanaan ro kōn Naan in Mālōtlōt eo an Irooj.
Katak im Bujen Ko 89:18–21; Armej ro Rekwojarjar, 1:168
Em̧m̧aan ro ilo ruum̧ eo raar julo̧k tobacco ko kijier im pipe in kōbaatat ko aer n̄an lowaan kijeek eo n̄an kwaļo̧k bwe raar kōņaan pokake Naan in Mālōtlōt eo an Irooj.
Armej ro Rekwojarjar, 1:168