Fuakavá

Ko e fuakavá ko ha felotoi toputapu ʻi he vā ʻo e ʻOtuá mo ha taha pe falukunga kakai. ʻOku fokotuʻu ʻe he ʻOtuá ha ngaahi meʻa pau, peá Ne palōmesi ke tāpuakiʻi kitautolu ʻi he taimi te tau talangofua ai ki he ngaahi meʻa ko iá. Ko e taimi te tau fili ai ke taʻe tauhi e ngaahi fuakavá, he ʻikai ke tau lava ai ʻo maʻu ʻa e ngaahi tāpuakí, pea ʻi he ngaahi meʻa ʻe niʻihi ʻoku tau tofanga leva ʻi ha tautea ko e nunuʻa ia ʻo ʻetau talangataʻá.

Ko e ngaahi ouau faifakamoʻui kotoa pē ʻo e lakanga fakataulaʻeikí ʻoku ʻomi fakataha ia mo ha ngaahi fuakava. Hangē ko ʻení, ʻoku tau fakahoko ha fuakava ʻi heʻetau papitaisó, pea ʻoku tau fakafoʻou e fuakava ko iá ʻi he taimi takitaha ʻoku tau maʻu ai ʻa e sākalamēnití. Ko kinautolu kuo nau maʻu ʻa e Lakanga Taulaʻeiki Faka-Melekisētekí, kuo nau fakahoko ʻa e fakapapau mo e fuakava ʻo e lakanga fakataulaʻeikí. ʻOku kau foki ʻi he ʻenitaumeni ʻi he temipalé mo e ouau silá (malí) ha ngaahi fuakava toputapu.

ʻOku fakaʻilongaʻi ʻe he ngaahi fuakavá ʻa e hala ke foki ai ki he ʻOtuá. Ako ʻa e meʻa ʻoku hoko mai ʻi he halafonongá maʻaú.