“ʻOfá,” Ngaahi Tefitó mo e Ngaahi Fehuʻí (2023)
Vakai Fakalūkufuá
ʻOfá
Ko e ʻofá ko ha ongo loloto ʻo e mateakí, tokangá, mo e manavaʻofá. ʻOku hā ʻa e sīpinga maʻongoʻonga taha ʻo e ʻofá ʻi he Fakalelei taʻefakangatangata ʻa Sīsū Kalaisí. Ko e ʻofa ki he ʻOtuá mo e faʻahinga ʻo e tangatá, ko ha ʻulungaanga tefito ia ʻo ha ākonga ʻa Sīsū Kalaisi.
Kuó ke fakatokangaʻi nai ʻa e ʻofa ʻa e ʻOtuá ʻi hoʻo moʻuí?
ʻOku tau fakahaaʻi ʻetau ʻofa ki he Tamai Hēvaní ʻaki ʻetau tauhi ʻEne ngaahi fekaú mo tokoniʻi ʻEne fānaú. ʻE lava ke kau ʻi hono fakahaaʻi ʻetau ʻofa ki he niʻihi kehé ʻa e angaʻofa kiate kinautolú, fakafanongo kiate kinautolu, tangi fakataha mo kinautolu, fakafiemālieʻi kinautolu, tokoniʻi kinautolu, lotua kinautolu, vahevahe ʻa e ongoongoleleí mo kinautolu, pea hoko ko honau kaungāmeʻa. ʻOku tupulaki ʻetau ʻofa kiate kinautolu ʻoku tau feohí ʻi heʻetau manatuʻi ko kitautolu kotoa, ko e fānau ʻa e ʻOtuá—ko ha ngaahi tokoua, tuongaʻane mo e tuofāfine fakalaumālie kitautolu. Ko e ʻofa ʻoku tupu mei he ʻilo ko ʻení, ʻokú ne maʻu ʻa e mālohi ke fakalaka atu ʻi he ngaahi fakangatangata fakafonuá, tui fakafoʻituituí, mo e matakali kotoa pē.
Kanotohi Fekauʻakí
-
Maʻuʻanga tokoni maʻá e fānaú