“Fuakava Faka-ʻĒpalahamé,” Ngaahi Tefitó mo e Ngaahi Fehuʻí (2023)
Vakai Fakalūkufuá
Fuakava Faka-ʻĒpalahamé
Naʻe fai ʻe ʻĒpalahame ha ngaahi fuakava mo e ʻOtuá ʻi heʻene maʻu ʻa e ongoongoleleí, ʻi hono fakanofo ia ko ha taulaʻeiki lahí, pea ʻi heʻene fakahoko e mali fakasilesitialé. ʻOku talaʻofa ʻe he ʻOtuá ha ngaahi tāpuaki maʻongoʻonga kia ʻĒpalahame mo hono fāmilí ʻi he ngaahi fuakavá ni. ʻOku ui ʻa e ngaahi tāpuaki ko ʻení ko e fuakava Faka-ʻĒpalahamé, ʻa ia ʻoku ʻoatu ki he hako kotoa pē ʻo ʻĒpalahamé.
ʻOku kau ʻi he ngaahi talaʻofa naʻe fai kia ʻĒpalahamé ʻa e ngaahi meʻá ni:
-
ʻE maʻu ʻe hono hakó ʻa e ongoongoleleí pea maʻu ʻa e lakanga fakataulaʻeikí.
-
Tuʻunga ʻi he ngāue ʻa hono hakó, “ʻe tāpuekina ʻa e ngaahi faʻahinga kotoa pē ʻo e māmaní, ʻio ʻaki ʻa e ngaahi tāpuaki ʻo e Ongoongoleleí, ʻa ia ko e ngaahi tāpuaki ʻo e fakamoʻuí, ʻio ʻo e moʻui taʻengatá.”
ʻE lava ʻe ha taha ʻo maʻu ʻa e ngaahi tāpuaki kotoa ʻo e fuakava faka-ʻĒpalahamé—neongo kapau ʻoku ʻikai ko ha hako totonu ia ʻo ʻĒpalahame—ʻaki ʻene talangofua ki he ngaahi fono mo e ngaahi ouau ʻo e ongoongoleleí.