Kaumātuʻa

Ko e Kaumātuʻá ko ha tuʻunga ia ʻi he Lakanga Taulaʻeiki Faka-Melekisētekí, ʻa ia ko e lakanga fakataulaʻeiki māʻolunga angé (ko e siʻi angé ko e Lakanga Taulaʻeiki Faka-ʻĒloné). ʻOku fakaʻaongaʻi foki ia ki he kau faifekau tangatá mo ha niʻihi tokolahi ʻo e Kau Taki Māʻolunga ʻo e Siasí.

ʻI he hoko ʻa e kaumātuʻá ko ha kau malanga ʻo Sīsū Kalaisí, ʻoku nau tokoni ai ke fakahoko e ngaahi meʻa fakalaumālie ʻi he Siasí. ʻI hano fakamafaiʻi ʻe he kau taki lakanga fakataulaʻeikí, ʻe lava ʻe he kaumātuʻá ʻo foaki ʻa e Laumālie Māʻoniʻoní ʻaki hono hilifaki ʻo e nimá. Te nau lava ʻo fakahoko e ngaahi fatongia kotoa ʻo e Lakanga Taulaʻeiki Faka-ʻĒloné pea te nau lava ʻo fakanofo e houʻeiki tangata kehe ʻoku moʻui tāú ki he ngaahi tuʻunga ʻi he Lakanga Taulaʻeiki Faka-ʻĒloné mo e Faka-Melesētekí. Te nau lava foki ʻo foaki e ngaahi tāpuaki lakanga fakataulaʻeikí ki he kau mēmipa ʻo e fāmilí mo e niʻihi kehé.