Mūsiká

ʻOku mahino lelei kiate kinautolu kuo fanongo ki he mūsiká ʻa e tākiekina ʻe lava ke ne fai ki he ʻatamaí mo e laumālié. ʻE lava ke ʻomi ʻe he mūsika lelei mo langaki moʻuí ha ngaahi ongo ʻo e fiefia mo e nonga. Ko e ngaahi himi ʻo e Siasí ko ha konga mahuʻinga ia ʻo e moihuú mo fakaafeʻi mai ʻa e Laumālie ʻo e ʻEikí. ʻE lava ke tokoni lahi ia ʻi hono mapuleʻi ʻa e ngaahi fakakaukau ʻa ha taha. ʻI he tafaʻaki ʻe tahá, ʻe lava ke poupouʻi ʻe he mūsika ʻoku ʻikai leleí ʻa e ngaahi fakakaukau mo e ʻulungaanga ʻoku taʻefeʻungá. Hangē ko e ngaahi faʻahinga kehe ʻo e mītiá, ʻoku poupouʻi ʻa e kāingalotu ʻo e Siasí ke nau tokanga ʻi heʻenau fili ʻa e mūsiká.