Fesoasoaniga mo Tusitusiga Paia
Faafanua o le Feagaiga Fou

“Faafanua o le Feagaiga Fou,” Fesoasoaniga mo Tusitusiga Paia: Feagaiga Fou (2024)

Faafanua o le Feagaiga Fou

mea taua na tutupu i le soifuaga o le Faaola

O fea na faia ai le galuega a le Faaola i le olaga nei?

O tusitala o le Feagaiga Fou e faasino i le faafaafanua, laufanua, ma igoa o nofoaga atonu e le masani ai le au faitau i ona po nei. O le malamalama i le tulaga faafaafanua e mafai ona aumaia ai se malamalamaaga faaopoopo i le soifuaga o le Faaola ma olaga o Ana Aposetolo.

Faafanua o le Laueleele Paia i ona po o le Feagaiga Fou

  1. Kalilaia o le vaega i matu o Samaria, i le itu i matu ma sisifo o le Sami o Kalilaia. Na soifua a‘e Iesu i le nuu la‘itiiti o Nasareta i Kalilaia. Sa Ia faaaluina le tele o Lana galuega faaletino e aoao atu ai i aai ma nuu o Kalilaia.

  2. Iutaia o le vaega i sisifo o le Sami Mate ma e siomia ai Ierusalema. E lei matuai taliaina le Faaola iina e pei o Kalilaia, aemaise lava o taitai Iutaia, o e sa avea ma faitaulaga sili, tusiupu, ma toeaina.

  3. Samaria o le vaega i sisifo o le Vaitafe o Ioritana ma le va o Iutaia ma Kalilaia. O tagata Samaria o e na tupuga mai i tagata Isaraelu ma nuu ese, o e na fefaaipoipoa‘i ma nonofo i Samaria ina ua mavae le manumalo o Asuria i le seneturi lona valu T.L.M. Na matuā feitagai tagata Samaria ma tagata Iutaia ona o eseesega faalelotu ma aganuu. O tagata Iutaia sa femalagaai i le va o Iutaia ma Kalilaia sa tele ina malaga i se ala e umi atu e lata i le Vaitafe o Ioritana, ina ia aloese ai mai le ui atu i Samaria.

  4. Na avea Ierusalema ma laumua o Isaraelu ina ua pulea e le tupu o Tavita. Na atiina a‘e e le tupu o Solomona le aai ma fausia se malumalu. Ina ua uma ona vavaeina Isaraelu, sa tumau pea Ierusalema o le laumua o Iuta. I taimi eseese sa osofaia ai le aai ma le malumalu ma faaumatia ai se vaega. Na toe fausia e le Tupu o Herota le malumalu ma pa o le aai. I le taimi o Iesu Keriso, sa avea Ierusalema ma nofoaga autū o tapua‘iga faalelotu mo tagata Iutaia.

o le malumalu i Ierusalema

O Le Maota o Lo’u Tama,, saunia e Al Rounds

Aoao Atili

Faamatalaga

  1. Tagai George A. Pierce, “Understanding the Physical and Metaphysical Geography of the New Testament,” i le Blumell, New Testament History, Culture, and Society, 485–96.

  2. Tagai i Faafanua o le Tusi Paia, nu. 11, “O Le Nuu Paia i Taimi o le Feagaiga Fou.”

  3. Tagai i le 2 Tupu 17:24–41; Holzapfel and others, Jesus Christ and the World of the New Testament, 119.

  4. Tagai i le Taiala i Tusitusiga Paia, “Samaria,” Potutusi o le Talalelei; Holzapfel ma isi, o Iesu Keriso ma le Lalolagi o le Feagaiga Fou, 119.

  5. Tagai i le Taiala i Tusitusiga Paia, “Ierusalema,” Potutusi o le Talalelei; Bible Dictionary, “Malumalu o Herota.”