Mataio 6–7

Sa nonofo tagata i taimi o le Feagaiga Fou i se aganuu faamamaluina. O le mamalu sa tele lava ina fuafuaina e faamoemoega o le vaega faaagafesootai, e pei o se aiga, ituaiga, po o se nuu. Afai e ausia e se tagata ia faamoemoega o le vaega, ona faateleina lea o lona faamamaluina. O se tasi auala e maua ai le mamalu o le mauaina lea o le aloaia faalauaitele mo le tuuina atu o meaalofa, po o le faia o galuega lelei.

“I le matalalaga lenei,” sa matauina ai e se tasi o sikola, “O le fetalaiga a Keriso i le Lauga i luga o le Mauga, ‘Aua e te avatu au meaalofa i luma o tagata, ina ia iloa ai e i latou. ” Aua lava ne’i iloa e lou lima tauagavale le mea e faia e lou lima taumatau, a ia fai faalilolilo’ (Mataio 6:1–4), semanu e faateia ai oe. Na aveese e Keriso le mafuaaga tonu lava mo le tuuina atu o meaalofa ma luiina le faailoaga masani o se taua autu.”

I ona po o le Feagaiga Fou, o le tatalo o se vaega taua o le olaga faa-Iutaia. Sa tatalo tagata Iutaia i le taeao ma le afiafi, e faasaga ia Ierusalema. Sa latou faia ni tatalo a o lei faia ma le maea ai o taumafataga. Sa latou tatalo e ifo pe tutula’i. I lenei fuaitau, sa le’i tausalaina e le Faaola tatalo i nofoaga faitele ae o tatalo sa faia e faafiafia ai isi.

Sa lapatai mai foi le Alii e faasaga i le faaaogaina o upu tautu le aogā i le taimi o le tatalo. O le fasifuaitau “tautu i upu le aogā” ua faaliliuina mai le upu Eleni battalogēsēte, lea e mafai foi ona faaliliuina o le “faatopetope” po o le “tautala e aunoa ma le mafaufau i ai.” O se faiga tagata le talitonu (faapaupau) le toe faia pea lava pea o “lisi uumi o igoa o o latou atua” e talosagaina mo la latou fesoasoani. O le mea lea, sa tausalaina ai e le Alii ia tatalo uumi lea na faalagolago i upu e leai ni uiga.

Ua faamanino mai e le Faaliliuga a Iosefa Samita e faapea o lenei fasifuaitau o lona uiga e le taitaiina i tatou e le Alii i le faaosoosoga: “Aua foi le tuuina atu i matou ia taitaiina atu i le faaosoosoga, a ia laveaiina i matou mai le leaga.”

O le upu lelei, e pei ona faaaogaina i lenei fuaiupu, e sau mai se upu Eleni o lona uiga o le faigofie, faamaoni, sa’o, po o le tautala sa’o. O le iloa ai o lenei faauigaga e fesoasoani lea tatou te malamalama ai i aoaoga a le Faaola e faatatau i le foaiina atu o meaalofa, tatalo, ma le anapogi. E ao ina faia nei mea uma ma se taula’iga faamaoni faigofie i lo tatou Tama i le Lagi po o lē o loo fai i ai.

O mamone e masani ona faasino i oa faalelalolagi ma e mafai ona faaliliuina o lona uiga o le tamaoaiga po o tupe.

I le Tusi Paia a King James, o le fasifuaitau “aua ne’i outou popole” o lona uiga ia aua nei popolevale pe popole. E ui o le lomiga i le 3 Nifae 13:25–34 o loo ta’u mai ai o nei aoaoga na tuusao atu i Aposetolo a le Alii, o nei aoaoga e faatatau ia i latou uma o e ua valaauina e auauna atu.

O loo faamanino mai e le Faaliliuga a Iosefa Samita o upu a le Faaola i le fuaiupu lenei: “Aua le faamasino atu ma le amioletonu, ina ne’i faamasinoina outou; ae faamasino atu i le faamasinoga tonu.”

Sa faamalamalama mai e Dallin H. Oaks le uiga o le faamasinoga amiotonu faapenei:

“Muamua,o se faamasinoga amiotonu e tatau, i le faauigaga, faia i le faaleogalua. … O le a aloese ai mai le tautino atu ua le maua e se tagata se avanoa mo le faaeaga po o avanoa uma mo se matafaioi aoga i le galuega a le Alii. ”

Lona lua, o se faamasinoga amiotonu e taiala e le Agaga o le Alii, e lē faia i le ita, tauimasui, loto leaga, po o le mea e manao i ai le tagata. …

Lona tolu, ina ia amiotonu, o se faamasinoga faaleogalua e tatau ona faia i la tatou lava vaavaaiga. E lē tatau ona tatou ” faatino ia faamasinoga i fafo atu o o tatou tiute tauave patino. …

Lona faafai e mafai, e ao ina tatou aloese mai le faamasino atu seia lava lo tatou malamalama i mea moni. …

O se mataupu faavae lona lima o se faamasinoga amiotonu faaleogalua o se taimi e mafai ai, o le a tatou aloese mai le faamasinoina o tagata ae tau lava o le faamasinoina o tulaga aafia. ”

Lona ono, o le faamagalo atu o se mataupu faavae e o faatasi ma [lenei] poloaiga. … I faaaliga i ona po nei, na tautino mai ai le Alii, ‘O Au, o le Alii, Ou te faamagalo i lē o le a Ou faamagaloina, ae o outou ua poloaiina ia faamagalo atu i tagata uma’ [Mataupu Faavae ma Feagaiga 64:10]. ”

“Lona fitu, o le mataupu faavae” mulimuli o se faamasinoga amiotonu e faapea o le a faaaoga ai tulaga faatonuina amiotonu.”

O le upu Eleni ua faaliliuina o se fasilaau e faasino i “sina togi itiiti, fasimea, po o se ta’egamea.” O le upu Eleni ua faaliliuina o se utupoto e faasino i se “ogalaau tele e faaaoga i le fauina o fale.” I nei fuaiupu, ua aoao mai ai e le Faaola e tatau ona tatou liliu atu la tatou taulaiga mai sese o isi tagata i o tatou lava sese.

Ua faasa’o e le Faaliliuga a Iosefa Samita le “Ou te lei iloa lava outou” i le “Tou te lei iloaina lava au.”

“O e na faalogologo i Kalilaia sa i ai” mafuaaga e ofo ai e ono ese mai ia i tatou. O le mea muamua lava, o Iesu le Nasareta, o le faiaoga sili ma le failotu, sa lei i ai ni agavaa o se faiaoga e tusa ai ma agaifanua o lona taimi. ”

“Lona lua, e le gata ina sa lei aoao atu Iesu i le pule o faiaoga o na ona po, ae na te lei aoao atu e pei o faiaoga i na aso. O le lalolagi o le Feagaiga Fou o se tasi na taliaina le fautuaga ‘E sili atu ona lelei le matua, ae silisili atu ona lelei le matua tele atu.’ O le tele lava o le matua o se tagata po o se mea, o le tele foi lena o lona talitonuina. O le mea lea, o se mea masani le maua i anotusi faa-Rapi, ‘Na fai mai ai Rapi X i le igoa o le Rapi Y, o le sa i ai o se tu masani mai le Rapi Z.’ O se auala tau i le pule lea e faamaonia ai se faamatalaga. Peitai, sa le’i ta’ua e Keriso ia aoao ua tuana’i. E le gata i lea, na te lei saunoa o ni perofeta, o e sa masani ona faapea mai, ‘Ua faapea ona fetalai mai o le Alii.’ Faatasi ai ma le faamaoni aiai, sa ia tautino atu ai, ‘Ou te fai atu ia te outou,’ ma tautino atu lana afioga e avea ma pule mulimuli ma le faamuamua i luga o le tulafono, o lona faauigaga masani lava, ma tu ma aga o le aso.

“Mulimuli ane, o le mea na tuuina atu i tagata le pule e galulue ai i nofoaga faitele o lo latou fua faatatau lea o le mamalu. O tagata e maualalo le fananau mai (e pei o le atalii o se kamuta) sa lei faamoemoeina e taitai i nofoaga faitele, e faia vavega, pe talai atu ma le poto tele. Peitai sa talai atu Keriso ma le mana, lototoa, ma le poto e le mafaatusalia. E leitioa a maofa le toatele. O Iesu Keriso, o le atalii o se kamuta, sa tautala e pei o ia o le atalii o se tupu.”

• Russell M. Nelson, “Lesona mai Tatalo a le Alii,” Liahona, Me 2009, 46–49.

• Dallin H. Oaks, “O Le Gagana Faapitoa o le Tatalo,” Liahona, Ian. 2006, 2–5

• Tyler J. Griffin, “E Faapefea Ona Tatou ‘FaamasinoIna Faamasinoga Amiotonu’?” Ensign, Feb. 2019, 54–59