Ny “Hatsiaka” tao Ghana

“Ny -Hatsiaka- tao Ghana,” Tantara ao amin’ny Fotopampianarana sy Fanekempihavanana (2024)

“Ny -Hatsiaka- tao Ghana,” Tantara ao amin’ny Fotopampianarana sy Fanekempihavanana

Jona 1989–Nôvambra 1990

Ny “Hatsiaka” tao Ghana

Mijanona ho mahatoky mandritra ny fotoana tsy ahafahan’ny Olomasina miangona

I Alice Johnson sy i Hetty Brimah mizara ny filazantsara ao Koforidua, Ghana.

Misiônera nanompo tany Ghana, firenena niaviany, i Alice Johnson. Tiany ny mizara ny fijoroana ho vavolombelona nananany momba an’i Jesoa Kristy sy manampy ny Fiangonana hitombo.

Olomasina, 4:416–17

I Alice sy i Hetty nahafantatra fa tsy afaka mizara ny filazantsara intsony izy ireo.

Indray andro dia nahazo vaovao nahasosotra i Alice. Nilaza ny governemanta tao Ghana fa tsy afaka ny hisy fivoriam-piangonana intsony. Tsy afaka nampianatra intsony ireo misiônera.

Olomasina, 4:417

Pôlisy maromaro eo ivelan’ny trano fiangonana mihidy.

Nasain’ny pôlisy niala tao amin’ny trano fonenany ireo misiônera ary nalain’izy ireo ny bisikiletany. Nisy mpikamban’ny Fiangonana sasany nampidirina am-ponja. Nohidin’ireo miaramila ireo tranon’ny Fiangonana ary tsy nisy navelany niditra tao. Nantsoin’ny olona hoe “ny hatsika” izany.

Olomasina, 4:417–18

I Alice nandeha niara-mipetraka tamin’ny namana iray.

Tsy maintsy nody ireo misiônera. Nandeha nipetraka niaraka tamin’ny namana iray tany amin’ny tanàna iray hafa i Alice. Nanahy izy sao tsy afaka intsony hamita hatramin’ny farany ny asa fitoriany.

Olomasina, 4:418

Sahiran-tsaina sy nalahelo ary natahotra ireo Olomasina tao Ghana. Nanontany tena izy ireo hoe inona no tsy nety nataon’izy ireo. Mbola hiverina hiangona ve izy ireo indray andro any?

Olomasina, 4:418

Olomasina manao fivoriana fanasan’ny Tompo any an-trano.

Na dia tsy afaka niangona niaraka tamin’ny paroasiny aza ireo Olomasina dia mbola tia ny Tompo ihany izy ireo ary naniry ny hitsaoka Azy. Nanao fivoriana fanasan’ny Tompo tany an-tranony izy ireo. Nitsodrano ny mofo sy ny rano ireo olona tao amin’ny fianakaviana izay nanana ny fisoronana ary nizara izany tamin’ny fianakaviana ambiny.

Fotopampianarana sy Fanekempihavanana 6:32; Olomasina, 4:419

Olomasina mifampizara ny filazantsara any an-tokantrano.

Nandeha teny ny volana dia nitohy ilay hatsiaka. Nihira hira tao amin’ny fihirana ireo Olomasina ary nifampianatra ny filazantsara tao an-tokantranon’izy ireo. Nifampitsidika izy ireo mba hanampy amin’ny fihazonana ny finoany ho matanjaka. Natokan’izy ireo ny fahafolonkarenany izay haloany rehefa afaka miverina any am-piangonana indray izy ireo. Nivavaka sy nifady hanina izy ireo mba hifaranan’ilay hatsiaka.

Olomasina, 4:436–37

I Alice nasaina hanao asa fitoriana indray.

Nony farany, taorian’ny 18 volana dia nanapa-kevitra ny governemanta fa afaka manao fivoriana indray ny Fiangonana. Nangataka ny hiresaka tamin’i Alice, izay mpianatra tany amin’ny oniversite, ny filohan’ny misiôna vaovao iray. “Te hiverina ve ianao ka hanao asa fitoriana aorian’ny fianarana?” hoy izy nanontany. “Tsia,” hoy izy. “Te hanompo izao dia izao aho!”

Olomasina, 4:437–39

Olomasina any Ghana manatrika fivorian’ny Fiangonana.

Faly tokoa i Alice sy ireo Olomasina hafa fa afaka nandeha niangona indray izy ireo! Ny alahady voalohany taorian’ilay hatsiaka dia naharitra adiny roa ny fivoriana fanasan’ny Tompo satria maro ireo olona naniry ny hijoro ho vavolombelona. Nifampizaran’izy ireo ny fomba nitahian’ny Tompo azy ireo sy ny nanampiany azy ireo hihazona ny finoany hatanjaka.

Fotopampianarana sy Fanekempihavanana 20:75; Olomasina, 4:438