Tantara ao amin’ny soratra masina
Mikasika ny Fotopampianarana sy Fanekempihavanana

“Mikasika ny Fotopampianarana sy Fanekempihavanana,” Tantara ao amin’ny Fotopampianarana sy Fanekempihavanana (2024)

“Mikasika ny Fotopampianarana sy Fanekempihavanana,” Tantara ao amin’ny Fotopampianarana sy Fanekempihavanana

Teny fanolorana

Mikasika ny Fotopampianarana sy Fanekempihavanana

Miteny indray ny Tompo

I Jesoa Kristy miseho amin’ny vahoaka tany Amerika fahiny

Tia antsika ny Raintsika any An-danitra. Tiany hanao fanekempihavanana na fampanantenana Aminy isika mba hahafahany mitahy antsika. Naniraka an’i Jesoa Kristy Zanany Izy mba ho Mpamonjy antsika sy hanampy antsika hiverina any Aminy.

Mpaminany fahiny iray manoratra eo amin’ny horonan-taratasy iray.

Mandefa mpaminany ihany koa Andriamanitra mba hampianatra antsika momba an’i Jesoa Kristy sy ny didiny. Manompo an’i Jesoa Kristy sy manampy amin’ny fitarihana ny Fiangonany ireo mpaminany.

I Mosesy mihazona ireo didy folo.

Milaza amin’ireo mpaminany ny zavatra tokony hampianarina antsika i Jesoa. Ny tenin’ireo mpaminany taloha ela be dia voasoratra ao amin’ny soratra masina toy ny Baiboly sy ny Bokin’i Môrmôna.

I Joseph Smith manontany tena momba ny fombafomba ara-pivavahana tokony harahiny.

Nandritra ny taona maro taorian’ny naha-teto an-tany an’i Jesoa dia tsy nisy mpaminany. Tsy nanao fanekempihavanana tamin’ Andriamanitra sy nitandrina izany ny olona. Tsy teto an-tany ny Fiangonan’i Jesoa Kristy.

Ny Ray any An-danitra sy i Jesoa Kristy miseho amin’i Joseph Smith.

Kanefa avy eo dia niantso an’i Joseph Smith ho mpaminany Andriamanitra. Vao tovolahy i Joseph saingy nanana asa manan-danja hampanaovina azy Andriamanitra.

Manangana ny tanany ny olona mba hanohana an’i Joseph sy i Oliver ho mpitarika ao amin’ny Fiangonana.

Nampianatra momba an’i Jesoa i Joseph Smith. Nanampy tamin’ny fananganana ny Fiangonan’i Jesoa izy. Jesoa dia nampianatra an’i Joseph Smith ny filazantsarany sy ny fomba hitarihana ny Fiangonany.

Fianakaviana iray mamaky ny Fotopampianarana sy Fanekempihavanana.

Maro amin’ireo zavatra nolazain’i Jesoa tamin’i Joseph Smith no voasoratra ao amin’ny Fotopampianarana sy Fanekempihavanana. Ny Fotopampianarana sy Fanekempihavanana dia boky soratra masina tahaka ny Baiboly sy ny Bokin’i Môrmôna.

Lahatsary fanehoana mampiseho ny fiantraikan’ny Fotopampianarana sy Fanekempihavanana eo amin’ny olona.

Ny Tantara ao amin’ny Fotopampianarana sy Fanekempihavanana dia mitantara ny fomba namerenan’i Jesoa indray na namerenany tamin’ny laoniny ny Fiangonany omban’ny fanampian’ny Mpaminany Joseph Smith sy ny hafa. Antsoina hoe Olomasina ireo mpikamban’ny Fiangonana. Ireo tantara ireo dia mampiseho fa tia ny zanany manerana izao tontolo izao Andriamanitra. Maniry ny hitahy antsika Izy rehefa manao fanekempihavanana Aminy isika.