ຊ່ວງ “ຢຸດສະງັກ” ໃນປະເທດການາ

ການຍຶດໝັ້ນໃນຄວາມຊື່ສັດຂະນະທີ່ໄພ່ພົນບໍ່ສາມາດເຕົ້າໂຮມ

ອາລິສ ຈອນສັນ ແລະ ເຮດຕີ ບຣິມາ ກຳລັງແບ່ງປັນພຣະກິດຕິຄຸນໃນເມືອງໂຄຟໍຣິດູອາ, ປະເທດການາ.

ອາລິສ ຈອນສັນ ເປັນຜູ້ສອນສາດສະໜາກຳລັງຮັບໃຊ້ຢູ່ໃນບ້ານເກີດຂອງນາງ, ປະເທດການາ. ນາງມັກແບ່ງປັນປະຈັກພະຍານຂອງນາງກ່ຽວກັບພຣະເຢຊູຄຣິດ ແລະ ຊ່ວຍສາດສະໜາຈັກໃຫ້ເຕີບໂຕ.

Saints, 4:416–17

ອາລິສ ແລະ ເຮດຕີຮຽນຮູ້ວ່າເຂົາເຈົ້າບໍ່ສາມາດແບ່ງປັນພຣະກິດຕິຄຸນອີກຕໍ່ໄປ.

ມື້ໜຶ່ງ, ອາລິສໄດ້ຮັບຂ່າວຮ້າຍ. ລັດຖະບານໃນປະເທດການາໄດ້ກ່າວວ່າ ຈະບໍ່ມີການປະຊຸມສາດສະໜາຈັກອີກຕໍ່ໄປ. ຜູ້ສອນສາດສະໜາບໍ່ສາມາດສິດສອນອີກຕໍ່ໄປ.

Saints, 4:417

ເຈົ້າໜ້າທີ່ຕຳຫລວດຢູ່ຂ້າງນອກອາຄານສາດສະໜາຈັກທີ່ລ໊ອກໄວ້.

ເຈົ້າໜ້າທີ່ຕຳຫລວດໄດ້ບັງຄັບໃຫ້ຜູ້ສອນສາດສະໜາອອກຈາກອາພາດເມັນຂອງເຂົາເຈົ້າ ແລະ ຍຶດເອົາລົດຖີບຂອງເຂົາເຈົ້າໄປ. ສະມາຊິກຂອງສາດສະໜາຈັກບາງຄົນໄດ້ຖືກຈັບເຂົ້າຄຸກ. ທະຫານໄດ້ລ໊ອກອາຄານສາດສະໜາຈັກ ແລະ ບໍ່ອະນຸຍາດໃຫ້ໃຜເຂົ້າໄປ. ຜູ້ຄົນເອີ້ນສິ່ງນີ້ວ່າ “ການຢຸດສະງັກ.”

Saints, 4:417–18

ຜູ້ສອນສາດສະໜາຕ້ອງກັບບ້ານ. ອາລິສໄດ້ໄປຢູ່ກັບເພື່ອນຄົນໜຶ່ງໃນເມືອງອື່ນ. ນາງເປັນຫ່ວງວ່ານາງຈະບໍ່ສາມາດສຳເລັດການເຜີຍແຜ່ຂອງນາງ.

Saints, 4:418

ໄພ່ພົນໃນປະເທດການາເກີດຄວາມສັບສົນ, ໂສກເສົ້າ, ແລະ ຢ້ານ. ເຂົາເຈົ້າສົງໄສວ່າເຂົາເຈົ້າໄດ້ເຮັດຫຍັງຜິດ. ເຂົາເຈົ້າຈະໄດ້ໄປໂບດອີກຫລືບໍ່?

Saints, 4:418

ໄພ່ພົນກຳລັງມີການປະຊຸມສິນລະລຶກຢູ່ທີ່ບ້ານ.

ເຖິງແມ່ນວ່າເຂົາເຈົ້າບໍ່ສາມາດເຕົ້າໂຮມກັບຫວອດຂອງເຂົາເຈົ້າ, ແຕ່ໄພ່ພົນຍັງຮັກພຣະຜູ້ເປັນເຈົ້າ ແລະ ຢາກນະມັດສະການພຣະອົງ. ເຂົາເຈົ້າໄດ້ມີການປະຊຸມສິນລະລຶກຢູ່ໃນບ້ານຂອງຕົນ. ສະມາຊິກໃນຄອບຄົວຜູ້ທີ່ມີຖານະປະໂລຫິດໄດ້ອວຍພອນເຂົ້າຈີ່ ແລະ ນ້ຳ ແລ້ວຢາຍໃຫ້ຄົນອື່ນໆໃນຄອບຄົວ.

ຄຳສອນ ແລະ ພັນທະສັນຍາ 6:32; Saints, 4:419

ໄພ່ພົນກຳລັງແບ່ງປັນພຣະກິດຕິຄຸນຢູ່ທີ່ບ້ານ.

ເດືອນແລ້ວເດືອນເລົ່າ, ການຢຸດສະງັກນັ້ນຍັງຄົງດຳເນີນຕໍ່ໄປ. ໄພ່ພົນໄດ້ຮ້ອງເພງສວດ ແລະ ສິດສອນພຣະກິດຕິຄຸນໃຫ້ກັນຢູ່ໃນບ້ານຂອງເຂົາເຈົ້າ. ເຂົາເຈົ້າໄດ້ໄປຢ້ຽມຢາມກັນ ເພື່ອຊ່ວຍຮັກສາສັດທາຂອງເຂົາເຈົ້າໃຫ້ເຂັ້ມແຂງ. ເຂົາເຈົ້າໄດ້ເກັບເງິນສ່ວນສິບໄວ້ຈ່າຍເມື່ອເຂົາເຈົ້າສາມາດກັບຄືນໄປໂບດອີກ. ເຂົາເຈົ້າໄດ້ອະທິຖານ ແລະ ຖືສິນອົດເຂົ້າ ເພື່ອໃຫ້ການຢຸດສະງັກນັ້ນສິ້ນສຸດລົງ.

Saints, 4:436–37

ອາລິສຖືກເຊື້ອເຊີນໃຫ້ຮັບໃຊ້ເຜີຍແຜ່ອີກຄັ້ງ.

ໃນທີ່ສຸດ, ຫລັງຈາກ 18 ເດືອນ, ລັດຖະບານໄດ້ຕັດສິນໃຈວ່າ ສາດສະໜາຈັກສາມາດຈັດການປະຊຸມໄດ້ອີກ. ປະທານເຜີຍແຜ່ຄົນໃໝ່ໄດ້ຂໍລົມກັບອາລິສ, ຊຶ່ງຕອນນັ້ນລາວເປັນນັກສຶກສາໃນວິທະຍາໄລ. “ເຈົ້າຢາກກັບມາ ແລະ ຮັບໃຊ້ເຜີຍແຜ່ຫລັງຈາກຈົບຮຽນບໍ?” ເພິ່ນໄດ້ຖາມ. “ບໍ່,” ນາງໄດ້ຕອບ. “ຂ້ານ້ອຍຢາກຮັບໃຊ້ດຽວນີ້!”

Saints, 4:437–39

ໄພ່ພົນໃນປະເທດການາກຳລັງເຂົ້າຮ່ວມກອງປະຊຸມຂອງສາດສະໜາຈັກ.

ອາລິສ ແລະ ໄພ່ພົນຄົນອື່ນໆດີໃຈຫລາຍທີ່ເຂົາເຈົ້າສາມາດກັບໄປໂບດອີກ! ໃນວັນອາທິດທຳອິດຫລັງຈາກການຢຸດສະງັກ, ກອງປະຊຸມສິນລະລຶກຍາວເຖິງສອງຊົ່ວໂມງ ເພາະຫລາຍຄົນຢາກສະແດງປະຈັກພະຍານຂອງຕົນ. ເຂົາເຈົ້າໄດ້ບອກກັນແລະກັນວ່າ ພຣະຜູ້ເປັນເຈົ້າໄດ້ອວຍພອນເຂົາເຈົ້າ ແລະ ໄດ້ຊ່ວຍເຂົາເຈົ້າຮັກສາສັດທາຂອງເຂົາເຈົ້າໃຫ້ເຂັ້ມແຂງ.

ຄຳສອນ ແລະ ພັນທະສັນຍາ 20:75; Saints, 4:438