“ການສ້າງສາເມືອງນາວູ,” ເລື່ອງຄຳສອນ ແລະ ພັນທະສັນຍາ (2024)
“ການສ້າງສາເມືອງນາວູ,” ເລື່ອງຄຳສອນ ແລະ ພັນທະສັນຍາ
1840–1842
ການສ້າງສາເມືອງນາວູ
ແຜນການຂອງພຣະຜູ້ເປັນເຈົ້າສຳລັບເມືອງອັນສວຍງາມ
ພຣະຜູ້ເປັນເຈົ້າບອກໃຫ້ໄພ່ພົນເຕົ້າໂຮມກັນຢູ່ໃນສະຖານທີ່ໃໝ່. ທີ່ນັ້ນແມ່ນຢູ່ໃກ້ກັບແມ່ນໍ້າໃຫຍ່ເອີ້ນວ່າ ມິດຊີຊິບປີ. ແຜ່ນດິນນັ້ນປຽກ ແລະ ເປັນຂີ້ຕົມ. ສຳລັບບາງຄົນແລ້ວ, ມັນເບິ່ງຄືກັບວ່າສະຖານທີ່ນັ້ນບໍ່ແມ່ນສະຖານທີ່ຈະສ້າງເມືອງ. ແຕ່ສາດສະດາໂຈເຊັບ ສະມິດ ຮູ້ວ່າດ້ວຍການຊ່ວຍເຫລືອຈາກພຣະຜູ້ເປັນເຈົ້າ, ພວກເພິ່ນຈະສາມາດເຮັດໃຫ້ມັນສວຍງາມໄດ້.
ຄຳສອນ ແລະ ພັນທະສັນຍາ 124:25; Saints, 1:417
ໄພ່ພົນໄດ້ເລີ່ມການເຮັດວຽກໜັກເພື່ອຈະເຮັດໃຫ້ມັນເປັນສະຖານທີ່ດີເພື່ອອາໃສຢູ່. ສາດສະດາໂຈເຊັບໄດ້ເອີ້ນເມືອງນັ້ນວ່າ ນາວູ, ຊຶ່ງມີຄວາມໝາຍວ່າ “ສະຖານທີ່ສວຍງາມ.”
Saints, 1:417
ພຣະຜູ້ເປັນເຈົ້າໄດ້ບອກໄພ່ພົນໃຫ້ສ້າງເຮືອນຫລັງໜຶ່ງໃນນາວູ ໃຫ້ເປັນບ່ອນທີ່ຜູ້ເດີນທາງຈະສາມາດມາພັກເຊົາໄດ້. ພຣະອົງຢາກໃຫ້ນາວູເປັນສະຖານທີ່ທີ່ທຸກຄົນຮູ້ສຶກໄດ້ຮັບການຕ້ອນຮັບ.
ຄຳສອນ ແລະ ພັນທະສັນຍາ 124:22–24, 60; Saints, 1:426
ພຣະຜູ້ເປັນເຈົ້າໄດ້ບອກສາດສະດາໂຈເຊັບວ່າ ພຣະອົງມີແຜນທີ່ຍິ່ງໃຫຍ່ສຳລັບເມືອງນາວູ. ພຣະອົງຢາກໃຫ້ໄພ່ພົນຂອງພຣະອົງຮວມຕົວກັນຢູ່ທີ່ນີ້ເພື່ອພວກເຂົາຈະສາມາດສ້າງພຣະວິຫານ. ພຣະອົງໄດ້ຂໍໃຫ້ພວກເຂົາເຮັດວຽກໜັກເທົ່າທີ່ເຮັດໄດ້ເພື່ອສ້າງບ້ານຂອງພຣະອົງ. ໄພ່ພົນກໍພາກັນເລີ່ມເຮັດວຽກຢ່າງໄວວາ.
ຄຳສອນ ແລະ ພັນທະສັນຍາ 124:25–28, 44, 55; Saints, 1:420–21, 425–27
ພຣະຜູ້ເປັນເຈົ້າຢາກໃຫ້ໄພ່ພົນສ້າງພຣະວິຫານ ເພາະວ່າພຣະອົງມີພອນອັນຍິ່ງໃຫຍ່ທີ່ຈະມອບໃຫ້ກັບພວກເຂົາ. ໃນພຣະວິຫານ, ພວກເຂົາຈະໄດ້ເຮັດພັນທະສັນຍາ, ຫລື ເຮັດຄຳສັນຍາພິເສດ, ກັບພຣະຜູ້ເປັນເຈົ້າ. ພວກເຂົາຍັງຈະໄດ້ຮຽນຮູ້ກ່ຽວກັບແຜນແຫ່ງຄວາມສຸກຂອງພຣະບິດາເທິງສະຫວັນທີ່ມີໃຫ້ກັບລູກໆຂອງພຣະອົງໝົດທຸກຄົນນຳອີກ.
ຄຳສອນ ແລະ ພັນທະສັນຍາ 124:29–41; Saints, 1:453–55
ໄພ່ພົນໄດ້ເຮັດວຽກໜັກໃນການສ້າງພຣະວິຫານ, ດັ່ງທີ່ພຣະຜູ້ເປັນເຈົ້າໄດ້ບັນຊາໄວ້. ມັນໃຊ້ເວລາດົນນານ, ແຕ່ວ່າພວກເຂົາຕື່ນເຕັ້ນກ່ຽວກັບມື້ນັ້ນ ວັນທີ່ພວກເຂົາແຕ່ລະຄົນຈະສາມາດຮຽນຮູ້ກ່ຽວກັບຄຳສັນຍາພິເສດທີ່ພຣະຜູ້ເປັນເຈົ້າມີໄວ້ໃຫ້ກັບພວກເຂົາໃນພຣະວິຫານຂອງພຣະອົງ.
Saints, 1:453–55