“ໂຈເຊັບ ແລະ ອໍລີເວີໄດ້ຮັບຂໍກະແຈຂອງຖານະປະໂລຫິດ,” ເລື່ອງຄຳສອນ ແລະ ພັນທະສັນຍາ (2024)
“ໂຈເຊັບ ແລະ ອໍລີເວີໄດ້ຮັບຂໍກະແຈຂອງຖານະປະໂລຫິດ,” ເລື່ອງຄຳສອນ ແລະ ພັນທະສັນຍາ
ເດືອນເມສາ 1836
ໂຈເຊັບ ແລະ ອໍລີເວີໄດ້ຮັບຂໍກະແຈຂອງຖານະປະໂລຫິດ
ພຣະເຢຊູຄຣິດ ແລະ ທູດສະຫວັນຢ້ຽມຢາມພຣະວິຫານເຄີດແລນ
ໜຶ່ງອາທິດຫລັງຈາກພຣະວິຫານເຄີດແລນໄດ້ຖືກອຸທິດ, ໄພ່ພົນໜຶ່ງພັນຄົນໄດ້ພົບກັນຢູ່ໃນພຣະວິຫານ ເພື່ອນະມັດສະການພຣະຜູ້ຊ່ວຍໃຫ້ລອດ. ມັນແມ່ນວັນອາທິດອີດສະເຕີ. ໂຈເຊັບ ສະມິດ, ອໍລີເວີ ຄາວເດີຣີ, ແລະ ອັກຄະສາວົກສິບສອງໄດ້ໄດ້ມອບສິນລະລຶກໃຫ້ແກ່ໄພ່ພົນ.
ຄຳສອນ ແລະ ພັນທະສັນຍາ 110, ຫົວຂໍ້ພາກ; Saints, 1:239
ຫລັງຈາກສິນລະລຶກ, ໂຈເຊັບ ແລະ ອໍລີເວີໄດ້ພົບເຫັນບ່ອນມິດງຽບຢູ່ໃນພຣະວິຫານ, ຢູ່ຫລັງຜ້າກັ້ງ, ເພື່ອອະທິຖານ.
ຄຳສອນ ແລະ ພັນທະສັນຍາ 110, ຫົວຂໍ້ພາກ; Saints, 1:239
ເມື່ອພວກເພິ່ນໄດ້ອະທິຖານຈົບແລ້ວ, ພວກເພິ່ນໄດ້ເງີຍໜ້າຂຶ້ນ. ພຣະເຢຊູຄຣິດກຳລັງຢືນຢູ່ຕໍ່ໜ້າພວກເພິ່ນ! ພຣະອົງຮູ້ວ່າໄພ່ພົນໄດ້ເຮັດວຽກງານໜັກເພື່ອສ້າງພຣະວິຫານ. “ເຮົາໄດ້ຍອມຮັບເອົາບ້ານແຫ່ງນີ້,” ພຣະອົງໄດ້ກ່າວ. ພຣະເຢຊູໄດ້ບອກໂຈເຊັບ ແລະ ອໍລີເວີວ່າ ພອນຂອງພຣະວິຫານຈະນຳຄວາມຊື່ນຊົມອັນຍິ່ງໃຫຍ່ມາໃຫ້ຜູ້ຄົນຢ່າງຫລວງຫລາຍ.
ຄຳສອນ ແລະ ພັນທະສັນຍາ 110:1–10
ຫລັງຈາກພຣະເຢຊູໄດ້ຈາກໄປ, ສາດສະດາໂມເຊຈາກພຣະຄຳພີເດີມໄດ້ມາປະກົດຕົວຕໍ່ໂຈເຊັບ ແລະ ອໍລີເວີ. ເພິ່ນໄດ້ມອບຂໍກະແຈຂອງຖານະປະໂລຫິດຂອງການເຕົ້າໂຮມອິດສະຣາເອນໃຫ້ພວກເພິ່ນ. ນີ້ໝາຍຄວາມວ່າ ພວກເພິ່ນສາມາດນຳພາວຽກງານຂອງການແບ່ງປັນພຣະກິດຕິຄຸນ. ພວກເພິ່ນສາມາດສົ່ງຜູ້ສອນສາດສະໜາໄປທົ່ວໂລກ ເພື່ອນຳຜູ້ຄົນມາໃຫ້ສາດສະໜາຈັກຂອງພຣະຜູ້ຊ່ວຍໃຫ້ລອດ.
ຄຳສອນ ແລະ ພັນທະສັນຍາ 110:11
ຕໍ່ມາ, ສາດສະດາອີລາຍໄດ້ມາປະກົດ. ເພິ່ນໄດ້ມອບຂໍກະແຈຂອງການຟື້ນຟູພັນທະສັນຍາຂອງອັບຣາຮາມໃຫ້ພວກເພິ່ນ. ນີ້ໝາຍຄວາມວ່າ ໄພ່ພົນສາມາດໄດ້ຮັບພັນທະສັນຍາອັນດຽວກັນກັບທີ່ອັບຣາຮາມໄດ້ຮັບຈາກພຣະຜູ້ເປັນເຈົ້າ. ເຂົາເຈົ້າຈະມີພະລັງໃນການນຳພຣະກິດຕິຄຸນ ແລະ ພອນຂອງພຣະເຈົ້າໄປໃຫ້ຜູ້ຄົນໃນທຸກຫົນທຸກແຫ່ງເປັນເວລາຫລາຍປີທີ່ຈະມາເຖິງ.
ຄຳສອນ ແລະ ພັນທະສັນຍາ 110:12
ໃນທີ່ສຸດ, ສາດສະດາເອລີຢາກໍໄດ້ມາປະກົດ. ເພິ່ນໄດ້ມອບຂໍກະແຈຂອງຖານະປະໂລຫິດເພື່ອຜະນຶກ, ຫລື ເຕົ້າໂຮມ, ຄອບຄົວເຂົ້າກັນຊົ່ວນິລັນດອນ. ວຽກງານທີ່ໄພ່ພົນໄດ້ເຮັດຢູ່ໃນພຣະວິຫານຈະຖືກຍອມຮັບໃນສະຫວັນ. ບັດນີ້ ສາດສະໜາຈັກໄດ້ມີອຳນາດທີ່ຈະເຮັດວຽກງານຂອງພຣະຜູ້ຊ່ວຍໃຫ້ລອດ ແລະ ກຽມໃຫ້ພຣະອົງສະເດັດມາຍັງໂລກອີກຄັ້ງ.