“ເທລີຮັບໃຊ້ພຣະຜູ້ເປັນເຈົ້າ,” ເລື່ອງຄຳສອນ ແລະ ພັນທະສັນຍາ (2024)
“ເທລີຮັບໃຊ້ພຣະຜູ້ເປັນເຈົ້າ,” ເລື່ອງຄຳສອນ ແລະ ພັນທະສັນຍາ
ເດືອນເມສາ 1844–ເດືອນມີນາ 1852
ເທລີຮັບໃຊ້ພຣະຜູ້ເປັນເຈົ້າ
ການສ້າງສາສາດສະໜາຈັກໃນເກາະຕູບົວໄອ
ຜູ້ຍິງຄົນໜຶ່ງຊື່ ເທລີ ໄດ້ອາໄສຢູ່ໃນເກາະນ້ອຍແຫ່ງໜຶ່ງຊື່ ຕູບົວໄອ. ບາງຄັ້ງຜູ້ສອນສາດສະໜາຈາກສາດສະໜາຈັກຕ່າງໆກໍມາຢ້ຽມຢາມເກາະຕູບົວໄອ, ແຕ່ຕາມປົກກະຕິແລ້ວ ເຂົາເຈົ້າບໍ່ໄດ້ຢູ່ດົນ. ມື້ໜຶ່ງໃນປີ 1844, ເທລີມີຄວາມຕື່ນເຕັ້ນທີ່ໄດ້ຍິນວ່າຜູ້ສອນສາດສະໜາຈາກສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍໄດ້ມາເກາະຕູບົວໄອ.
ຄຳສອນ ແລະ ພັນທະສັນຍາ 1:1; 133:8
ຜູ້ສອນສາດສະໜາກຳລັງເດີນທາງໄປຍັງເກາະທີ່ໃຫຍ່ກວ່າ. ແຕ່ຜູ້ຄົນໃນເກາະຕູບົວໄອຢາກໃຫ້ເຂົາເຈົ້າຢູ່ ແລະ ສິດສອນພຣະກິດຕິຄຸນ. ເທລີ ແລະ ນາໂບຕາ ສາມີຂອງນາງ ໄດ້ເວົ້າວ່າ ຜູ້ສອນສາດສະໜາສາມາດພັກຢູ່ເຮືອນຂອງເຂົາເຈົ້າໄດ້. ຄົນໜຶ່ງໃນກຸ່ມຜູ້ສອນສາດສະໜາ, ແອດດິສັນ ພະແຣັດ, ໄດ້ຕົກລົງ.
Saints, 1:573–74
ເທລີ ແລະ ນາໂບຕາໄດ້ແບ່ງປັນທຸກສິ່ງທີ່ເຂົາເຈົ້າມີໃຫ້ກັບແອດດິສັນ. ເຂົາເຈົ້າໄດ້ສິດສອນລາວໃຫ້ເວົ້າພາສາຂອງເຂົາເຈົ້າ. ແອດດິສັນໄດ້ສິດສອນເຂົາເຈົ້າກ່ຽວກັບພຣະເຢຊູຄຣິດ.
ພຣະວິນຍານບໍລິສຸດໄດ້ບອກກັບເທລີ ແລະ ນາໂບຕາວ່າ ພຣະກິດຕິຄຸນຂອງພຣະຜູ້ຊ່ວຍໃຫ້ລອດເປັນຄວາມຈິງ. ເຂົາເຈົ້າເປັນຜູ້ຄົນທຳອິດໃນເກາະຕູບົວໄອທີ່ໄດ້ຮັບບັບຕິສະມາ.
Saints, 1:573–74
ເທລີ, ນາໂບຕາ, ແລະ ແອດດິສັນໄດ້ກາຍເປັນເພື່ອນທີ່ດີ. ເຂົາເຈົ້າໄດ້ເດີນທາງໄປດ້ວຍກັນ ແລະ ໄດ້ສິດສອນພຣະກິດຕິຄຸນຢູ່ໃນເກາະຕູບົວໄອ ແລະ ເກາະອື່ນໆ. ເມື່ອຜູ້ຄົນໄດ້ພະຍາຍາມບອກໄພ່ພົນໃນເກາະຕູບົວໄອວ່າ ເຂົາເຈົ້າບໍ່ຄວນເຂົ້າຮ່ວມສາດສະໜາຈັກ, ເທລີໄດ້ສິດສອນພວກເຂົາຈາກພຣະຄຳພີວ່າ ສາດສະໜາຈັກເປັນຄວາມຈິງ.
Saints, 2:27, 45
ເທລີຢາກຊ່ວຍຫລາຍຄົນຢູ່ໃນເກາະຕູບົວໄອໃຫ້ຮຽນຮູ້ພຣະກິດຕິຄຸນຂອງພຣະເຢຊູຄຣິດ. ນາງໄດ້ແຕ່ງເພງຈາກພຣະຄຳພີ ແລະ ເຊື້ອເຊີນຜູ້ຄົນກຸ່ມໃຫຍ່ໃຫ້ຮ້ອງເພງກັບນາງໃນຕອນແລງ. ການຮ້ອງເພງຂອງນາງເທລີໄດ້ຊ່ວຍໃຫ້ຫລາຍຄົນຮຽນຮູ້ຈາກພຣະຄຳພີ ແລະ ຈື່ຈຳສິ່ງທີ່ເຂົາເຈົ້າໄດ້ຮຽນຮູ້.
ຄຳສອນ ແລະ ພັນທະສັນຍາ 25:12
ຫລາຍປີຕໍ່ມາ, ຜູ້ສອນສາດສະໜາຫລາຍຄົນຕື່ມອີກໄດ້ມາທີ່ເກາະຕູບົວໄອ, ລວມທັງຄອບຄົວຂອງແອດດິສັນ. ເທລີໄດ້ຕ້ອນຮັບເຂົາເຈົ້າເຂົ້າສູ່ບ້ານຂອງນາງ. ນາງໄດ້ເຮັດວຽກຮ່ວມກັບຫລຸຍອິສາ ພັນລະຍາຂອງແອດດິສັນ, ເພື່ອຮັບໃຊ້ພວກຜູ້ຍິງຢູ່ໃນເກາະຕູບົວໄອ.
Saints, 2:133–34
ຫລັງຈາກນັ້ນບໍ່ດົນ, ຜູ້ສອນສາດສະໜາໄດ້ຖືກບັງຄັບໃຫ້ອອກຈາກເກາະຕູບົວໄອ ແລະ ເກາະອື່ນໆ. ແຕ່ເທລີຍັງສືບຕໍ່ສິດສອນ ແລະ ນຳພາໄພ່ພົນຕໍ່ໄປ. ເນື່ອງຈາກຕົວຢ່າງ ແລະ ການຮັບໃຊ້ຂອງນາງເທລີ, ສາດສະໜາຈັກຢູ່ໃນເກາະຕູບົວໄອຈຶ່ງຍັງຄົງເຂັ້ມແຂງຢູ່.
Saints, 2:150–51