ສະມາຄົມສະຕີສົງເຄາະ

ສະຕີແຫ່ງນາວູຮັບໃຊ້ພຣະຜູ້ເປັນເຈົ້າ

ມາກາເຣັດ ຄຸກ ແລະ ຊາຣາ ຄິມໂບ ກຳລັງເວົ້າກ່ຽວກັບພຣະວິຫານຫລັງໃໝ່ທີ່ກຳລັງສ້າງຂຶ້ນໃນເມືອງນາວູ.

ມາກາເຣັດ ຄຸກ ອາໃສຢູ່ໃນເມືອງນາວູ. ນາງເຮັດວຽກກັບຊາຣາ ຄິມໂບ, ຊ່ວຍນາງໃນການຫຍິບເຄື່ອງ. ໃນຂະນະທີ່ນາງເຮັດວຽກຢູ່ນັ້ນ, ພວກນາງມັກເວົ້າກ່ຽວກັບພຣະວິຫານຫລັງໃໝ່ທີ່ກຳລັງສ້າງຂຶ້ນໃນເມືອງນາວູ. ພວກນາງຕື່ນເຕັ້ນກ່ຽວກັບພຣະວິຫານນີ້.

Saints, 1:447

ນາງມາກາເຣັດໄດ້ສັງເກດເຫັນວ່າຄົນງານທີ່ເຮັດວຽກສ້າງພຣະວິຫານນັ້ນໃສ່ເຄື່ອງນຸ່ງເກົ່າ.

ມື້ໜຶ່ງ, ນາງມາກາເຣັດໄດ້ສັງເກດເຫັນວ່າ ຄົນງານຜູ້ຊາຍຫລາຍຄົນທີ່ກຳລັງສ້າງພຣະວິຫານໃສ່ເຄື່ອງນຸ່ງເກົ່າ ແລະ ຂາດ. ນາງກໍເລີຍສົງໄສວ່ານາງ ແລະ ຊາຣາຈະສາມາດເຮັດວຽກນຳກັນໃນການຫຍິບເສື້ອໂຕໃໝ່ໃຫ້ກັບພວກຜູ້ຊາຍດີຫລືບໍ່. ຊາຣາມັກຄວາມຄິດນັ້ນ. ນາງ ແລະ ມາກາເຣັດຈຶ່ງໄດ້ເວົ້າລົມກັບພວກສະຕີຄົນອື່ນໆກ່ຽວກັບການຈັດຕັ້ງກຸ່ມຂຶ້ນມາເພື່ອຊ່ວຍເຫລືອຄົນງານ.

Saints, 1:447–48

ໂຈເຊັບ ສະມິດ ປະຊຸມກັບນາງມາກາເຣັດ, ຊາຣາ, ແລະ ຄົນອື່ນໆເພື່ອຈັດຕັ້ງສະມາຄົມສະຕີສົງເຄາະຂອງສາດສະໜາຈັກ.

ສາດສະດາໂຈເຊັບໄດ້ເວົ້າວ່າ ພຣະຜູ້ເປັນເຈົ້າພໍພຣະໄທກັບແນວຄິດຂອງພວກນາງ, ແລະ ພຣະອົງມີສິ່ງທີ່ດີກວ່າໃຫ້ກັບພວກນາງ. ໂຈເຊັບໄດ້ເຊື້ອເຊີນໃຫ້ສະຕີທັງຫລາຍມາພົບກັບເພິ່ນໃນວັນທີ 1 ເດືອນມີນາ,1842. ດ້ວຍການນຳໃຊ້ອຳນາດຖານະປະໂລຫິດ, ເພິ່ນໄດ້ສ້າງຕັ້ງກຸ່ມສະຕີຂອງສາດສະໜາຈັກ. ເຂົາເຈົ້າໄດ້ຕັດສິນໃຈເອີ້ນກຸ່ມຂອງສະຕີນີ້ວ່າ ສະມາຄົມສະຕີສົງເຄາະແຫ່ງນາວູ.

Saints, 1:448, 450–51

ໂຈເຊັບໄດ້ຂໍໃຫ້ສະມາຄົມສະຕີສົງເຄາະຊ່ວຍໃຫ້ຜູ້ຄົນກຽມພ້ອມຮັບພອນຂອງພຣະວິຫານ ແລະ ຊີວິດນິລັນດອນ. ເຂົາເຈົ້າຄວນຈະເປັນຕົວຢ່າງຂອງການຕິດຕາມພຣະເຢຊູ.

Saints, 1:451

ສະມາຊິກໃນສະມາຄົມສະຕີສົງເຄາະກຳລັງນຳເອົາອາຫານໄປໃຫ້ຄອບຄົວທີ່ຂັດສົນ.

ໂຈເຊັບຍັງໄດ້ກ່າວວ່າ ສະມາຄົມສະຕີສົງເຄາະຄວນຊອກຫາຄົນຜູ້ທີ່ຍາກຈົນ ແລະ ຊ່ວຍເຫລືອພວກເຂົາ. ແມ່ນແຕ່ພວກສະຕີທີ່ຍາກຈົນກໍຢາກຊ່ວຍເຫລືອຜູ້ຄົນທີ່ຂັດສົນ.

Saints, 1:449

ສະມາຄົມສະຕີສົງເຄາະໄດ້ຮັບການຈັດຕັ້ງ. ເອມມາ ສະມິດ ໄດ້ຖືກເອີ້ນໃຫ້ເປັນປະທານ. ນາງໄດ້ເອີ້ນທີ່ປືກສາສອງຄົນຄື, ຊາຣາ ຄລີວະແລນ ແລະ ແອນ ວິດນີ. ນາງຍັງໄດ້ເອີ້ນ ອີລາຍຊາ ອາ ສະໂນ, ໃຫ້ເປັນເລຂານຸການນຳອີກ.

Saints, 1:450

ເອມມາກຳລັງສິດສອນສະຕີໃນສະມາຄົມສະຕີສົງເຄາະ.

ພຣະຜູ້ເປັນເຈົ້າໄດ້ຊ່ວຍເອມມາໃຫ້ບັນລຸການເອີ້ນຂອງນາງ. ເອມມາໄດ້ສິດສອນພວກສະຕີວ່າ ພວກນາງສາມາດເຮັດສິ່ງອັນຍິ່ງໃຫຍ່ໃນການຮັບໃຊ້ພຣະຜູ້ເປັນເຈົ້າ. ນາງຢາກໃຫ້ເຂົາເຈົ້າແຕ່ລະຄົນຊອກຫາວິທີທີ່ຈະເຮັດຄວາມດີ. ນາງໄດ້ບອກກັບເຂົາເຈົ້າວ່າ, ສິ່ງສຳຄັນທີ່ສຸດຄື, ໃຫ້ຮັກຄົນອື່ນໃນວິທີທີ່ພຣະເຢຊູໄດ້ເຮັດ. ສະຕີຫລາຍຄົນໃນເມືອງນາວູໄດ້ເຂົ້າຮ່ວມສະມາຄົມສະຕີສົງເຄາະ.

ຄຳສອນ ແລະ ພັນທະສັນຍາ 25:3, 7; Saints, 1:451

ຮູບແຕ້ມພາບປະກອບທີ່ສະແດງໃຫ້ເຫັນວິທີທີ່ສະຕີໃນສາດສະໜາຈັກຊ່ວຍເຫລືອຜູ້ຄົນໃນທົ່ວໂລກ.

ພວກນາງໄດ້ຊ່ວຍເຫລືອຜູ້ຄົນໃນການກຽມພ້ອມສຳລັບພອນຂອງພຣະວິຫານ ແລະ ຊ່ວຍເຫລືອຫລາຍຄອບຄົວຜູ້ທີ່ຂັດສົນໃນເມືອງນາວູ. ນັບຕັ້ງແຕ່ນັ້ນເປັນຕົ້ນມາ, ສະຕີໃນທົ່ວໂລກໄດ້ເຂົ້າຮ່ວມສະມາຄົມສະຕີສົງເຄາະ. ພວກນາງສືບຕໍ່ຮັບໃຊ້ຜູ້ຄົນ ແລະ ຊ່ວຍເຫລືອເຂົາເຈົ້າໃຫ້ຮັບເອົາພອນພຣະວິຫານ.

Saints, 1:451