“ແຊມໂຍ ສະມິດ ແບ່ງປັນພຣະຄຳພີມໍມອນ,” ເລື່ອງຄຳສອນ ແລະ ພັນທະສັນຍາ (2024)
“ແຊມໂຍ ສະມິດ ແບ່ງປັນພຣະຄຳພີມໍມອນ,” ເລື່ອງຄຳສອນ ແລະ ພັນທະສັນຍາ
1830–1832
ແຊມໂຍ ສະມິດ ແບ່ງປັນພຣະຄຳພີມໍມອນ
ໜັງສືເຫລັ້ມໜຶ່ງເປັນພອນໃຫ້ແກ່ຫລາຍຊີວິດ
ພຣະຜູ້ເປັນເຈົ້າໄດ້ເອີ້ນແຊມໂຍ ສະມິດ, ນ້ອງຊາຍຂອງໂຈເຊັບ, ໃຫ້ໄປເຜີຍແຜ່ ເພື່ອແບ່ງປັນພຣະກິດຕິຄຸນ. ແຊມໂຍໄດ້ພົບຈອນ ແລະ ໂຣດາ ກະຣີນ ແລະ ໄດ້ບອກພວກເພິ່ນກ່ຽວກັບ ພຣະຄຳພີມໍມອນ. ຈອນໄດ້ເປັນນັກເທດໃນໂບດອື່ນ. ເພິ່ນໄດ້ເວົ້າວ່າ ເພິ່ນຈະຮັບເອົາໜັງສືນັ້ນ ແລະ ເບີ່ງຖ້າຫາກວ່າຈະມີໃຜບໍໃນໂບດຂອງເພິ່ນທີ່ຢາກຈະອ່ານມັນ.
Saints, 1:99
ຫລັງຈາກສອງສາມເດືອນ, ແຊມໂຍໄດ້ກັບຄືນມາ. ໂຣດາໄດ້ເວົ້າວ່າສາມີຂອງນາງບໍ່ໄດ້ພົບເຫັນຜູ້ໃດທີ່ຢາກອ່ານພຣະຄຳພີມໍມອນ. ນາງໄດ້ເອົາມັນຄືນໃຫ້ແຊມໂຍ.
Saints, 1:99
ແຊມໂຍເສົ້າໃຈ. ລາວໄດ້ຫັນໜ້າຈະໜີໄປ, ແຕ່ໂຣດາໄດ້ຢຸດລາວໄວ້. ນາງໄດ້ເວົ້າວ່າ ນາງໄດ້ອ່ານພຣະຄຳພີມໍມອນ, ແລະ ວ່ານາງກໍມັກອ່ານມັນ.
Saints, 1:99
ພຣະວິນຍານບໍລິສຸດໄດ້ບອກໃຫ້ແຊມໂຍເອົາພຣະຄຳພີມໍມອນຄືນໃຫ້ໂຣດາ. “ຈົ່ງທູນຂໍປະຈັກພະຍານຈາກພຣະເຈົ້າ,” ແຊມໂຍໄດ້ບອກນາງ. ລາວໄດ້ສິດສອນໂຣດາກ່ຽວກັບພຣະວິນຍານບໍລິສຸດ ແລະ ວິທີທີ່ນາງຈະຮູ້ໄດ້ແນວໃດວ່າ ພຣະຄຳພີມໍມອນເປັນຄວາມຈິງ.
ໂມໂຣໄນ 10:3–5; Saints, 1:99–100
ແຊມໂຍໄດ້ກັບບ້ານຈາກການເຜີຍແຜ່ຂອງລາວ. ລາວບໍ່ໄດ້ໃຫ້ບັບຕິສະມາໃຜຈັກຄົນ, ແລະ ມີພຽງແຕ່ສອງສາມຄົນທີ່ໄດ້ສົນໃຈເລື່ອງພຣະຄຳພີມໍມອນ.
ໂຣດາ ແລະ ຈອນໄດ້ອະທິຖານ, ແລະ ພຣະວິນຍານບໍລິສຸດໄດ້ບອກພວກເພິ່ນວ່າ ພຣະຄຳພີມໍມອນເປັນຄວາມຈິງ. ແລ້ວໂຣດາກໍໄດ້ແບ່ງປັນໜັງສືເຫລັ້ນນັ້ນກັບບຣິກຳ ຢັງ, ນ້ອງຊາຍຂອງນາງ.
Saints, 1:100
ບຣິກຳ ແລະ ຮີເບີ ຄິມໂບ, ເພື່ອນຂອງເພິ່ນ, ໄດ້ຊອກຫາສາດສະໜາຈັກທີ່ແທ້ຈິງຂອງພຣະເຢຊູ. ພວກເພິ່ນໄດ້ອ່ານພຣະຄຳພີມໍມອນ. ພວກເພິ່ນໄດ້ສຶກສາ ແລະ ໄດ້ອະທິຖານກ່ຽວກັບພຣະກິດຕິຄຸນຂອງພຣະເຢຊູຄຣິດເກືອບສອງປີ.
ໃນເວລານີ້, ບຣິກຳ ແລະ ຮີເບີໄດ້ໄປຮ່ວມກອງປະຊຸມຂອງສາດສະໜາຈັກກັບຄອບຄົວຂອງພວກເພິ່ນ. ໃນກອງປະຊຸມຄັ້ງໜຶ່ງນັ້ນ, ບຣິກຳໄດ້ຍິນຜູ້ສອນສາດສະໜາຄົນໜຶ່ງແບ່ງປັນປະຈັກພະຍານຂອງລາວ. ຜູ້ສອນສາດສະໜາຄົນນັ້ນບໍ່ໄດ້ເປັນຄົນທີ່ເວົ້າເກັ່ງ, ແຕ່ບຣິກຳໄດ້ຮູ້ສຶກພຣະວິນຍານບໍລິສຸດຂະນະທີ່ລາວກ່າວ. ບຣິກຳຮູ້ວ່າລາວເວົ້າຄວາມຈິງ.
ບຣິກຳ, ຮີເບີ, ແລະ ມິຣີອາມ ແລະ ວະເລດ, ພັນລະຍາຂອງພວກເພິ່ນ, ໄດ້ຮັບບັບຕິສະມາ. ພວກນາງຮັກພຣະຜູ້ຊ່ວຍໃຫ້ລອດ ແລະ ພຣະກິດຕິຄຸນຂອງພຣະອົງ. ຫລາຍປີຕໍ່ມາ, ພຣະຜູ້ເປັນເຈົ້າໄດ້ເອີ້ນບຣິກຳ ແລະ ຮີເບີໃຫ້ເປັນອັກຄະສາວົກຂອງພຣະອົງ ແລະ ໃຫ້ຮັບໃຊ້ເຜີຍແຜ່. ເປັນເພາະແຊມໂຍໄດ້ແບ່ງປັນພຣະຄຳພີມໍມອນ, ຫລາຍຄົນຈຶ່ງໄດ້ເຂົ້າຮ່ວມສາດສະໜາຈັກຂອງພຣະຜູ້ຊ່ວຍໃຫ້ລອດ.
ຄຳສອນ ແລະ ພັນທະສັນຍາ 124:27–29; 126; Saints, 1:215–16