“ພາລີ ແລະ ແຕ້ງຟູນ ພະແຣັດ,” ເລື່ອງຄຳສອນ ແລະ ພັນທະສັນຍາ (2024)
“ພາລີ ແລະ ແຕ້ງຟູນ ພະແຣັດ,” ເລື່ອງຄຳສອນ ແລະ ພັນທະສັນຍາ
ເດືອນສິງຫາ–ເດືອນກັນຍາ 1830
ພາລີ ແລະ ແຕ້ງຟູນ ພະແຣັດ
ສັດທາທີ່ຈະເຮັດຕາມພຣະວິນຍານ
ພາລີ ພະແຣັດ ແລະ ແຕ້ງຟູນ ພະແຣັດ ເປັນຊາວໄຮ່ຊາວນາຢູ່ທີ່ລັດໂອໄຮໂອ. ມື້ໜຶ່ງ, ພາລີໄດ້ຮູ້ສຶກພຣະວິນຍານບອກເພິ່ນວ່າໃຫ້ຈາກບ້ານເພິ່ນໄປເພື່ອສິດສອນຜູ້ຄົນກ່ຽວກັບພຣະຄຣິສຕະທຳຄຳພີ.
Saints, 1:92
ພາລີ ແລະ ແຕ້ງຟູນໄດ້ຂາຍຟາມຂອງພວກເພິ່ນ. ພວກເພິ່ນບໍ່ຮູ້ວ່າພວກເພິ່ນຈະໄປໃສ, ແຕ່ພວກເພິ່ນໄດ້ໄວ້ວາງໃຈວ່າ ພຣະເຈົ້າຈະອວຍພອນພວກເພິ່ນທີ່ໄດ້ຮັບໃຊ້ພຣະອົງ.
Saints, 1:92
ພາລີ ແລະ ແຕ້ງຟູນໄດ້ເອົາເສື້ອຜ້າຈຳນວນໜຶ່ງ ແລະ ເງິນໄປນຳ ແລະ ໄດ້ຂຶ້ນເຮືອ. ຂະນະທີ່ພວກເພິ່ນໄດ້ເດີນທາງຜ່ານລັດນິວຢອກ, ພຣະວິນຍານໄດ້ບອກໃຫ້ພາລີລົງຈາກເຮືອ. ພາລີໄດ້ຂໍໃຫ້ແຕ້ງຟູນເດີນທາງໄປຕໍ່ປາດສະຈາກເພິ່ນ. ເພິ່ນໄດ້ສັນຍາວ່າຈະກັບມາຫານາງໃນໄວໆນັ້ນ. ເພິ່ນໄດ້ຮູ້ສຶກວ່າມີບາງສິ່ງທີ່ພຣະເຈົ້າປະສົງຈະໃຫ້ເພິ່ນເຮັດໃນລັດນິວຢອກ.
Saints, 1:92
ພາລີໄດ້ຍ່າງໄປໄກ. ໃນທີ່ສຸດ ເພິ່ນກໍໄດ້ມາເຖິງບ້ານຂອງນັກເທດຄົນໜຶ່ງ. ນັກເທດໄດ້ບອກພາລີກ່ຽວກັບໜັງສືທີ່ແປກປະຫລາດເຫລັ້ມໜຶ່ງທີ່ຄົນໃດຄົນໜຶ່ງໄດ້ເອົາໃຫ້ເພິ່ນ. ມັນໄດ້ມາຈາກແຜ່ນຈາລຶກຄຳ ແລະ ຖືກຂຽນໄວ້ດົນນານມາແລ້ວ. ມັນມີຊື່ວ່າພຣະຄຳພີມໍມອນ. ຊາຍໜຸ່ມຄົນໜຶ່ງໃນລັດນິວຢອກໄດ້ແປມັນດ້ວຍອຳນາດຂອງພຣະເຈົ້າ.
Saints, 1:92
ພາລີຢາກຮູ້ຢາກເຫັນຫລາຍແທ້ໆ. ນັກເທດໄດ້ສະແດງໜັງສືເຫລັ້ມນັ້ນໃຫ້ພາລີເບິ່ງ. ດ້ວຍຄວາມຕື່ນເຕັ້ນ, ພາລີໄດ້ເປີດມັນ ແລະ ໄດ້ເລີ່ມອ່ານມັນ. ຫລາຍຊົ່ວໂມງໄດ້ຜ່ານໄປ, ແຕ່ເພິ່ນບໍ່ສາມາດຢຸດອ່ານ, ແມ່ນແຕ່ຢຸດເພື່ອຈະກິນເຂົ້າ ຫລື ນອນ. ພຣະວິນຍານຂອງພຣະຜູ້ເປັນເຈົ້າ ໄດ້ບອກເພິ່ນວ່າມັນເປັນຄວາມຈິງ.
Saints, 1:92–93
ພາລີມັກພຣະຄຳພີມໍມອນຫລາຍ, ເພິ່ນຢາກຊອກຫາຜູ້ຊາຍທີ່ໄດ້ແປມັນ. ເພິ່ນໄດ້ຍ່າງໄປຫາຟາມຂອງຄອບຄົວສະມິດ, ບ່ອນທີ່ເພິ່ນໄດ້ພົບໄຮຣຳ, ອ້າຍຂອງໂຈເຊັບ. ພວກເພິ່ນໄດ້ເວົ້າລົມກັນຕະຫລອດທັງຄືນ. ໄຮຣຳໄດ້ບອກພາລີວ່າ ພຣະຄຳພີມໍມອນເປັນຄວາມຈິງ. ເພິ່ນໄດ້ເອົາເຫລັ້ມຂອງເພິ່ນເອງໃຫ້ພາລີ.
Saints, 1:93
ຂະນະທີ່ເພິ່ນອ່ານຕໍ່ໄປ, ພາລີໄດ້ຮຽນຮູ້ວ່າ ພຣະເຢຊູຄຣິດໄດ້ສະເດັດມາຢ້ຽມຢາມຜູ້ຄົນໃນອາເມຣິກາດົນນານມາແລ້ວ. ພາລີເຫັນໄດ້ວ່າ ພຣະຄຳພີມໍມອນມີຄ່າຫລາຍກວ່າຄວາມຮັ່ງມີທັງໝົດຂອງໂລກ. ເພິ່ນລໍຖ້າບໍ່ໄດ້ທີ່ຈະກັບໄປຫາແຕ້ງຟູນ ແລະ ແບ່ງປັນກັບນາງສິ່ງທີ່ເພິ່ນໄດ້ຮຽນຮູ້.
Saints, 1:93; 3 ນີໄຟ 11:1–12
ພາລີໄດ້ບອກແຕ້ງຟູນ ແລະ ສະມາຊິກຄົນອື່ນໆໃນຄອບຄົວຂອງເພິ່ນກ່ຽວກັບພຣະຄຳພີມໍມອນ. ເພິ່ນໄດ້ບອກເຂົາເຈົ້າເຖິງສິ່ງທີ່ມັນສິດສອນກ່ຽວກັບພຣະເຢຊູຄຣິດ. ແຕ້ງຟູນດີໃຈທີ່ພາລີໄດ້ເຮັດຕາມພຣະວິນຍານ ແລະ ໄດ້ພົບເຫັນວຽກງານທີ່ພຣະເຈົ້າປະສົງໃຫ້ເພິ່ນເຮັດ. ຄືກັນກັບພາລີ, ແຕ້ງຟູນກໍໄດ້ຮຽນຮູ້ດ້ວຍຕົວນາງເອງວ່າ ພຣະຄຳພີມໍມອນເປັນຄວາມຈິງ.
Saints, 1:98–99