“ພຣະວາຈາແຫ່ງປັນຍາ,” ເລື່ອງຄຳສອນ ແລະ ພັນທະສັນຍາ (2024)
“ພຣະວາຈາແຫ່ງປັນຍາ,” ເລື່ອງຄຳສອນ ແລະ ພັນທະສັນຍາ
ເດືອນກຸມພາ 1833
ພຣະວາຈາແຫ່ງປັນຍາ
ກົດແຫ່ງສຸຂະພາບຂອງພຣະຜູ້ເປັນເຈົ້າ
ໂຈເຊັບ ສະມິດ ໄດ້ເຊື້ອເຊີນຜູ້ຊາຍຈຳນວນໜຶ່ງໃນສາດສະໜາຈັກໃຫ້ມາຮ່ວມປະຊຸມກັບເພິ່ນຢູ່ຫ້ອງຊັ້ນເທິງຂອງຮ້ານຄ້າຂອງນິວເອັນ ແລະ ແອນ ວິດນີ. ຢູ່ທີ່ນັ້ນເຂົາເຈົ້າໄດ້ຮຽນຮູ້ເລື່ອງພຣະກິດຕິຄຸນ ແລະ ເລື່ອງອື່ນໆ, ແລະ ເຂົາເຈົ້າໄດ້ອະທິຖານເປັນກຸ່ມ. ເຂົາເຈົ້າເອີ້ນການປະຊຸມເຫລົ່ານີ້ວ່າ ໂຮງຮຽນຂອງສາດສະດາ.
ຄຳສອນ ແລະ ພັນທະສັນຍາ 88:117–137; Saints, 1:166
ຜູ້ຊາຍຫລາຍຄົນໄດ້ສູບກອກ ແລະ ຄ້ຽວຢາດູດລະຫວ່າງບົດຮຽນ. ຄວັນຢາໄດ້ເຮັດໃຫ້ອາກາດໃນຫ້ອງຂຸ່ນມົວ, ແລະ ຢາດູດເຮັດໃຫ້ພື້ນເປິເປື້ອນ. ຫລັງຈາກການປະຊຸມ, ເອມມາ ສະມິດ ໄດ້ຂຶ້ນໄປຫ້ອງຊັ້ນເທິງເພື່ອທຳຄວາມສະອາດຫ້ອງ. ມັນເປິເປື້ອນຫລາຍ!
Saints, 1:167
ເອມມາໄດ້ຖູພື້ນແລ້ວຖູອີກ, ແຕ່ຄາບຢາດູດຍັງບໍ່ໝົດໄປ. ລາວໄດ້ເວົ້າກັບໂຈເຊັບກ່ຽວກັບຄວາມສົກກະປົກນັ້ນ.
Saints, 1:167
ໂຈເຊັບໄດ້ຟັງເອມມາ. ການໄດ້ຍິນລາວເຮັດໃຫ້ເພິ່ນສົງໄສວ່າພຣະຜູ້ເປັນເຈົ້າຮູ້ສຶກແນວໃດກ່ຽວກັບຢາດູດ.
Saints, 1:167
ສະນັ້ນໂຈເຊັບຈຶ່ງໄດ້ທູນຖານພຣະຜູ້ເປັນເຈົ້າກ່ຽວກັບຢາດູດ. ພຣະຜູ້ເປັນເຈົ້າໄດ້ບອກໂຈເຊັບວ່າ ພຣະອົງມີພຣະວາຈາແຫ່ງປັນຍາສຳລັບໄພ່ພົນ.
ຄຳສອນ ແລະ ພັນທະສັນຍາ:1–9; Saints, 1:167
ພຣະຜູ້ເປັນເຈົ້າໄດ້ບອກໄພ່ພົນວ່າບໍ່ຄວນສູບຢາ, ໃຊ້ຢາດູດ, ຫລື ດື່ມເຫລົ້າ ຫລື “ເຄື່ອງດື່ມຮ້ອນ,” ຊຶ່ງໝາຍຄວາມວ່າ ກາເຟ ແລະ ນ້ຳຊາ.
ຄຳສອນ ແລະ ພັນທະສັນຍາ:1–9; Saints, 1:167
ພຣະຜູ້ເປັນເຈົ້າກໍໄດ້ສິດສອນໄພ່ພົນອີກວ່າ ເມັດພືດ ແລະ ໝາກໄມ້ແມ່ນດີຕໍ່ສຸຂະພາບ. ພຣະອົງຍັງກ່າວອີກວ່າ ເຂົາເຈົ້າສາມາດກິນຊີ້ນເປັນບາງຄັ້ງ.
ຄຳສອນ ແລະ ພັນທະສັນຍາ:10–17; Saints, 1:168
ພຣະຜູ້ເປັນເຈົ້າໄດ້ບອກໂຈເຊັບວ່າ ໄພ່ພົນຜູ້ເລືອກທີ່ຈະເຊື່ອຟັງພຣະວາຈາແຫ່ງປັນຍາຂອງພຣະອົງຈະໄດ້ຮັບການປົກປ້ອງ. ພຣະຜູ້ເປັນເຈົ້າໄດ້ສັນຍາທີ່ຈະອວຍພອນເຂົາເຈົ້າດ້ວຍສຸຂະພາບ, ຄວາມຮູ້, ແລະ ຄວາມເຂັ້ມແຂງ. ໂຈເຊັບໄດ້ບອກພວກຜູ້ຊາຍໃນໂຮງຮຽນຂອງສາດສະດາກ່ຽວກັບພຣະວາຈາແຫ່ງປັນຍາຂອງພຣະຜູ້ເປັນເຈົ້າ.
ຄຳສອນ ແລະ ພັນທະສັນຍາ:18–21; Saints, 1:168
ພວກຜູ້ຊາຍຢູ່ໃນຫ້ອງໄດ້ໂຍນຢາດູດ ແລະ ກອກຂອງເຂົາເຈົ້າເຂົ້າໃນກອງໄຟ ເພື່ອສະແດງວ່າເຂົາເຈົ້າຢາກເຊື່ອຟັງພຣະວາຈາແຫ່ງປັນຍາຂອງພຣະຜູ້ເປັນເຈົ້າ.
Saints, 1:168