ສາດສະໜາຈັກຂອງພຣະເຢຊູຄຣິດຖືກຈັດຕັ້ງຂຶ້ນ

ການປະຊຸມຂອງສາດສະໜາຈັກທີ່ມີຄວາມສຸກ

ໂຈເຊັບ ສະມິດ ຕ້ອນຮັບຜູ້ຄົນສູ່ບ້ານວິດເມີ ສຳລັບການປະຊຸມຄັ້ງທຳອິດຂອງສາດສະໜາຈັກ.

ບັດນີ້ພຣະຄຳພີມໍມອນໄດ້ຖືກຈັດພິມແລ້ວ, ແລະ ອຳນາດຖານະປະໂລຫິດຂອງພຣະເຈົ້າກໍໄດ້ມີຢູ່ເທິງໂລກນີ້ອີກຄັ້ງ. ພຣະຜູ້ເປັນເຈົ້າໄດ້ບອກໂຈເຊັບ ສະມິດ ວ່າມັນເຖິງເວລາແລ້ວທີ່ຈະຈັດຕັ້ງສາດສະໜາຈັກຂອງພຣະເຢຊູຄຣິດ.

Saints, 1:84

ຜູ້ຄົນຍົກມືສະໜັບສະໜູນໂຈເຊັບ ແລະ ອໍລີເວີ ໃນຖານະຜູ້ນຳຂອງສາດສະໜາຈັກ.

ໃນວັນທີ 6 ເດືອນເມສາ, 1830, ມີຊາຍ ແລະ ຍິງປະມານ 40 ຄົນໄດ້ມາບ້ານຂອງຄອບຄົວວິດເມີ ເພື່ອສ້າງຕັ້ງສາດສະໜາຈັກ. ພຣະຜູ້ເປັນເຈົ້າໄດ້ເອີ້ນໂຈເຊັບ ແລະ ອໍລີເວີໃຫ້ນຳພາສາດສະໜາຈັກຂອງພຣະອົງ. ໂຈເຊັບ ແລະ ອໍລີເວີໄດ້ຂໍໃຫ້ຜູ້ຄົນຍົກມືຂຶ້ນເພື່ອສະແດງໃຫ້ເຫັນວ່າເຂົາເຈົ້າໄດ້ສະໜັບສະໜູນພວກເພິ່ນໃນຖານະຜູ້ນຳຂອງເຂົາເຈົ້າ.

ຄຳສອນ ແລະ ພັນທະສັນຍາ 20:1–3; Saints, 1:84

ສະມາຊິກໃໝ່ຂອງສາດສະໜາຈັກດີໃຈທີ່ໄດ້ຮັບສິນລະລຶກ.

ຕໍ່ມາ, ໂຈເຊັບ ແລະ ອໍລີເວີໄດ້ໃຫ້ພອນສິນລະລຶກ. ພວກເພິ່ນໄດ້ມອບສິນລະລຶກໃຫ້ເຂົາເຈົ້າເພື່ອລະນຶກເຖິງພຣະເຢຊູຄຣິດ. ແລ້ວໂຈເຊັບ ແລະ ອໍລີເວີໄດ້ວາງມືເທິງຫົວຂອງຜູ້ທີ່ໄດ້ຮັບບັບຕິສະມາແລ້ວ. ພວກເພິ່ນໄດ້ຢືນຢັນເຂົາເຈົ້າເປັນສະມາຊິກຂອງສາດສະໜາຈັກ ແລະ ມອບຂອງປະທານແຫ່ງພຣະວິນຍານບໍລິສຸດໃຫ້ແກ່ເຂົາເຈົ້າ.

ຄຳສອນ ແລະ ພັນທະສັນຍາ 20:75–79; Saints, 1:85

ໂຈເຊັບກຳລັງສິດສອນສະມາຊິກໃໝ່ຂອງສາດສະໜາຈັກ.

ພຣະຜູ້ເປັນເຈົ້າໄດ້ປະທານຂ່າວສານໃຫ້ແກ່ໂຈເຊັບ ສຳລັບສາດສະໜາຈັກໃໝ່. ພຣະອົງໄດ້ບອກໃຫ້ພວກເພິ່ນຂຽນລົງໄວ້ວ່າມີຫຍັງແດ່ທີ່ເກີດຂຶ້ນກັບສາດສະໜາຈັກ. ພຣະອົງໄດ້ກ່າວວ່າ ໂຈເຊັບ ສະມິດ ຄືສາດສະດາຂອງພຣະອົງ. ພຣະອົງໄດ້ສັນຍາກັບສະມາຊິກຂອງສາດສະໜາຈັກວ່າຖ້າເຂົາເຈົ້າເຮັດຕາມພຣະບັນຍັດທີ່ພຣະອົງມອບໃຫ້ແກ່ໂຈເຊັບ, ພຣະອົງຈະໃຫ້ພອນແກ່ເຂົາເຈົ້າ. ມານຈະບໍ່ມີອຳນາດເໜືອເຂົາເຈົ້າ.

ຄຳສອນ ແລະ ພັນທະສັນຍາ 21:1–6; Saints, 1:85

ໂຈເຊັບ ສະມິດ ແລະ ພໍ່ຂອງເພິ່ນກຳລັງກອດກັນ.

ຜູ້ຄົນດີໃຈຫລາຍທີ່ມີສາດສະໜາຈັກຂອງພຣະເຢຊູຄຣິດ! ຫລັງຈາກການປະຊຸມແລ້ວ, ຫລາຍຄົນໄດ້ຮັບບັບຕິສະມາຕື່ມອີກ, ລວມທັງແມ່ ແລະ ພໍ່ຂອງໂຈເຊັບ. ເມື່ອພໍ່ຂອງເພິ່ນຂຶ້ນມາຈາກນ້ຳ, ໂຈເຊັບໄດ້ກອດພໍ່ຂອງເພິ່ນຢ່າງແຮງ. “ຂ້າພະເຈົ້າມີຊີວິດຢູ່ເພື່ອເຫັນພໍ່ຂອງຂ້າພະເຈົ້າຮັບບັບຕິສະມາເຂົ້າໃນສາດສະໜາຈັກທີ່ແທ້ຈິງຂອງພຣະເຢຊູຄຣິດ!” ເພິ່ນໄດ້ກ່າວ.

Saints, 1:86

ໂຈເຊັບຮູ້ສຶກກະຕັນຍູຫລາຍທີ່ໄດ້ຊ່ວຍໃນການຟື້ນຟູສາດສະໜາຈັກ.

ຕໍ່ມາໃນຄືນນັ້ນ, ໂຈເຊັບໄດ້ເຂົ້າໄປໃນປ່າເພື່ອຢູ່ຄົນດຽວ. ຫົວໃຈຂອງເພິ່ນເຕັມໄປດ້ວຍຄວາມຊື່ນຊົມ. ມັນເປັນເວລາ 10 ກວ່າປີທີ່ເພິ່ນໄດ້ເຫັນພຣະບິດາເທິງສະຫວັນ ແລະ ພຣະເຢຊູຄຣິດເປັນຄັ້ງທຳອິດ. ມີຫລາຍສິ່ງຫລາຍຢ່າງໄດ້ເກີດຂຶ້ນນັບແຕ່ນັ້ນມາ. ໂຈເຊັບກະຕັນຍູຫລາຍທີ່ເພິ່ນສາມາດຊ່ວຍຟື້ນຟູ, ຫລື ນຳເອົາ, ສາດສະໜາຈັກຂອງພຣະເຢຊູຄຣິດກັບຄືນມາ!

Saints, 1:86