“ໄພ່ພົນຮຽນຮູ້ກ່ຽວກັບການບັບຕິສະມາແທນຄົນຕາຍ,” ເລື່ອງຄຳສອນ ແລະ ພັນທະສັນຍາ (2024)
“ໄພ່ພົນຮຽນຮູ້ກ່ຽວກັບການບັບຕິສະມາແທນຄົນຕາຍ,” ເລື່ອງຄຳສອນ ແລະ ພັນທະສັນຍາ
ເດືອນສິງຫາ–ເດືອນ ຕຸລາ 1840
ໄພ່ພົນຮຽນຮູ້ກ່ຽວກັບການບັບຕິສະມາແທນຄົນຕາຍ
ຄວາມຫວັງສຳລັບສະມາຊິກໃນຄອບຄົວຜູ້ທີ່ບໍ່ໄດ້ຮັບບັບຕິສະມາ
ນາງເຈນ ເນແມນ ໄດ້ອາໃສຢູ່ໃນເມືອງນາວູ. ນາງໄດ້ໄປງານສົ່ງສະການບ່ອນທີ່ໂຈເຊັບ ສະມິດ ກຳລັງກ່າວຢູ່ໃນງານ. ງານສົ່ງສະການໄດ້ເຮັດໃຫ້ນາງເຈນຄິດກ່ຽວກັບລູກຊາຍຂອງນາງ ທ້າວໄຊຣັສ. ລາວໄດ້ເສຍຊີວິດ ແລະ ຍັງບໍ່ໄດ້ຮັບບັບຕິສະມາ. ນາງເຈນເປັນຫ່ວງທ້າວໄຊຣັສ. ນາງໄດ້ຮູ້ແລ້ວວ່າພວກເຮົາຕ້ອງໄດ້ຮັບບັບຕິສະມາເພື່ອຈະຢູ່ກັບພຣະບິດາເທິງສະຫວັນ.
Saints, 1:421
ໂຈເຊັບຮູ້ວ່ານາງຮູ້ສຶກແນວໃດ. ເພິ່ນກໍເຄີຍສົງໄສຄືກັນກ່ຽວກັບອ້າຍຂອງເພິ່ນຊື່ ອາລ໌ວິນ, ຜູ້ໄດ້ເສຍຊີວິດໄປໂດຍທີ່ບໍ່ໄດ້ຮັບບັບຕິສະມາເຊັ່ນກັນ.
Saints, 1:421
ຢູ່ທີ່ງານສົ່ງສະການນັ້ນ, ໂຈເຊັບໄດ້ແບ່ງປັນສິ່ງທີ່ພຣະເຈົ້າໄດ້ສິດສອນເພິ່ນ. ເພິ່ນໄດ້ກ່າວວ່າ ເມື່ອຄົນໃດຄົນໜຶ່ງໄດ້ເສຍຊີວິດໄປໂດຍທີ່ບໍ່ໄດ້ຮັບບັບຕິສະມາ, ພວກເຮົາສາມາດຮັບບັບຕິສະມາແທນເຂົາເຈົ້າໄດ້.
Saints, 1:421
ນາງເຈນດີໃຈຫລາຍທີ່ໄດ້ຍິນເຊັ່ນນີ້! ຫລັງຈາກງານສົ່ງສະການມາບໍ່ດົນ, ນາງໄດ້ໄປທີ່ແມ່ນໍ້າກັບແອວເດີຄົນໜຶ່ງໃນສາດສະໜາຈັກ. ລາວໄດ້ໃຫ້ບັບຕິສະມາແກ່ນາງ ແທນທ້າວໄຊຣັສ.
Saints, 1:421
ສອງສາມອາທິດຕໍ່ມາ, ໂຈເຊັບໄດ້ສິດສອນໄພ່ພົນເພີ່ມເຕີມກ່ຽວກັບການບັບຕິສະມາແທນຄົນຕາຍ. ເພິ່ນໄດ້ເວົ້າວ່າ ຜູ້ທີ່ເສຍຊີວິດໄປຫລາຍຄົນຢາກຮັບບັບຕິສະມາ. ພວກເຂົາຢາກຕິດຕາມພຣະເຢຊູຄຣິດ. ພວກເຂົາກຳລັງລໍຖ້າ ແລະ ຫວັງວ່າສະມາຊິກໃນຄອບຄົວຂອງພວກເຂົາທີ່ຍັງມີຊີວິດຢູ່ຈະຮັບບັບຕິສະມາແທນພວກເຂົາ.
ຄຳສອນ ແລະ ພັນທະສັນຍາ 128:15–19; Saints, 1:423
ໄພ່ພົນໄດ້ໄປທີ່ແມ່ນໍ້າໂດຍທັນທີ. ເຂົາເຈົ້າໄດ້ຮັບບັບຕິສະມາແທນຜູ້ຄົນທີ່ເຂົາເຈົ້າຮັກ. ໄຮຣຳ ສະມິດ ໄດ້ຮັບບັບຕິສະມາແທນອາລ໌ວິນ. ຕໍ່ມາ, ພຣະຜູ້ເປັນເຈົ້າໄດ້ສິດສອນວ່າການຮັບບັບຕິສະມາແທນຄົນຕາຍຈະຕ້ອງເຮັດໃນພຣະວິຫານ, ມີຄົນຈົດບັນທຶກໃຫ້ແກ່ການຮັບບັບຕິສະມາແຕ່ລະຄັ້ງ, ແລະ ຜູ້ຊາຍຄວນທີ່ຈະຮັບບັບຕິສະມາແທນຜູ້ຊາຍ ແລະ ຜູ້ຍິງກໍຮັບແທນຜູ້ຍິງ.
ຄຳສອນ ແລະ ພັນທະສັນຍາ 124:29–32; 127:5–12; 128:1–9; Saints, 1:424