ຄວາມເດືອດຮ້ອນໃນລັດມີເຊີຣີ

ການຮັກສາສັດທາໃຫ້ເຂັ້ມແຂງໃນຊ່ວງເວລາທີ່ອັນຕະລາຍ

ບາງຄົນໃນເມືອງອິນດີເພັນເດັນສ໌ຮູ້ສຶກບໍ່ພໍໃຈກັບການມາຂອງໄພ່ພົນ.

ໄພ່ພົນຫລາຍຄົນໄດ້ມາອາໄສຢູ່ເມືອງອິນດີເພັນເດັນສ໌, ລັດມີເຊີຣີ. ພຣະຜູ້ເປັນເຈົ້າຕ້ອງການໃຫ້ພວກເຂົາສ້າງເມືອງຊີໂອນຂຶ້ນຢູ່ທີ່ນັ້ນ. ແຕ່ໄພ່ພົນ ແລະ ຜູ້ຄົນທີ່ໄດ້ອາໄສຢູ່ເມືອງອິນດີເພັນເດັນສ໌ບໍ່ຖືກຕ້ອງກັນ. ພວກເຂົາບໍ່ເຫັນດ້ວຍໃນຫລາຍໆເລື່ອງ. ບາງຄົນໃນເມືອງຄຽດແຄ້ນ ແລະ ຕ້ອງການໃຫ້ໄພ່ພົນໜີໄປ.

ຄຳສອນ ແລະ ພັນທະສັນຍາ 57:1–3; Saints, 1:171–74

ຜູ້ນຳໃນເມືອງອິນດີເພັນເດັນສ໌ກຳລັງປະຊຸມກັບເອດເວີດ ພາດທຣິດ.

ເອດເວີດ ພາດທຣິດ ເປັນອະທິການໃນເມືອງອິນດີເພັນເດັນສ໌. ເພິ່ນໄດ້ມາປະຊຸມກັບຜູ້ນຳຂອງເມືອງ. ເຂົາເຈົ້າໄດ້ກ່າວວ່າ ໄພ່ພົນຕ້ອງອອກຈາກເມືອງອິນດີເພັນເດັນສ໌. ອະທິການພາດທຣິດຮູ້ວ່າພຣະເຈົ້າຕ້ອງການໃຫ້ໄພ່ພົນສ້າງຊີໂອນຢູ່ໃນເມືອງອິນດີເພັນເດັນສ໌. ເພິ່ນໄດ້ເວົ້າວ່າໄພ່ພົນຈະໜີໄປບໍ່ໄດ້.

Saints, 1:176

ພວກຜູ້ຊາຍທີ່ຄຽດແຄ້ນກຳລັງທຳລາຍບ້ານເຮືອນ ແລະ ອາຄານ.

ພວກຜູ້ຊາຍທີ່ຄຽດແຄ້ນໄດ້ທຳລາຍບ້ານເຮືອນ ແລະ ອາຄານທີ່ໄພ່ພົນໄດ້ສ້າງຂຶ້ນ.

Saints, 1:177–78, 182

ພວກຜູ້ຊາຍກຳລັງຈັບເອດເວີດ ພາດທຣິດ ແລະ ຊາລ໌ ອາເລັນ.

ພວກຜູ້ຊາຍໄດ້ເອົາອະທິການພາດທຣິດ ແລະ ຜູ້ຊາຍອີກຄົນໜຶ່ງຊື່ ຊາລ໌ ອາເລັນ ອອກໄປຈາກເຮືອນຂອງພວກເພິ່ນ. ພວກເຂົາໄດ້ລາກຜູ້ຊາຍສອງຄົນໄປທີ່ໃຈກາງເມືອງ.

Saints, 1:179

ເອດເວີດ ແລະ ຊາລ໌ກຳລັງຖືກລາດດ້ວຍຢາງປູທາງ ແລະ ຂົນນົກ.

ອະທິການພາດທຣິດໄດ້ກ່າວວ່າ, “ຖ້າຂ້ອຍຕ້ອງທົນທຸກທໍລະມານເພື່ອສາດສະໜາຂອງຂ້ອຍ, ມັນກໍບໍ່ຕ່າງຈາກຄົນອື່ນທີ່ໄດ້ເຮັດມາກ່ອນຂ້ອຍ.” ພວກຜູ້ຊາຍໄດ້ຊຸກອະທິການພາດທຣິດ ແລະ ຊາລ໌ລົງກັບພື້ນດິນ. ພວກເຂົາໄດ້ລາດຢາງປູທາງ ແລະ ຂົນນົກໃສ່ທົ່ວຮ່າງກາຍຂອງພວກເພິ່ນ.

Saints, 1:179–80

ວິວລຽມ ມິກລີລິນ ກຳລັງລີ້ຊ່ອນຕົວຢູ່ໃນປ່າ.

ວິວລຽມ ມິກລີລິນ, ສະມາຊິກຂອງສາດສະໜາຈັກໃນເມືອງອິນດີເພັນເດັນສ໌, ໄດ້ຍິນເລື່ອງຜູ້ຄົນທີ່ຄຽດແຄ້ນກຳລັງເຮັດ. ເພິ່ນຢ້ານ ແລະ ໄດ້ແລ່ນເຂົ້າໄປໃນປ່າເພື່ອລີ້ຊ່ອນຕົວ.

Saints, 1:182

ວິວລຽວກຳລັງສົງໄສວ່າເພິ່ນຈະເຮັດແນວໃດຖ້າເພິ່ນຖືກຈັບໄດ້.

ວິວລຽມສົງໄສວ່າຈະເກີດຫຍັງຂຶ້ນຖ້າຜູ້ຄົນທີ່ຄຽດແຄ້ນພົບເຫັນເພິ່ນ. ເພິ່ນຍັງຈະເວົ້າອອກມາໄດ້ຢູ່ບໍວ່າ ພຣະຄຳພີມໍມອນເປັນຄວາມຈິງ, ເຖິງແມ່ນພວກເຂົາຈະພະຍາຍາມຂ້າເພິ່ນເພາະເລື່ອງນີ້ກໍຕາມ?

Saints, 1:182–83

ອໍລີເວີ ຄາວເດີຣີ ແລະ ເດວິດ ວິດເມີ ກຳລັງຊອກຫາວິວລຽມ.

ໝູ່ເພື່ອນຂອງວິວລຽມ ອໍລີເວີ ຄາວເດີຣີ ແລະ ເດວິດ ວິດເມີ ໄດ້ພົບເຫັນເພິ່ນຢູ່ໃນປ່າ. ວິວລຽມຮູ້ວ່າ ອໍລີເວີ ແລະ ເດວິດເຊື່ອໃນພຣະຄຳພີມໍມອນ. ທູດອົງໜຶ່ງໄດ້ສະແດງແຜ່ນຈາລຶກຄຳແກ່ພວກເພິ່ນ. “ບອກຂ້ອຍແດ່,” ວິວລຽມໄດ້ຖາມພວກເພິ່ນ, “ພຣະຄຳພີມໍມອນເປັນຄວາມຈິງຫລືບໍ່?”

Saints, 1:183

ອໍລີເວີ ແລະ ເດວິດກຳລັງແບ່ງປັນປະຈັກພະຍານຂອງພວກເພິ່ນກັບວິວລຽມ.

ອໍລີເວີ ແລະ ເດວິດໄດ້ບອກວິວລຽມວ່າ ພຣະຄຳພີມໍມອນເປັນຄວາມຈິງ. ພວກເພິ່ນເວົ້າວ່າ ເຖິງແມ່ນພວກຜູ້ຊາຍທີ່ຄຽດແຄ້ນໄດ້ພະຍາຍາມຂ້າພວກເພິ່ນ, ແຕ່ພວກເພິ່ນຈະບໍ່ຢຸດແບ່ງປັນປະຈັກພະຍານຂອງພວກເພິ່ນກັບຜູ້ຄົນ. “ຂ້ອຍເຊື່ອພວກເຈົ້າ,” ວິວລຽມໄດ້ເວົ້າ.

ຄຳສອນ ແລະ ພັນທະສັນຍາ 17:3–6; Saints, 1:183