“ຄອບຄົວຢານາກິດາ,” ເລື່ອງຄຳສອນ ແລະ ພັນທະສັນຍາ (2024)
“ຄອບຄົວຢານາກິດາ,” ເລື່ອງຄຳສອນ ແລະ ພັນທະສັນຍາ
1950–1951
ຄອບຄົວຢານາກິດາ
ສ່ວນສິບ ແລະ ສັດທາໃນພຣະເຢຊູຄຣິດ
ໂຕຊິໂກ ແລະ ໂຕກິຈິ ຢານາກິດາ ໄດ້ອາໃສຢູ່ໃນປະເທດຍີ່ປຸນ. ພວກເພິ່ນເຊື່ອໃນພຣະເຢຊູຄຣິດ ແລະ ໄດ້ເຂົ້າຮ່ວມສາດສະໜາຈັກຂອງພຣະອົງ. ແຕ່ວ່າຊີວິດການເປັນຢູ່ທີ່ປະເທດຍີ່ປຸ່ນລຳບາກຫລາຍໃນເວລານັ້ນ. ສົງຄາມໄດ້ທຳລາຍບ້ານເຮືອນ ແລະ ອາຄານຈຳນວນຫລວງຫລາຍ. ໂຕຊິໂກ ແລະ ໂຕກິຈິຢາກສ້າງເຮືອນຫລັງໜຶ່ງໃຫ້ກັບຄອບຄົວຂອງພວກເພິ່ນ, ແຕ່ວ່າພວກເພິ່ນທຸກຍາກຫລາຍ.
Saints, 3:543
ຄອບຄົວຢານາກິດາໄດ້ຮູ້ວ່າພຣະຜູ້ເປັນເຈົ້າຢາກໃຫ້ພວກເພິ່ນຈ່າຍສ່ວນສິບ, ແຕ່ພວກເພິ່ນບໍ່ແນ່ໃຈວ່າຈະສາມາດເຮັດໄດ້ຫລືບໍ່. ໂຕຊິໂກໄດ້ຖາມຜູ້ສອນສາດສະໜາວ່າພວກເພິ່ນຄວນເຮັດແນວໃດ. “ສ່ວນສິບເປັນສິ່ງທີ່ຍາກຫລາຍສຳລັບພວກເຮົາ,” ເພິ່ນໄດ້ເວົ້າ. ຜູ້ສອນສາດສະໜາໄດ້ສັນຍາວ່າ ຖ້າພວກເພິ່ນຈ່າຍສ່ວນສິບຂອງພວກເພິ່ນ, ພຣະຜູ້ເປັນເຈົ້າຈະຊ່ວຍເຫລືອພວກເພິ່ນໃຫ້ບັນລຸເປົ້າໝາຍໃນການມີບ້ານເປັນຂອງພວກເພິ່ນເອງ.
ຄຳສອນ ແລະ ພັນທະສັນຍາ 119; Saints, 3:543–44
ໂຕຊິໂກ ແລະ ໂຕກິຈິບໍ່ແນ່ໃຈ. ພວກເພິ່ນມີເງິນເກືອບບໍ່ພໍທີ່ຈະຊື້ອາຫານສວຍຢູ່ໂຮງຮຽນໃຫ້ກັບລູກຊາຍຂອງພວກເພິ່ນ. ແຕ່ພວກເພິ່ນກໍໄດ້ຕັດສິນໃຈແລ້ວວ່າຈະໄວ້ວາງໃຈໃນພຣະຜູ້ເປັນເຈົ້າ ແລະ ຈ່າຍສ່ວນສິບ.
Saints, 3:543–44
ພຣະຜູ້ເປັນເຈົ້າໄດ້ອວຍພອນຄອບຄົວຢາກາກິດາ. ບໍ່ດົນພວກເພິ່ນກໍສາມາດຊື້ທີ່ດິນ ແລະ ເລີ່ມການກໍ່ສ້າງເຮືອນ.
Saints, 3:544
ມື້ໜຶ່ງຜູ້ກວດສອບການກໍ່ສ້າງໄດ້ເຂົ້າມາ. ລາວໄດ້ເວົ້າວ່າທີ່ດິນຂອງພວກເພິ່ນມີບັນຫາ, ແລະ ພວກເພິ່ນບໍ່ສາມາດສ້າງເຮືອນຢູ່ທີ່ນັ້ນໄດ້. ລາວໄດ້ສັ່ງໃຫ້ຄົນງານຢຸດການກໍ່ສ້າງ.
Saints, 3:544
ຄອບຄົວຢາກາກິດາເສົ້າໃຈຫລາຍ. ພວກເພິ່ນໄດ້ບອກກັບຜູ້ສອນສາດສະໜາວ່າເກີດຫຍັງຂຶ້ນ. ຜູ້ສອນສາດສະໜາໄດ້ເວົ້າວ່າເຂົາເຈົ້າຈະຖືສິນອົດເຂົ້າ ແລະ ອະທິຖານໃຫ້ກັບຄອບຄົວຢານາກິດາ.
Saints, 3:545
ຕໍ່ມາ, ໄດ້ມີຜູ້ກວດອີກຄົນໜຶ່ງມາ. ລາວໄດ້ບອກວ່າບັນຫາກ່ຽວກັບທີ່ດິນປຸກສ້າງນັ້ນສາມາດແກ້ໄຂໄດ້. ຄອບຄົວຢານາກິດາສາມາດສ້າງບ້ານຂອງພວກເພິ່ນ. “ພວກເຈົ້າທັງສອງຄົງໄດ້ເຮັດສິ່ງດີໆມາແທ້ໆ,” ຜູ້ກວດໄດ້ກ່າວກັບໂຕຊິໂກ ແລະ ໂຕກິຈິ. ພວກເພິ່ນຮູ້ວ່າພຣະຜູ້ເປັນເຈົ້າໄດ້ອວຍພອນພວກເພິ່ນ. ພວກເພິ່ນດີໃຈທີ່ໄດ້ໄວ້ວາງໃຈໃນພຣະອົງ ແລະ ຈ່າຍສ່ວນສິບ.
Saints, 3:545