“ການເຕົ້າໂຮມຢູ່ລັດໂອໄຮໂອ,” ເລື່ອງຄຳສອນ ແລະ ພັນທະສັນຍາ (2024)
“ການເຕົ້າໂຮມຢູ່ລັດໂອໄຮໂອ,” ເລື່ອງຄຳສອນ ແລະ ພັນທະສັນຍາ
ເດືອນທັນວາ 1830–ເດືອນພຶດສະພາ 1831
ການເຕົ້າໂຮມຢູ່ລັດໂອໄຮໂອ
ສັດທາຂອງລູສີ ສະມິດ ແລະ ການອັດສະຈັນ
ໃນລັດໂອໄຮໂອ, ຫລາຍຕໍ່ຫລາຍຄົນໄດ້ເຂົ້າຮ່ວມສາດສະໜາຈັກ. ພຣະຜູ້ເປັນເຈົ້າໄດ້ບອກກັບໂຈເຊັບ ສະມິດ ວ່າໄພ່ພົນທີ່ອາໄສຢູ່ໃນສະຖານທີ່ອື່ນຄວນເຕົ້າໂຮມກັນຢູ່ໃນລັດໂອໄຮໂອ. ມັນຈະເປັນການເດີນທາງອັນຍາວໄກ. ແຕ່ພຣະຜູ້ເປັນເຈົ້າສັນຍາວ່າ ຫລັງຈາກທີ່ເຂົາເຈົ້າໄດ້ໄປເຕົ້າໂຮມກັນ, ພຣະອົງຈະສິດສອນກົດຂອງພຣະອົງໃຫ້ກັບເຂົາເຈົ້າ ພ້ອມດ້ວຍອຳນາດເພື່ອເຮັດວຽກງານຂອງພຣະອົງ.
ຄຳສອນ ແລະ ພັນທະສັນຍາ 37; 38:32; Saints, 1:109–110
ແມ່ຂອງໂຈເຊັບ, ລູສີ, ແລະ ກຸ່ມສະມາຊິກຂອງສາດສະໜາຈັກປະມານ 80 ຄົນໄດ້ໜີຈາກບ້ານເຮືອນຂອງເຂົາເຈົ້າຢູ່ໃນລັດນິວຢອກ ແລະ ຍ້າຍໄປຢູ່ລັດໂອໄຮໂອ. ເຂົາເຈົ້າໄດ້ຂຶ້ນເຮືອລຳໜຶ່ງທີ່ຈະພາເຂົາເຈົ້າໄປຫາຈຸດໃດຈຸດໜຶ່ງ. ຫລັງຈາກເຂົາເຈົ້າໄດ້ເດີນທາງເປັນເວລາສອງສາມມື້, ເຮືອຕ້ອງໄດ້ຢຸດ. ນ້ຳແຂງຢູ່ໃນນ້ຳໄດ້ຕັນທາງຂອງເຂົາເຈົ້າ.
Saints, 1:121–22
ໄພ່ພົນຕ້ອງໄດ້ລໍຖ້າໃຫ້ນ້ຳແຂງແຕກອອກຈາກກັນເສຍກ່ອນ. ເຂົາເຈົ້າອິດເມື່ອຍ, ຫິວເຂົ້າ, ປຽກນ້ຳ, ແລະ ໜາວ.
Saints, 1:122
ມັນຍາກທີ່ຈະລໍຖ້າ. ໄພ່ພົນຫລາຍຄົນເລີ່ມຜິດຖຽງກັນ.
Saints, 1:122
ລູສີບໍ່ຢາກໄດ້ຍິນໄພ່ພົນຜິດຖຽງກັນ. ລາວຮູ້ວ່າລາວຕ້ອງເວົ້າບາງຢ່າງ. “ສັດທາຂອງພວກເຈົ້າຢູ່ໃສ?” ລາວໄດ້ຖາມ. ລູສີໄດ້ບອກໄພ່ພົນວ່າ ຖ້າຫາກເຂົາເຈົ້າອະທິຖານຫາພຣະເຈົ້າ, ພຣະອົງຈະເຮັດໃຫ້ນ້ຳແຂງແຕກອອກ ເພື່ອວ່າເຂົາເຈົ້າຈະສາມາດເດີນທາງຕໍ່ໄປໄດ້.
Saints, 1:122–23
ທັນໃດນັ້ນ, ເຂົາເຈົ້າກໍໄດ້ຍິນສຽງດັງຄືກັນກັບຟ້າຮ້ອງ ຂະນະທີ່ນ້ຳແຂງແຕກອອກຈາກກັນ. ເສັ້ນທາງໄດ້ເປີດຢູ່ໃນນ້ຳແຂງ, ກວ້າງພໍໃຫ້ເຮືອຜ່ານໄປ.
Saints, 1:123
ໄພ່ພົນຮູ້ສຶກປະຫລາດໃຈ ແລະ ກະຕັນຍູ. ເຂົາເຈົ້າໄດ້ເຕົ້າໂຮມກັນເພື່ອອະທິຖານ ແລະ ຂອບພຣະໄທພຣະບິດາເທິງສະຫວັນ. ເຮືອຂອງເຂົາເຈົ້າໄດ້ເດີນທາງໄປຢ່າງປອດໄພ ມຸ້ງສູ່ລັດໂອໄຮໂອ.
Saints, 1:123
ເມື່ອໄພ່ພົນໄປເຖິງລັດໂອໄຮໂອ, ສະມາຊິກຂອງສາດສະໜາຈັກຢູ່ທີ່ນັ້ນໄດ້ຕ້ອນຮັບເຂົາເຈົ້າ ແລະ ໄດ້ຊ່ວຍເຂົາເຈົ້າຊອກຫາບ່ອນຢູ່ອາໄສ. ພຣະຜູ້ເປັນເຈົ້າໄດ້ຮັກສາຄຳສັນຍາຂອງພຣະອົງ ທີ່ຈະສິດສອນກົດຂອງພຣະອົງໃຫ້ເຂົາເຈົ້າ ແລະ ມອບອຳນາດໃຫ້ເຂົາເຈົ້າເພື່ອເຮັດວຽກງານຂອງພຣະອົງ.
ຄຳສອນ ແລະ ພັນທະສັນຍາ 42; Saints, 1:126