ຄ້າຍອິດສະຣາເອນ

ຮຽນຮູ້ທີ່ຈະໄວ້ວາງໃຈພຣະຜູ້ເປັນເຈົ້າ

ໄພ່ພົນໃນລັດມີເຊີຣີກຳລັງອາໄສຢູ່ໃນຜ້າເຕັນ.

ໄພ່ພົນຜູ້ອາໄສຢູ່ໃນເມືອງອິນດີເພັນເດັນສ໌, ລັດມີເຊີຣີ, ຕ້ອງການຄວາມຊ່ວຍເຫລືອ. ເຂົາເຈົ້າໄດ້ເຮັດວຽກໜັກເພື່ອສ້າງຊີໂອນດັ່ງທີ່ພຣະເຈົ້າໄດ້ຂໍຮ້ອງ. ແຕ່ຄົນອື່ນໆຢູ່ໃນເມືອງນັ້ນບໍ່ຢາກໃຫ້ເຂົາເຈົ້າຢູ່ທີ່ນັ້ນ. ພວກເຂົາໄດ້ເຮັດໃຫ້ໄພ່ພົນອອກຈາກບ້ານຂອງເຂົາເຈົ້າ.

Saints, 1:195

ໂຈເຊັບ ສະມິດ ຮຽນຮູ້ກ່ຽວກັບການດີ້ນລົນຂອງໄພ່ພົນໃນລັດມີເຊີຣີ.

ໂຈເຊັບ ສະມິດ ໄດ້ອາໄສຢູ່ໃນເມືອງເຄີດແລນ. ເພິ່ນໄດ້ຍິນກ່ຽວກັບສິ່ງທີ່ໄດ້ເກີດຂຶ້ນກັບໄພ່ພົນຢູ່ໃນລັດມີເຊີຣີ, ແລະ ເພິ່ນໂສກເສົ້າ. ເພິ່ນໄດ້ອະທິຖານເພື່ອຈະໄດ້ຮູ້ວ່າຄວນເຮັດແນວໃດ. ພຣະຜູ້ເປັນເຈົ້າໄດ້ບອກໃຫ້ໂຈເຊັບຊອກຫາຜູ້ຄົນເພື່ອໄປລັດມີເຊີຣີກັບເພິ່ນ. ພວກເພິ່ນຫວັງວ່າລັດຖະບານຈະຊ່ວຍໄພ່ພົນໃຫ້ໄດ້ບ້ານຂອງເຂົາເຈົ້າຄືນ.

ຄຳສອນ ແລະ ພັນທະສັນຍາ 103:1–2, 11–20, 30–34; Saints, 1:195–96

ຄ້າຍອິດສະຣາເອນກຳລັງກຽມໄປຊ່ວຍໄພ່ພົນໃນລັດມີເຊີຣີ.

ມີຜູ້ອາສາສະໝັກປະມານ 100 ຄົນທີ່ຈະໄປກັບເພິ່ນ. ສາດສະດາໄດ້ເອີ້ນກຸ່ມນີ້ວ່າ ຄ້າຍອິດສະຣາເອນ. ເຂົາເຈົ້າຕື່ນເຕັ້ນທີ່ຈະໄປຊ່ວຍໄພ່ພົນໃນລັດມີເຊີຣີ.

Saints, 1:197–99

ໂຈເຊັບກຳລັງທັກທາຍບຣິກຳ ຢັງ, ຮີເບີ ຄິມໂບ, ແລະ ວິວເຝີດ ວູດດຣັບ

ບຣິກຳ ຢັງ ແລະ ເພື່ອນຂອງເພິ່ນ ຮີເບີ ຄິມໂບ ກໍໄດ້ເປັນສ່ວນໜຶ່ງໃນກຸ່ມນັ້ນ. ຊາຍໜຸ່ມຄົນໜຶ່ງຊື່ ວິວເຝີດ ວູດດຣັບ ເຖິງກັບໄດ້ມາຈາກລັດນິວຢອກເພື່ອມາຊ່ວຍເຫລືອ.

Saints, 1:197–98

ມີຫລາຍຄົນຕື່ມອີກໄດ້ເຂົ້າຮ່ວມກັບຄ້າຍ. ເຂົາເຈົ້າໄດ້ເດີນທັບເປັນເວລາໜຶ່ງເດືອນ ແລະ ໄດ້ຂ້າມແມ່ນ້ຳໃຫຍ່ເຂົ້າໄປໃນລັດມີເຊີຣີ. ເຂົາເຈົ້າເມື່ອຍ ແລະ ເຈັບປວດ. ການເດີນທັບທີ່ຍາວນານຍັງເຮັດໃຫ້ບາງຄົນຮູ້ສຶກຫງຸດຫງິດນຳອີກ. ເຂົາເຈົ້າຍັງຕ້ອງເດີນທາງຍາວໄກກ່ອນຈະໄປຮອດເມືອງອິນດີເພັນເດັນສ໌.

Saints, 1:200–201

ຜູ້ຍິງຄົນໜຶ່ງກຳລັງບອກກັບໂຈເຊັບວ່າ ມີກຸ່ມຜູ້ຊາຍກຳລັງຊອກຫາຄ້າຍອິດສະຣາເອນ.

ໃນຂະນະທີ່ເຂົາເຈົ້າເດີນທັບຕໍ່ໄປ, ຜູ້ຍິງຄົນໜຶ່ງໄດ້ຮ້ອງບອກເຂົາເຈົ້າ. ນາງເວົ້າວ່າ ມີຜູ້ຊາຍຈຳນວນໜຶ່ງກຳລັງຈະມາຂ້າເຂົາເຈົ້າ.

Saints, 1:203

ຜູ້ຊາຍຫ້າຄົນທີ່ຂີ່ມ້າກຳລັງເວົ້າຂູ່ໂຈເຊັບ ແລະ ຄ້າຍອິດສະຣາເອນ.

ຄ້າຍອິດສະຣາເອນໄດ້ຢຸດພັກຄ້າງຄືນຢູ່ເນີນພູເທິງແມ່ນ້ຳ. ໃນຂະນະທີ່ເຂົາເຈົ້າກຳລັງຕັ້ງຄ້າຍ, ຜູ້ຊາຍຫ້າຄົນຂີ່ມ້າມາຫາເຂົາເຈົ້າ. ພວກເຂົາໄດ້ເວົ້າຄຸຍວ່າ ມີຜູ້ຊາຍອື່ນອີກ 300 ຄົນກຳລັງມຸ້ງໜ້າມາໂຈມຕີຄ້າຍ. ສະມາຊິກຫລາຍຄົນຂອງຄ້າຍອິດສະຣາເອນມີຄວາມກັງວົນ. ໂຈເຊັບໄດ້ບອກເຂົາເຈົ້າໃຫ້ມີສັດທາ ວ່າພຣະເຈົ້າຈະຊ່ວຍເຫລືອເຂົາເຈົ້າ.

Saints, 1:203

ບໍ່ດົນທ້ອງຟ້າກໍເຕັມໄປດ້ວຍເມກສີເທົາ. ຝົນເລີ່ມຕົກໜັກ. ນ້ຳໄດ້ສູງຂຶ້ນ. ລົມໄດ້ພັດຕົ້ນໄມ້ລົ້ມລົງ. ມີຟ້າແມບເຫລື້ອມທົ່ວທ້ອງຟ້າ. ໂຈເຊັບ ແລະ ຄົນອື່ນໆໄດ້ພົບເຫັນໂບດນ້ອຍຫລັງໜຶ່ງ ບ່ອນທີ່ເຂົາເຈົ້າຈະປອດໄພ. ເຂົາເຈົ້າໄດ້ຮ້ອງເພງສວດຕະຫລອດທັງຄືນ. “ພຣະເຈົ້າຢູ່ໃນພະຍຸນີ້!” ໂຈເຊັບໄດ້ເວົ້າ.

Saints, 1:203–4

ໂຈເຊັບກຳລັງບອກສະມາຊິກຂອງຄ້າຍອິດສະຣາເອນວ່າ ເຂົາເຈົ້າສາມາດກັບບ້ານໄດ້.

ລົມພະຍຸໄດ້ຢຸດຢັ້ງຜູ້ຄົນທີ່ຈະມາໂຈມຕີເຂົາເຈົ້າ. ຄ້າຍປອດໄພ. ແຕ່ລັດຖະບານໄດ້ກ່າວວ່າ ຈະບໍ່ຊ່ວຍເຫລືອໄພ່ພົນ. ພຣະຜູ້ເປັນເຈົ້າໄດ້ບອກກັບໂຈເຊັບວ່າ ຄ້າຍອິດສະຣາເອນສາມາດກັບບ້ານໄດ້. ໄພ່ພົນຄວນສ້າງຊີໂອນໂດຍການຮັກສາພຣະບັນຍັດຂອງພຣະເຈົ້າ. ພຣະອົງໄດ້ສັນຍາວ່າ ພຣະອົງຈະ “ຕໍ່ສູ້ໃນການສູ້ຮົບຂອງຊີໂອນ.”

ຄຳສອນ ແລະ ພັນທະສັນຍາ 105:1–19; Saints, 1:204–5

ສະມາຊິກຂອງຄ້າຍອິດສະຣາເອນກຳລັງເວົ້າລົມກັນ.

ສະມາຊິກບາງຄົນຂອງຄ້າຍໄດ້ໃຈຮ້າຍເມື່ອໄດ້ຍິນເລື່ອງນີ້. ເຂົາເຈົ້າໂສກເສົ້າທີ່ເຂົາເຈົ້າບໍ່ໄດ້ຕໍ່ສູ້ເພື່ອຊີໂອນ. ບາງຄົນຄິດວ່າຄ້າຍອິດສະຣາເອນລົ້ມເຫລວ. ແຕ່ຄົນອື່ນໆ, ເຊັ່ນ ບຣິກຳ ຢັງ, ຮີເບີ, ແລະ ວິວເຝີດ, ໄດ້ຂອບຄຸນສຳລັບໂອກາດທີ່ໄດ້ຢູ່ກັບສາດສະດາໂຈເຊັບ ແລະ ຮຽນຮູ້ຈາກເພິ່ນ.

Saints, 1:205–6

ບຣິກຳ ຢັງ ກຳລັງໄດ້ຮັບການແຕ່ງຕັ້ງເປັນອັກຄະສາວົກຂອງພຣະເຢຊູຄຣິດ.

ຕໍ່ມາ, ພຣະຜູ້ເປັນເຈົ້າໄດ້ບອກໃຫ້ໂຈເຊັບ ສະມິດ ເອີ້ນເອົາອັກຄະສາວົກສິບສອງຄົນ ເພື່ອຊ່ວຍນຳພາສາດສະໜາຈັກຂອງພຣະອົງ. ອັກຄະສາວົກຈະເປັນພະຍານພິເສດເຖິງພຣະນາມຂອງພຣະເຢຊູຄຣິດໃນທົ່ວໂລກ. ແປດຄົນໃນອັກຄະສາວົກສິບສອງຄົນເຄີຍໄດ້ເດີນທັບໃນຄ້າຍອິດສະຣາເອນ. ການຮັບໃຊ້ຮ່ວມກັບໂຈເຊັບໄດ້ກຽມພວກເພິ່ນສຳລັບການເອີ້ນທີ່ສຳຄັນນີ້.

ຄຳສອນ ແລະ ພັນທະສັນຍາ 18:26–27; 107:23; Saints, 1:214–17