“ລູສີ ມໍເລ ແລະ ຄອບຄົວຂອງນາງ,” ເລື່ອງຄຳສອນ ແລະ ພັນທະສັນຍາ (2024)
“ລູສີ ມໍເລ ແລະ ຄອບຄົວຂອງນາງ,” ເລື່ອງຄຳສອນ ແລະ ພັນທະສັນຍາ
ເດືອນພະຈິກ 1830
ລູສີ ມໍເລ ແລະ ຄອບຄົວຂອງນາງ
ຫລາຍຄົນເຊື່ອ ແລະ ໄດ້ຮັບບັບຕິສະມາ
ມື້ໜຶ່ງ, ນາງລູສີ ມໍເລ ອາຍຸ 15 ປີກຳລັງຊ່ວຍອາບີແກວ ແດນໂຍ ເພື່ອນບ້ານຂອງນາງຕ່ຳຫູກ. ຂະນະທີ່ພວກນາງເຮັດວຽກຢູ່ນັ້ນ, ພວກນາງໄດ້ຍິນສຽງເຄາະປະຕູ. ນັ້ນແມ່ນຜູ້ສອນສາດສະໜາສາມຄົນ. ອາບີແກວໄດ້ເຊື້ອເຊີນເຂົາເຈົ້າເຂົ້າໄປຂ້າງໃນ. ເຂົາເຈົ້າເວົ້າວ່າພຣະເຢຊູຄຣິດໄດ້ສົ່ງເຂົາເຈົ້າມາເພື່ອແບ່ງປັນຂ່າວສານ.
Saints, 1:102–3
ພວກຜູ້ຊາຍໄດ້ບອກອາບີແກວ ແລະ ລູສີວ່າ ພຣະເຢຊູໄດ້ເອີ້ນໂຈເຊັບ ສະມິດ ໃຫ້ເປັນສາດສະດາ. ເຂົາເຈົ້າກໍຍັງໄດ້ບອກພວກນາງກ່ຽວກັບພຣະຄຳພີມໍມອນນຳອີກ.
Saints, 1:103
ລູສີຕົກຕະລຶງ, ເມື່ອນາງອາບີແກວໃຈຮ້າຍ. ນາງໄດ້ບອກໃຫ້ຜູ້ສອນສາດສະໜາອອກໄປຈາກເຮືອນຂອງນາງ.
Saints, 1:103
ລູສີຮູ້ວ່າຜູ້ສອນສາດສະໜາເຫລົ່ານີ້ເປັນຜູ້ຮັບໃຊ້ຂອງພຣະເຈົ້າ. ນາງໄດ້ບອກເຂົາເຈົ້າໃຫ້ໄປຢ້ຽມຢາມຄອບຄົວຂອງນາງທີ່ຢູ່ລຸ່ມຖະໜົນນັ້ນ. “ພໍ່ຂອງຂ້ອຍອາໄສຢູ່ປະມານສອງກິໂລແມັດຈາກນີ້,” ນາງໄດ້ເວົ້າ. “ໃຫ້ໄປຫັ້ນ ແລະ ພວກເຈົ້າຈະໄດ້ກິນອີ່ມ ແລະ ຖືກຮັບຕ້ອນເປັນຢ່າງດີ.”
Saints, 1:103–4
ລູສີເວົ້າຖືກ. ຜູ້ສອນສາດສະໜາໄດ້ກິນອາຫານດີຢູ່ໃນຟາມຂອງຄອບຄົວມໍເລ. ພໍ່ແມ່ຂອງນາງລູສີເປັນເພື່ອນກັບຊິດນີ ຣິກດອນ. ເຂົາເຈົ້າເຊື່ອວ່າພຣະເຢຊູຢາກໃຫ້ເຂົາເຈົ້າແບ່ງປັນທຸກສິ່ງທີ່ເຂົາເຈົ້າມີໃຫ້ກັບຄົນອື່ນ. ເຂົາເຈົ້າໄດ້ເຊື້ອເຊີນຜູ້ສອນສາດສະໜາໃຫ້ສິດສອນເຂົາເຈົ້າ ແລະ ໝູ່ເພື່ອນຂອງເຂົາເຈົ້າ.
Saints, 1:104
ຄືນນັ້ນ, ປະມານທ່ຽງຄືນ, 17 ຄົນໄດ້ຮັບບັບຕິສະມາ. ສອງສາມມື້ຈາກນັ້ນ, 50 ຄົນອື່ນອີກໄດ້ມາຍັງຟາມມໍເລ ເພື່ອຟັງຜູ້ສອນສາດສະໜາ, ແລະ ໄດ້ຂໍຮັບບັບຕິສະມາ. ແມ່ນແຕ່ນາງອາບີແກວ ແດນໂຍ ໝູ່ຂອງນາງລູສີກໍໄດ້ປ່ຽນໃຈກ່ຽວກັບຜູ້ສອນສາດສະໜາ. ນາງ ແລະ ສາມີຂອງນາງໄດ້ຕັດສິນໃຈເຂົ້າຮ່ວມສາດສະໜາຈັກ.
Saints, 1:105; ຄຳສອນ ແລະ ພັນທະສັນຍາ 20:25, 37