ຄອບ​ຄົວ​ໄນ້ ແລະ ຄົນ​ອື່ນໆ​ເຕົ້າ​ໂຮມ​ກັນ​ທີ່​ຊີ​ໂອນ

ພໍ​ລີ ແລະ ໂຈ​ເຊັບ ໄນ້ ໄດ້​ອາ​ໄສ​ຢູ່​ກັບ​ຄອບ​ຄົວ​ຂອງ​ເຂົາ​ເຈົ້າ​ຢູ່​ລັດ​ນິວ​ຢອກ. ເຂົາ​ເຈົ້າ​ຮູ້​ຈັກ​ສາດ​ສະ​ດາ​ໂຈ​ເຊັບ​ເປັນ​ຢ່າງ​ດີ. ຫລັງ​ຈາກ​ທີ່​ຮຽນ​ຮູ້​ພຣະ​ກິດ​ຕິ​ຄຸນ, ເຂົາ​ເຈົ້າ​ໄດ້​ເລືອກ​ເຂົ້າ​ຮ່ວມ​ສາດ​ສະ​ໜາ​ຈັກ. ເມື່ອ​ພຣະ​ຜູ້​ເປັນ​ເຈົ້າ​ໄດ້​ຂໍ​ໃຫ້​ໄພ່​ພົນ​ຍ້າຍ​ໄປ​ຢູ່​ລັດ​ໂອ​ໄຮ​ໂອ, ຄອບ​ຄົວ​ໄນ້​ກໍ​ເຊື່ອ​ຟັງ.

ຄຳ​ສອນ ແລະ ພັນ​ທະ​ສັນ​ຍາ 37; Saints, 1:33, 94, 109–110

ຄອບ​ຄົວ​ໄນ້​ດີ​ໃຈ​ເມື່ອ​ເຂົາ​ເຈົ້າ​ໄປ​ເຖິງ​ລັດ​ໂອ​ໄຮ​ໂອ. ລີ​ມັນ ຄອບ​ລີ, ສະ​ມາ​ຊິກ​ຂອງ​ສາດ​ສະ​ໜາ​ຈັກ, ໄດ້​ກ່າວ​ວ່າ​ໄພ່​ພົນ​ສາ​ມາດ​ອາ​ໄສ​ຢູ່​ໃນ​ທີ່​ດິນ​ຂອງ​ລາວ. ມັນ​ມີ​ພື້ນ​ທີ່​ພຽງ​ພໍ​ຢູ່​ທີ່​ນັ້ນ​ສຳ​ລັບ​ປູກ​ພືດ ແລະ ສ້າງ​ບ້ານ. ໂຈ​ເຊັບ ໄນ້ ແລະ ພວກ​ລູກ​ຊາຍ​ຂອງ​ລາວ​ໄດ້​ເຮັດ​ວຽກ​ໜັກ​ເພື່ອ​ກຽມ​ທົ່ງ​ໃຫ້​ພ້ອມ​ສຳ​ລັບ​ການ​ປູກ​ຝັງ.

Saints, 1:126–27

ແຕ່​ແລ້ວ​ມື້​ໜຶ່ງ, ລີ​ມັນ​ໄດ້​ປ່ຽນ​ໃຈ​ກ່ຽວ​ກັບ​ທີ່​ດິນ​ຂອງ​ລາວ. ລາວ​ບໍ່​ຢາກ​ໃຫ້​ໄພ່​ພົນ​ອາ​ໄສ​ຢູ່​ທີ່​ນັ້ນ​ອີກ​ຕໍ່​ໄປ. ລາວ​ໄດ້​ບອກ​ໃຫ້​ຄອບ​ຄົວ​ໄນ້ ແລະ ຄົນ​ອື່ນໆ​ອອກ​ໄປ.

Saints, 1:127

ໄພ່​ພົນ​ມີ​ຄວາມ​ກັງ​ວົນ. ຕອນ​ນີ້​ເຂົາ​ເຈົ້າ​ບໍ່​ມີ​ບ່ອນ​ຢູ່. ເຂົາ​ເຈົ້າ​ໄດ້​ຖາມ​ສາດ​ສະ​ດາ​ໂຈ​ເຊັບ​ວ່າ ເຂົາ​ເຈົ້າ​ຄວນ​ເຮັດ​ແນວ​ໃດ.

ຄຳ​ສອນ ແລະ ພັນ​ທະ​ສັນ​ຍາ 54; Saints, 1:127

ພຣະ​ຜູ້​ເປັນ​ເຈົ້າ​ໄດ້​ບອກ​ວ່າ ໄພ່​ພົນ​ເຫລົ່າ​ນີ້​ຄວນ​ໄປ​ຍັງ​ລັດ​ມີ​ເຊີ​ຣີ ແລະ ສ້າງ​ຊີ​ໂອນ. ຊີ​ໂອນ​ຈະ​ເປັນ​ເມືອງ​ບ່ອນ​ທີ່​ຜູ້​ຄົນ​ຂອງ​ພຣະ​ຜູ້​ເປັນ​ເຈົ້າ​ສາ​ມາດ​ເຕົ້າ​ໂຮມ​ກັນ. ໃນ​ຊີ​ໂອນ, ເຂົາ​ເຈົ້າ​ຈະ​ສ້າງ​ພຣະ​ວິ​ຫານ​ບ່ອນ​ທີ່​ເຂົາ​ເຈົ້າ​ຈະ​ເຮັດ​ພັນ​ທະ​ສັນ​ຍາ, ຫລື ຄຳ​ສັນ​ຍາ​ກັບ​ພຣະ​ເຈົ້າ. ພຣະ​ອົງ​ຈະ​ອວຍ​ພອນ​ເຂົາ​ເຈົ້າ​ຖ້າ​ຫາກ​ເຂົາ​ເຈົ້າ​ຮັກ​ສາ​ພັນ​ທະ​ສັນ​ຍາ​ເຫລົ່າ​ນີ້. ຄອບ​ຄົວ​ໄນ້​ຮູ້​ສຶກ​ຕື່ນ​ເຕັ້ນ​ທີ່​ຈະ​ໄປ.

ຄຳ​ສອນ ແລະ ພັນ​ທະ​ສັນ​ຍາ 29:1–8; 42:30–36; 45:59–66; 54:6–9; 57:1–2; Saints, 1:128

ຂະ​ນະ​ທີ່​ຄອບ​ຄົວ​ໄນ້​ກຳ​ລັງ​ເດີນ​ທາງ​ໄປ​ລັດ​ມີ​ເຊີ​ຣີ, ພໍ​ລີ​ໄດ້​ລົ້ມ​ປ່ວຍ​ໜັກ. ສາ​ມີ​ຂອງ​ລາວ, ໂຈ​ເຊັບ, ແລະ ພວກ​ລູກ​ຊາຍ​ຂອງ​ລາວ​ເປັນ​ຫ່ວງ​ວ່າ ລາວ​ຈະ​ຢູ່​ໄດ້​ບໍ່​ດົນ. ແຕ່​ພໍ​ລີ​ໄດ້​ບອກ​ຄອບ​ຄົວ​ຂອງ​ລາວ​ວ່າ ລາວ​ຢາກ​ໄປ​ເຖິງ​ຊີ​ໂອນ ກ່ອນ​ທີ່​ລາວ​ຈະ​ເສຍ​ຊີ​ວິດ. ລາວ​ຢາກ​ໄປ​ເຖິງ​ທີ່​ນັ້ນ​ຫລາຍ​ກວ່າ​ສິ່ງ​ອື່ນ​ໃດ!

Saints, 1:128

ຫລັງ​ຈາກ​ການ​ເດີນ​ທາງ​ອັນ​ຍາວ​ນານ, ຄອບ​ຄົວ​ໄນ້​ກໍ​ໄປ​ເຖິງ​ລັດ​ມີ​ເຊີ​ຣີ. ພໍ​ລີ​ຮູ້​ສຶກ​ກະ​ຕັນ​ຍູ​ຕໍ່​ພຣະ​ຜູ້​ເປັນ​ເຈົ້າ​ທີ່​ລາວ​ໄດ້​ມີ​ຊີ​ວິດ​ຢູ່​ຈົນ​ໄດ້​ເຫັນ​ທີ່​ນັ້ນ. ຄອບ​ຄົວ​ໄນ້​ຄິດ​ວ່າ​ແຜ່ນ​ດິນ​ນັ້ນ​ສວຍ​ງາມ. ເຂົາ​ເຈົ້າ​ມີ​ສັດ​ທາ​ວ່າ​ເຂົາ​ເຈົ້າ​ສາ​ມາດ​ຮັກ​ສາ​ພຣະ​ບັນ​ຍັດ​ຂອງ​ພຣະ​ຜູ້​ເປັນ​ເຈົ້າ ໃນ​ການ​ສ້າງ​ຊີ​ໂອນ​ຢູ່​ທີ່​ນັ້ນ​ໄດ້.

Saints, 1:132

ໄພ່​ພົນ​ໄດ້​ກ່າວ​ຄຳ​ອະ​ທິ​ຖານ​ພິ​ເສດ ແລະ ເອີ້ນ​ແຜ່ນ​ດິນ​ຊີ​ໂອນ, ບ່ອນ​ທີ່​ຜູ້​ຄົນ​ຂອງ​ພຣະ​ຜູ້​ເປັນ​ເຈົ້າ​ຈະ​ມາ​ຫາ. ສາດ​ສະ​ດາ​ໂຈ​ເຊັບ​ໄດ້​ວາງ​ກ້ອນ​ຫີນ​ໄວ້​ເພື່ອ​ໝາຍ​ບ່ອນ​ທີ່​ຈະ​ຕັ້ງ​ມຸມ​ຂອງ​ພຣະ​ວິ​ຫານ. ສອງ​ສາມ​ມື້​ຕໍ່​ມາ, ພໍ​ລີ​ກໍ​ໄດ້​ເສຍ​ຊີ​ວິດ. ພຣະ​ຜູ້​ເປັນ​ເຈົ້າ​ໄດ້​ສັນ​ຍາ​ວ່າ ໄພ່​ພົນ​ຜູ້​ທີ່​ໄປ​ເຖິງ​ຊີ​ໂອນ ແລະ ເສຍ​ຊີ​ວິດ​ຈະ​ໄດ້​ພັກ​ຜ່ອນ​ໃນ​ສະ​ຫວັນ.

ຄຳ​ສອນ ແລະ ພັນ​ທະ​ສັນ​ຍາ 59:1–2; Saints, 1:132–33