“ວຽກງານເຜີຍແຜ່ຕໍ່ຊາວອິນເດຍແດງ,” ເລື່ອງຄຳສອນ ແລະ ພັນທະສັນຍາ (2024)
“ວຽກງານເຜີຍແຜ່ຕໍ່ຊາວອິນເດຍແດງ,” ເລື່ອງຄຳສອນ ແລະ ພັນທະສັນຍາ
ເດືອນຕຸລາ 1830–ເດືອນມັງກອນ 1831
ວຽກງານເຜີຍແຜ່ຕໍ່ຊາວອິນເດຍແດງ
ຊາວອິນເດຍແດງເດລາແວໄດ້ຍິນພຣະກິດຕິຄຸນ
ບໍ່ດົນຫລັງຈາກພາລີ ພະແຣັດ ໄດ້ຮັບບັບຕິສະມາ, ພຣະຜູ້ເປັນເຈົ້າໄດ້ເອີ້ນເພິ່ນໃຫ້ໄປເຜີຍແຜ່ກັບອໍລີເວີ ຄາວເດີຣີ ແລະ ຄົນອື່ນໆ. ພຣະອົງຢາກໃຫ້ພວກເພິ່ນສັ່ງສອນພຣະກິດຕິຄຸນໃຫ້ກັບຊາວອິນເດຍແດງ. ຜູ້ສອນສາດສະໜາໄດ້ເດີນທາງຫລາຍອາທິດຂ້າມຫິມະເລິກ. ໃນທີ່ສຸດ, ພວກເພິ່ນກໍໄດ້ພົບກັບຄິກທະເວນັນ, ຫົວໜ້າເຜົ່າຊາວອິນເດຍແດງເດລາແວ.
ຄຳສອນ ແລະ ພັນທະສັນຍາ 28:14; 30:5–6; 32; Saints, 1:98, 115
ຫົວໜ້າເຜົ່າມີຄວາມເປັນມິດກັບຜູ້ສອນສາດສະໜາ. ເພິ່ນໄດ້ເຊື້ອເຊີນໝູ່ເພື່ອນຂອງເພິ່ນໃຫ້ຟັງຂ່າວສານຂອງພວກເພິ່ນ. ອໍລີເວີໄດ້ເວົ້າວ່າ ເພິ່ນ ແລະ ພາລີໄດ້ເດີນທາງມາໄກເພື່ອນຳພຣະຄຳພີມໍມອນມາມອບໃຫ້ເຂົາເຈົ້າ. ພຣະຄຳພີບອກເຖິງຜູ້ຄົນທີ່ໄດ້ອາໄສຢູ່ໃນອາເມຣິກາດົນນານມາແລ້ວ. ພຣະເຈົ້າຢາກໃຫ້ພວກເພິ່ນແບ່ງປັນພຣະຄຳພີນັ້ນ ເພື່ອວ່າທຸກຄົນຈະຮູ້ກ່ຽວກັບພຣະເຢຊູຄຣິດ.
Saints, 1:115–16
ອໍລີເວີໄດ້ມອບພຣະຄຳພີມໍມອນເຫລັ້ມໜຶ່ງໃຫ້ກັບຄິກທະເວນັນ. ເພິ່ນຂອບໃຈທີ່ອໍລີເວີ ແລະ ໝູ່ເພື່ອນຂອງເພິ່ນໄດ້ເດີນທາງມາໄກ ເພື່ອແບ່ງປັນພຣະຄຳພີໃຫ້ກັບຜູ້ຄົນຂອງເພິ່ນ. ເພິ່ນໄດ້ບອກອໍລີເວີ ແລະ ພາລີວ່າ ເພິ່ນຢາກໃຫ້ພວກເພິ່ນກັບຄືນມາ ເພື່ອອ່ານພຣະຄຳພີໃຫ້ເຂົາເຈົ້າຟັງ ແລະ ສິດສອນເຂົາເຈົ້າເພີ່ມເຕີມກ່ຽວກັບພຣະຄຳພີມໍມອນ.
Saints, 1:116–17