“ວຽກງານເຜີຍແຜ່ຂອງພາລີທີ່ປະເທດການາດາ,” ເລື່ອງຄຳສອນ ແລະ ພັນທະສັນຍາ (2024)
“ວຽກງານເຜີຍແຜ່ຂອງພາລີທີ່ປະເທດການາດາ,” ເລື່ອງຄຳສອນ ແລະ ພັນທະສັນຍາ
ເດືອນເມສາ–ເດືອນມິຖຸນາ 1836
ວຽກງານເຜີຍແຜ່ຂອງພາລີທີ່ປະເທດການາດາ
ການສະແດງສັດທາໃນຄຳສັນຍາຂອງພຣະຜູ້ເປັນເຈົ້າ
ບໍ່ດົນຫລັງຈາກພຣະວິຫານເຄີດແລນໄດ້ຖືກອຸທິດ, ຜູ້ນຳຫລາຍຄົນຂອງສາດສະໜາຈັກໄດ້ໄປເຜີຍແຜ່ເພື່ອສັ່ງສອນພຣະກິດຕິຄຸນ.
ຄຳສອນ ແລະ ພັນທະສັນຍາ 88:81; 109:22–23; 112:28–29; Saints, 1:249
ພາລີ ພະແຣັດ ມັກແບ່ງປັນພຣະກິດຕິຄຸນ. ແຕ່ລາວຄິດວ່າລາວຄວນຢູ່ບ້ານ ເພາະພັນລະຍາຂອງລາວ, ຊື່ ແຕ້ງຟູນ, ເຈັບປ່ວຍ. ເຂົາເຈົ້າກໍບໍ່ມີເງິນຫລາຍນຳອີກ.
Saints, 1:249
ຮີເບີ ຄິມໂບ, ໝູ່ຂອງພາລີ ແລະ ອັກຄະສາວົກ, ໄດ້ມາຢ້ຽມຢາມ. ເພິ່ນໄດ້ໃຫ້ພອນແກ່ພາລີ ແລະ ເວົ້າວ່າລາວຄວນສັ່ງສອນພຣະກິດຕິຄຸນໃນປະເທດການາດາ. ໃນພອນນັ້ນ, ຮີເບີໄດ້ສັນຍາວ່າ ແຕ້ງຟູນຈະດີຂຶ້ນ. ເພິ່ນໄດ້ສັນຍາວ່າ ລາວຈະມີລູກຊາຍ ແລະ ພຣະຜູ້ເປັນເຈົ້າຈະຊ່ວຍໃຫ້ພາລີໄດ້ເງິນທີ່ລາວຕ້ອງການ.
Saints, 1:249–50
ແຕ້ງຟູນ ແລະ ພາລີແຕ່ງງານກັນໄດ້ 10 ປີແລ້ວ. ເຂົາເຈົ້າບໍ່ມີລູກຈັນຄົນ. ແຕ່ເຂົາເຈົ້າມີສັດທາໃນຄຳສັນຍາຂອງພຣະຜູ້ເປັນເຈົ້າ. ເຖິງແມ່ນວ່າມັນເປັນເລື່ອງຍາກທີ່ຈະຢູ່ຫ່າງໄກຈາກແຕ້ງຟູນ ໃນປະເທດການາດາ, ແຕ່ພາລີກໍໄດ້ຈາກໄປແບ່ງປັນພຣະກິດຕິຄຸນ.
Saints, 1:250
ໃນປະເທດການາດາ, ພາລີໄດ້ຊອກຫາບ່ອນທີ່ລາວຈະສາມາດສິດສອນຜູ້ຄົນ. ລາວໄດ້ຖາມວ່າລາວຈະສາມາດສິດສອນຢູ່ໃນໂບດ ແລະ ອາຄານອື່ນໆໄດ້ຫລືບໍ່. ທຸກຄົນເວົ້າວ່າ ບໍ່.
Saints, 1:252–53
ແລ້ວພາລີໄດ້ພົບກັນຈອນ ແລະ ເລໂອໂນຣາ ເທເລີ. ເຂົາເຈົ້າຮັກພຣະເຢຊູຄຣິດ ແລະ ພຣະຄຣິສຕະທຳຄຳພີ. ຈອນໄດ້ຖາມພາລີວ່າ ສິ່ງທີ່ລາວສິດສອນນັ້ນແຕກຕ່າງຈາກພຣະຄຣິສຕະທຳຄຳພີຫລືບໍ່.
Saints, 1:252–53
ພາລີໄດ້ເວົ້າວ່າ ລາວສິດສອນກ່ຽວກັບພຣະເຢຊູ, ສາດສະດາ, ການບັບຕິສະມາ, ແລະ ພຣະວິນຍານບໍລິສຸດ. ສິ່ງເຫລົ່ານີ້ທັງໝົດມີຢູ່ໃນພຣະຄຣິສຕະທຳຄຳພີ. ຈອນໄດ້ຖາມວ່າ, “ສ່ວນໂຈເຊັບ ສະມິດ ແລະ ພຣະຄຳພີມໍມອນເດ້?” ພາລີໄດ້ບອກຈອນວ່າ ລາວຮູ້ວ່າພຣະຄຳພີມໍມອນເປັນຄວາມຈິງ, ເຊັ່ນດຽວກັບພຣະຄຣິສຕະທຳຄຳພີ, ແລະ ວ່າໂຈເຊັບ ສະມິດ ໄດ້ເປັນສາດສະດາຂອງພຣະເຈົ້າ.
Saints, 1:253
ຈອນເຊື່ອສິ່ງທີ່ພາລີເວົ້າ. ລາວໄດ້ອ່ານພຣະຄຳພີມໍມອນ ແລະ ຮູ້ວ່າມັນເປັນຄວາມຈິງ. ຈອນ ແລະ ເລໂອໂນຣາໄດ້ເຊື້ອເຊີນໝູ່ເພື່ອນຂອງເຂົາເຈົ້າ ໂຈເຊັບ, ເມີຊີ, ແລະ ແມຣີ ຟຽວດິງ ແລະ ຄົນອື່ນໆໃຫ້ມາຟັງພາລີສິດສອນ. ຫລາຍຄົນໄດ້ຮັບບັບຕິສະມາ ແລະ ໄດ້ເຂົ້າຮ່ວມສາດສະໜາຈັກ.
Saints, 1:254–55
ພາລີມີຄວາມສຸກ, ແຕ່ລາວຢາກກັບບ້ານໄປຫາແຕ້ງຟູນໃນເມືອງເຄີດແລນ. ລາວໄດ້ສັ່ງລາໝູ່ເພື່ອນຂອງລາວໃນປະເທດການາດາ. ຂະນະທີ່ລາວຈັບມືກັບເຂົາເຈົ້າ, ເຂົາເຈົ້າໄດ້ມອບເງິນໃຫ້ລາວ ເພື່ອຊ່ວຍດູແລຄອບຄົວຂອງລາວ.
Saints, 1:255–56
ເມື່ອພາລີກັບເຖິງບ້ານ, ລາວພົບວ່າແຕ້ງຟູນຮູ້ສຶກດີຂຶ້ນຫລາຍ. ພາລີໄດ້ຮັບພຣະຄຳພີມໍມອນເພີ່ມເຕີມ ແລະ ໄດ້ກັບໄປປະເທດການາດາ ເພື່ອແບ່ງປັນພຣະກິດຕິຄຸນຕໍ່ໄປ. ເທື່ອນີ້, ແຕ້ງຟູນໄດ້ໄປກັບລາວ.
Saints, 1:256
ບໍ່ດົນແຕ້ງຟູນ ແລະ ພາລີກໍພົບວ່າ ເຂົາເຈົ້າຈະມີລູກ. ເຂົາເຈົ້າຈື່ຈຳພອນທີ່ຮີເບີໄດ້ມອບໃຫ້ພາລີ. ເຂົາເຈົ້າຮູ້ສຶກວ່າທຸກສິ່ງທີ່ພຣະຜູ້ເປັນເຈົ້າໄດ້ສັນຍາໃນພອນນັ້ນກຳລັງເກີດເປັນຈິງ.
Saints, 1:256