“ການສ້າງພຣະວິຫານເຄີດແລນ,” ເລື່ອງຄຳສອນ ແລະ ພັນທະສັນຍາ (2024)
“ການສ້າງພຣະວິຫານເຄີດແລນ,” ເລື່ອງຄຳສອນ ແລະ ພັນທະສັນຍາ
ເດືອນທັນວາ 1832–ເດືອນມີນາ 1836
ການສ້າງພຣະວິຫານເຄີດແລນ
ບ້ານພິເສດສຳລັບພຣະຜູ້ເປັນເຈົ້າ
ພຣະຜູ້ເປັນເຈົ້າໄດ້ບອກໂຈເຊັບ ສະມິດ ວ່າເຖິງເວລາທີ່ໄພ່ພົນຈະຕ້ອງສ້າງບ້ານພິເສດໃນເມືອງເຄີດແລນ. ບ້ານຫລັງນີ້ຈະເປັນພຣະວິຫານ, ເປັນສະຖານທີ່ທີ່ພຣະຜູ້ເປັນເຈົ້າສະເດັດມາຢ້ຽມຢາມຜູ້ຄົນຂອງພຣະອົງ ແລະ ເຮັດສັນຍາກັບເຂົາເຈົ້າ. ພຣະອົງຈະມອບຂອງຂວັນພິເສດໃຫ້ເຂົາເຈົ້າໃນພຣະວິຫານຂອງພຣະອົງ. ພຣະອົງໄດ້ເອີ້ນຂອງຂວັນນັ້ນວ່າ ຂອງປະທານສັກສິດແຫ່ງອຳນາດ.
ຄຳສອນ ແລະ ພັນທະສັນຍາ 88:119; 95:8; Saints, 1:205
ໄພ່ພົນບໍ່ໄດ້ສ້າງພຣະວິຫານທັນທີ. ສອງສາມເດືອນຈາກນັ້ນ, ພຣະຜູ້ເປັນເຈົ້າໄດ້ເຕືອນເຂົາເຈົ້າວ່າ ພຣະວິຫານມີຄວາມສຳຄັນຫລາຍ. ໄຮຣຳ ສະມິດ ໄດ້ແລ່ນໄປທີ່ບ້ານຂອງພໍ່ແມ່ຂອງເພິ່ນ ເພື່ອຮວບຮວມເອົາເຄື່ອງມື. ເມື່ອແມ່ຂອງເພິ່ນຖາມວ່າ ເພິ່ນຈະໄປໃສ, ເພິ່ນບອກວ່າເພິ່ນຢາກເປັນຄົນທຳອິດທີ່ເຮັດວຽກໃນບ້ານຂອງພຣະຜູ້ເປັນເຈົ້າ.
ຄຳສອນ ແລະ ພັນທະສັນຍາ 95:1–8
ໄພ່ພົນໃນເມືອງເຄີດແລນໄດ້ເລີ່ມສ້າງພຣະວິຫານ. ມັນຕ້ອງໄດ້ໃຊ້ເງິນຫລາຍ ແລະ ຕ້ອງໃຊ້ແຮງງານຫລາຍ. ສະມາຊິກຂອງສາດສະໜາຈັກຄືກັນກັບຊິດນີ ຣິກດອນ ໄດ້ມອບເງິນຈຳນວນຫລາຍເພື່ອສ້າງພຣະວິຫານ. ເຂົາເຈົ້າຕື່ນເຕັ້ນທີ່ຈະເຮັດຕາມພຣະບັນຍັດຂອງພຣະຜູ້ເປັນເຈົ້າ ແລະ ຮັບພອນຂອງພຣະອົງໃນບ້ານຂອງພຣະອົງ.
Saints, 1:209–211
ຂະນະທີ່ໄພ່ພົນສ້າງພຣະວິຫານ, ເຂົາເຈົ້າໄດ້ເລີ່ມໝົດເງິນ. ຊິດນີ ແລະ ຜູ້ນຳຂອງສາດສະໜາຈັກມີຄວາມກັງວົນ. ຊິດນີໄດ້ອະທິຖານຂໍໃຫ້ພຣະເຈົ້າຊ່ວຍເຫລືອ.
Saints, 1:210–11
ສະມາຊິກຂອງສາດສະໜາຈັກຄົນໜຶ່ງຊື່ ຄາໂຣລາຍ ທິບເພັດສ໌ ແລະ ຄອບຄົວຂອງລາວມີເງິນຫລາຍ. ຄາໂຣລາຍໄດ້ເອົາເງິນໃຫ້ສາດສະໜາຈັກຢືມ ເພື່ອຊ່ວຍສ້າງພຣະວິຫານ.
Saints, 1:211–13
ໄພ່ພົນຫລາຍຄົນຢູ່ໃນເມືອງເຄີດແລນໄດ້ເຮັດວຽກໜັກເພື່ອສ້າງພຣະວິຫານ. ບາງຄົນໄດ້ຂັບກວຽນທີ່ເຕັມໄປດ້ວຍຫີນໄປພຣະວິຫານ. ບາງຄົນເຮັດເສື້ອຜ້າ ແລະ ອາຫານໃຫ້ຄົນງານ. ພວກເດັກນ້ອຍໄດ້ເກັບເສດແກ້ວທີ່ແຕກເພື່ອເອົາໄປບົດ ແລະ ນຳໄປຕິດໃສ່ຝາພຣະວິຫານ ເພື່ອໃຫ້ເປັນປະກາຍ ແລະ ສ່ອງແສງສະທ້ອນແສງຕາເວັນ.
Saints, 1:210, 219, 221
ບໍ່ດົນພຣະວິຫານກໍສ້າງສຳເລັດ! ໄພ່ພົນຕື່ນເຕັ້ນທີ່ຈະໄດ້ເຂົ້າໄປໃນບ້ານຂອງພຣະຜູ້ເປັນເຈົ້າ ເພື່ອຮັບເອົາພອນທີ່ພຣະອົງໄດ້ສັນຍາໄວ້ກັບເຂົາເຈົ້າ.
Saints, 1:221