“ຊູຊາ ຢັງ ເກດ ແລະ ໂຈເຊັບ ແອັຟ ສະມິດ,” ເລື່ອງຄຳສອນ ແລະ ພັນທະສັນຍາ (2024)
“ຊູຊາ ຢັງ ເກດ ແລະ ໂຈເຊັບ ແອັຟ ສະມິດ,” ເລື່ອງຄຳສອນ ແລະ ພັນທະສັນຍາ
1902–1918
ຊູຊາ ຢັງ ເກດ ແລະ ໂຈເຊັບ ແອັຟ ສະມິດ
ການເປີດເຜີຍກ່ຽວກັບໂລກວິນຍານ
ຊູຊາ ຢັງ ເກດ ແມ່ນລູກສາວຂອງບຣິກຳ ຢັງ. ນາງເກີດຢູ່ລັດຢູທາ ແລະ ເຕີບໃຫຍ່ຢູ່ທີ່ນັ້ນ. ນາງມັກຂຽນ, ແລະ ນາງມັກຮັບໃຊ້ໃນສາດສະໜາຈັກຂອງພຣະຜູ້ເປັນເຈົ້າ.
Saints, 3:9–10, 64
ເມື່ອຊູຊາເປັນຜູ້ໃຫຍ່, ນາງໄດ້ລົ້ມປ່ວຍໜັກ. ນາງໄດ້ຂໍພອນຂອງຖານະປະໂລຫິດ. ໃນພອນນັ້ນ, ພຣະຜູ້ເປັນເຈົ້າໄດ້ບອກຊູຊາວ່າ ພຣະອົງຕ້ອງການໃຫ້ນາງເຮັດວຽກງານພຣະວິຫານ.
Saints, 3:193–94
ຫລັງຈາກໄດ້ຮັບພອນນັ້ນ, ຊູຊາກໍດີຂຶ້ນ. ນາງໄດ້ໃຊ້ເວລາຮຽນຮູ້ກ່ຽວກັບປະຫວັດຄອບຄົວຂອງນາງ. ເມື່ອນາງພົບເຫັນສະມາຊິກໃນຄອບຄົວຂອງນາງຜູ້ທີ່ຕາຍໄປໂດຍບໍ່ໄດ້ຮັບບັບຕິສະມາ, ນາງໄດ້ໄປພຣະວິຫານເພື່ອຮັບບັບຕິສະມາແທນເຂົາເຈົ້າ. ນາງມັກບອກຜູ້ຄົນກ່ຽວກັບປະຫວັດຄອບຄົວ. ໜ້າໂສກເສົ້າທີ່ຫລາຍຄົນບໍ່ສົນໃຈ.
Saints, 3:194–95, 206
ມື້ໜຶ່ງ, ຊູຊາໄດ້ໄປຢ້ຽມຢາມໂຈເຊັບ ແອັຟ ສະມິດ ເພື່ອນຂອງນາງ, ຊຶ່ງເປັນປະທານຂອງສາດສະໜາຈັກ. ປະທານສະມິດໄດ້ເຈັບປ່ວຍມາໄດ້ຫລາຍອາທິດແລ້ວ. ຊູຊາຮູ້ວ່າເພິ່ນກໍໂສກເສົ້າ ເພາະລູກຊາຍຂອງເພິ່ນໄດ້ເສຍຊີວິດ. ເພິ່ນໂສກເສົ້າກັບສິ່ງອື່ນໆທີ່ເກີດຂຶ້ນໃນໂລກນຳອີກ ເຊັ່ນສົງຄາມ ແລະ ຄວາມເຈັບປ່ວຍ.
Saints, 3:197–99, 205–6
ແຕ່ເມື່ອຊູຊາໄດ້ນັ່ງລົງກັບປະທານສະມິດ, ເພິ່ນຮູ້ສຶກຕື່ນເຕັ້ນທີ່ຈະໄດ້ເວົ້າລົມກັບນາງ. ເພິ່ນໄດ້ບອກຊູຊາວ່າ ພຣະເຈົ້າໄດ້ມອບພາບນິມິດພິເສດໃຫ້ເພິ່ນ. ທັງໝົດແມ່ນກ່ຽວກັບໂລກວິນຍານ, ບ່ອນທີ່ຜູ້ຄົນໄປຫາຫລັງຈາກພວກເຂົາຕາຍ. ພາບນິມິດຂອງເພິ່ນໄດ້ຖືກຂຽນໄວ້ໃນເຈ້ຍ. ປະທານສະມິດໄດ້ມອບມັນໃຫ້ຊູຊາ ແລະ ຂໍໃຫ້ນາງອ່ານ.
Saints, 3:206–7
ຊູຊາໄດ້ອ່ານເຈ້ຍ. ມັນເວົ້າວ່າພຣະເຢຊູຄຣິດໄດ້ໄປຢ້ຽມຢາມໂລກວິນຍານ. ພຣະອົງໄດ້ສົ່ງອາດາມ, ເອວາ, ແລະ ຊາຍຍິງທີ່ຊື່ສັດຄົນອື່ນໆໄປສິດສອນວິນຍານທີ່ບໍ່ໄດ້ຮັບພຣະກິດຕິຄຸນຕອນພວກເຂົາຍັງມີຊີວິດຢູ່. ເຂົາເຈົ້າໄດ້ຊ່ວຍວິນຍານເຫລົ່ານີ້ກຽມຕົວເພື່ອວ່າຜູ້ຄົນຈະສາມາດຮັບບັບຕິສະມາແທນພວກເຂົາຢູ່ໃນພຣະວິຫານ.
ຄຳສອນ ແລະ ພັນທະສັນຍາ 138:11–19, 29–48; Saints, 3:206–7
ຊູຊາປະຫລາດໃຈຫລາຍ ຂະນະທີ່ນາງອ່ານພາບນິມິດຂອງປະທານສະມິດ. ປະທານສະມິດໄດ້ຍິ້ມໃຫ້ນາງ. “ຊູຊາ,” ເພິ່ນໄດ້ເວົ້າ, “ເຈົ້າກຳລັງເຮັດວຽກງານທີ່ຍິ່ງໃຫຍ່.” ເພິ່ນໄດ້ບອກນາງວ່າ ເພິ່ນຮັກນາງ ເພາະສັດທາຂອງນາງໃນພຣະຜູ້ເປັນເຈົ້າ.
Saints, 3:206
ຊູຊາໄດ້ຂຽນກ່ຽວກັບການເປີດເຜີຍໄວ້ໃນປຶ້ມບັນທຶກສ່ວນຕົວຂອງນາງ. “ໂອ, ມັນເປັນການປອບໂຍນສຳລັບຂ້ອຍ!” ນາງເວົ້າ. ນາງອົດໃຈບໍ່ໄດ້ທີ່ຈະບອກໝູ່ເພື່ອນຂອງນາງ ແລະ ສະມາຊິກຄົນອື່ນໆຂອງສາດສະໜາຈັກກ່ຽວກັບເລື່ອງນີ້. ນາງຮູ້ວ່າພາບນິມິດຂອງປະທານສະມິດຈະຊ່ວຍໄພ່ພົນໃຫ້ມີຄວາມກະຕືລືລົ້ນກ່ຽວກັບວຽກງານພຣະວິຫານ ເພື່ອຜູ້ຄົນຢູ່ໃນໂລກວິນຍານ.
Saints, 3:207