“ພາລີຂໍການໃຫ້ອະໄພ,” ເລື່ອງຄຳສອນ ແລະ ພັນທະສັນຍາ (2024)
“ພາລີຂໍການໃຫ້ອະໄພ,” ເລື່ອງຄຳສອນ ແລະ ພັນທະສັນຍາ
ເດືອນມັງກອນ–ເດືອນກໍລະກົດ 1837
ພາລີຂໍການໃຫ້ອະໄພ
ປະຈັກພະຍານຂອງເພື່ອນສ້າງສັດທາຂອງລາວ
ເມື່ອເຖິງເວລາທີ່ແຕ້ງຟູນ ແລະ ພາລີ ພະແຣັດ ຈະຄອດລູກ, ເຂົາເຈົ້າໄດ້ກັບຈາກການເຜີຍແຜ່ໃນປະເທດການາດາ. ເຂົາເຈົ້າມີລູກຊາຍທີ່ແຂງແຮງສົມບູນຕາມທີ່ພຣະຜູ້ເປັນເຈົ້າໄດ້ສັນຍາໄວ້.
Saints, 1:270
ໜ້າເສົ້າທີ່, ແຕ້ງຟູນໄດ້ເສຍຊີວິດພຽງບໍ່ເທົ່າໃດຊົ່ວໂມງຫລັງຈາກຄອດລູກ. ພາລີຮູ້ວ່າລາວຈະບໍ່ສາມາດດູແລລູກນ້ອຍໄດ້ຫາກບໍ່ມີນາງ. ລາວໄດ້ຂໍໃຫ້ຜູ້ຍິງຄົນໜຶ່ງໃນເມືອງເຄີດແລນດູແລລູກນ້ອຍໃນຂະນະທີ່ລາວກັບໄປປະເທດການາດາເພື່ອສືບຕໍ່ເຮັດວຽກງານເຜີຍແຜ່ໃຫ້ສຳເລັດ.
Saints, 1:270
ໃນເມືອງເຄີດແລນ, ໂຈເຊັບ ສະມິດ ໄດ້ກໍ່ຕັ້ງທະນາຄານຂຶ້ນ ເພື່ອລະດົມເງິນສຳລັບວຽກງານຂອງພຣະເຈົ້າ. ເພິ່ນໄດ້ຂໍໃຫ້ຜູ້ຄົນອະນຸຍາດໃຫ້ທະນາຄານໃຊ້ເງິນຂອງເຂົາເຈົ້າເພື່ອໃຫ້ຄົນອື່ນຢືມໄດ້. ແຕ່, ດ້ວຍເຫດຜົນຫລາຍຢ່າງ, ທະນາຄານບໍ່ມີເງິນພຽງພໍ ແລະ ຕ້ອງໄດ້ປິດ. ທະນາຄານອື່ນໆໃນສະຫະລັດກໍລົ້ມເຫລວເຊັ່ນກັນ.
Saints, 1:260–61, 264–68
ຊີວິດເລີ່ມຍາກລຳບາກສຳລັບໄພ່ພົນ. ບາງຄົນຕົກງານ ແລະ ບັດນີ້ບໍ່ມີເງິນພຽງພໍທີ່ຈະຊື້ອາຫານ ຫລື ເສື້ອຜ້າ. ບາງຄົນໄດ້ຄຽດແຄ້ນໃຫ້ໂຈເຊັບ, ແມ່ນແຕ່ໝູ່ເພື່ອນທີ່ສະໜິດຂອງເພິ່ນ. ພວກເຂົາຄິດວ່າໂຈເຊັບບໍ່ແມ່ນສາດສະດາທີ່ແທ້ຈິງ ເພາະທະນາຄານລົ້ມເຫລວ.
Saints, 1:264–68, 272–275
ຂະນະທີ່ເລື່ອງນີ້ກຳລັງເກີດຂຶ້ນ, ພາລີໄດ້ກັບມາບ້ານຈາກການເຜີຍແຜ່ຂອງລາວ. ບັນຫາຢູ່ທີ່ທະນາຄານໄດ້ເຮັດໃຫ້ຊີວິດຂອງພາລີລຳບາກເຊັ່ນກັນ. ລາວບໍ່ມີເງິນພໍທີ່ຈະຈ່າຍຄ່າບ້ານຂອງລາວ, ແລະ ບໍ່ມີບ່ອນຢູ່ອາໄສ.
Saints, 1:270–71
ບັດນີ້ພາລີກໍຄຽດແຄ້ນໃຫ້ໂຈເຊັບຄືກັນ. ລາວໄດ້ຂຽນຈົດໝາຍເຖິງໂຈເຊັບ. ລາວໄດ້ບອກໂຈເຊັບວ່າ ລາວຍັງເຊື່ອໃນພຣະຄຳພີມໍມອນຢູ່. ແຕ່ລາວກໍຍັງໄດ້ເວົ້າຈາບໍ່ດີກ່ຽວກັບສາດສະດານຳອີກ. ລາວໄດ້ບອກໂຈເຊັບວ່າ ລາວຄິດຜິດທີ່ເລີ່ມທະນາຄານຕັ້ງແຕ່ແລກ.
Saints, 1:271
ຕໍ່ມາ, ໝູ່ເພື່ອນບາງຄົນຂອງພາລີຈາກປະເທດການາດາໄດ້ມາເມືອງເຄີດແລນ. ພາລີໄດ້ສິດສອນພຣະກິດຕິຄຸນໃຫ້ກັບເຂົາເຈົ້າ, ແລະ ເຂົາເຈົ້າກໍດີໃຈທີ່ໄດ້ເຫັນລາວອີກ.
Saints, 1:279–80
ແຕ່ເຂົາເຈົ້າກໍຍັງປະຫລາດໃຈທີ່ພາລີ ແລະ ຄົນອື່ນໆຫລາຍຄົນສູນເສຍສັດທາຂອງເຂົາເຈົ້າທີ່ວ່າໂຈເຊັບ ສະມິດ ເປັນສາດສະດາ.
Saints, 1:279–80
ເພື່ອນຄົນໜຶ່ງຂອງພາລີຈາກປະເທດການາດາແມ່ນຈອນ ເທເລີ. ເມື່ອພາລີໄດ້ເຫັນລາວ, ລາວບອກຈອນວ່າ ລາວຄຽດແຄ້ນໃຫ້ໂຈເຊັບ ສະມິດ ຫລາຍຂະໜາດໃດ. ລາວບອກຈອນບໍ່ໃຫ້ຕິດຕາມໂຈເຊັບອີກຕໍ່ໄປ.
Saints, 1:280
ຈອນໄດ້ເຕືອນພາລີວ່າ ຕອນເຂົາເຈົ້າຢູ່ທີ່ປະເທດການາດາ, ພາລີໄດ້ແບ່ງປັນປະຈັກພະຍານວ່າໂຈເຊັບ ສະມິດ ເປັນສາດສະດາທີ່ແທ້ຈິງ. “ຕອນນີ້ຂ້ອຍມີປະຈັກພະຍານດຽວກັນ,” ຈອນໄດ້ເວົ້າ. “ຖ້າຫາກວຽກງານນີ້ເປັນຄວາມຈິງເມື່ອຫົກເດືອນແລ້ວນີ້, ມັນກໍເປັນຄວາມຈິງໃນມື້ນີ້. ຖ້າໂຈເຊັບ ສະມິດ ໄດ້ເປັນສາດສະດາໃນຕອນນັ້ນ, ເພິ່ນກໍເປັນສາດສະດາໃນຕອນນີ້.”
Saints, 1:280
ພາລີຮູ້ວ່າເພື່ອນຂອງລາວ ຈອນ ເວົ້າຖືກ. ລາວຮູ້ສຶກເສຍໃຈກ່ຽວກັບຈົດໝາຍຄຽດແຄ້ນທີ່ລາວໄດ້ສົ່ງເຖິງໂຈເຊັບ. ລາວຮູ້ວ່າໂຈເຊັບກຳລັງພະຍາຍາມຢ່າງເຕັມທີ່ເພື່ອເຮັດວຽກງານຂອງພຣະຜູ້ເປັນເຈົ້າ. ບັນຫາຂອງທະນາຄານບໍ່ໄດ້ໝາຍຄວາມວ່າໂຈເຊັບບໍ່ໄດ້ເປັນສາດສະດາທີ່ແທ້ຈິງຂອງພຣະເຢຊູຄຣິດ.
Saints, 1:283
ພາລີໄດ້ໄປບ້ານຂອງໂຈເຊັບ. ລາວໄດ້ບອກໂຈເຊັບວ່າ ລາວເສຍໃຈກັບສິ່ງທີ່ບໍ່ດີທີ່ລາວໄດ້ເວົ້າໄປ. ໂຈເຊັບໄດ້ໃຫ້ອະໄພພາລີ, ໄດ້ອະທິຖານກັບລາວ, ແລະ ໄດ້ໃຫ້ພອນແກ່ລາວ. ພາລີໄດ້ຮັບໃຊ້ວຽກງານເຜີຍແຜ່ຕື່ມອີກຫລາຍເທື່ອ ແລະ ບອກຜູ້ຄົນທົ່ວໂລກວ່າ ໂຈເຊັບ ສະມິດ ເປັນສາດສະດາຂອງພຣະຜູ້ເປັນເຈົ້າ.
ຄຳສອນ ແລະ ພັນທະສັນຍາ 64:7–11; Saints, 1:283