Një “Ngrirje” në Ganë

Të qëndruarit besnikë ndërkohë që shenjtorët nuk mund të mblidhen së bashku

Alis Xhonsoni dhe Heti Brimani duke shpërndarë ungjillin në Koforidua të Ganës.

Alis Xhonsoni ishte një misionare që shërbente në vendin e saj të lindjes, në Ganë. Asaj i pëlqente shumë të jepte dëshminë e saj për Jezu Krishtin dhe ta ndihmonte Kishën që të rritej.

Saints [Shenjtorët], 4:416–417

Alisa dhe Heti duke mësuar se nuk mund ta shpërndajnë më ungjillin.

Një ditë, Alisa mori disa lajme shqetësuese. Qeveria në Ganë kishte thënë se nuk mund të bënin më mbledhje të Kishës. Misionarët nuk mund të jepnin më mësim.

Saints [Shenjtorët], 4:417

Policë jashtë një ndërtese të mbyllur të Kishës.

Policët i detyruan misionarët të largoheshin nga apartamentet e tyre dhe ua morën biçikletat. Disa anëtarë të Kishës i futën në burg. Ushtarët i mbyllën ndërtesat e Kishës dhe nuk lejonin askënd të hynte. Njerëzit e quajtën këtë periudhë “ngrirja”.

Saints [Shenjtorët], 4:417–418

Alisa duke u larguar për të jetuar me një mik.

Misionarëve iu desh të shkonin në shtëpi. Alisa shkoi të jetonte me një mik në një qytet tjetër. Ajo shqetësohej se nuk do ta përfundonte kurrë misionin e saj.

Saints [Shenjtorët], 4:418

Shenjtorët në Ganë ishin të pështjelluar, të trishtuar dhe të frikësuar. Ata e pyesnin veten se ku kishin gabuar. A do të shkonin ndonjëherë përsëri në kishë?

Saints [Shenjtorët], 4:418

Shenjtorët duke zhvilluar një mbledhje sakramenti në shtëpi.

Ndonëse nuk mund të mblidheshin me lagjet e tyre të kishës, shenjtorët prapë e donin Zotin dhe donin ta adhuronin Atë. Ata i zhvillonin mbledhjet e sakramentit në shtëpitë e tyre. Pjesëtarët e familjes që kishin priftërinë, i bekonin bukën dhe ujin dhe ua kalonin pjesës tjetër të familjes.

Doktrina e Besëlidhje 6:32; Saints [Shenjtorët], 4:419

Shenjtorët duke folur për ungjillin së bashku në shtëpi.

Muaj pas muaji, ngrirja vazhdonte. Shenjtorët kënduan himne dhe ia mësuan njëri‑tjetrit ungjillin në shtëpitë e tyre. Ata takoheshin me njëri‑tjetrin për të ndihmuar që ta mbanin besimin e tyre të fortë. Ata e lanë mënjanë të dhjetën e tyre për ta paguar kur të mund të ktheheshin në kishë. Ata u lutën dhe agjëruan që ngrirja të merrte fund.

Saints [Shenjtorët], 4:436–437

Alisës duke iu bërë ftesa për të shërbyer përsëri në një mision.

Më në fund, pas 18 muajsh, qeveria vendosi që Kisha mund t’i zhvillonte përsëri mbledhjet. Një president i ri misioni kërkoi të bisedonte me Alisën, e cila tani ishte studente në universitet. “A do të dëshiroje të ktheheshe dhe të shërbeje në një mision pas shkollës?” – e pyeti ai. “Jo”, – tha ajo. “Dua të shërbej pikërisht tani!”

Saints [Shenjtorët], 4:437–439

Shenjtorë në Ganë duke frekuentuar një mbledhje të Kishës.

Alisa dhe shenjtorët e tjerë ishin shumë të lumtur që mund të shkonin përsëri në kishë! Të dielën e parë pas ngrirjes, mbledhja e sakramentit zgjati dy orë sepse shumë njerëz donin të jepnin dëshmitë e tyre. Ata i treguan njëri‑tjetrit se si i kishte bekuar dhe i kishte ndihmuar Zoti që ta mbanin besimin e tyre të fortë.

Doktrina e Besëlidhje 20:75; Saints [Shenjtorët], 4:438