Fjala e Urtësisë

Jozef Smithi i ftoi disa burra në Kishë që të bënin mbledhje me të në katin e fundit të dyqanit të Njull dhe En Uitnit. Atje, ata mësuan ungjillin dhe tema të tjera dhe u lutën si grup. Ata i quajtën këto mbledhje Shkolla e Profetëve.

Doktrina e Besëlidhje 88:117–137; Saints [Shenjtorët], 1:166

Shumë nga burrat përdornin llullën dhe e përtypnin duhanin gjatë mësimeve. Tymi e mjegullonte ajrin dhe duhani e bënte pis dyshemenë. Pas mbledhjeve, Ema Smithi ngjitej lart për të pastruar dhomën. Ishte shumë e pisët.

Saints [Shenjtorët], 1:167

Ema e fërkonte dyshemenë disa herë, por njollat e duhanit nuk iknin. Ajo foli me Jozefin për rrëmujën.

Saints [Shenjtorët], 1:167

Jozefi e dëgjoi Emën. Ndërsa e dëgjonte, nisi të pyeste veten se si ndihej Zoti për duhanin.

Saints [Shenjtorët], 1:167

Ndaj Jozefi e pyeti Zotin për duhanin. Zoti i tha Jozefit se ai kishte Fjalën e Urtësisë për shenjtorët.

Doktrina e Besëlidhje 89:1–9; Saints [Shenjtorët], 1:167

Zoti tha se shenjtorët nuk duhej të pinin duhan, të përdornin duhan, apo të pinin alkool, apo “pije të nxehta”, të cilat nënkuptonin kafe dhe çaj.

Doktrina e Besëlidhje 89:1–9; Saints [Shenjtorët], 1:167

Zoti u mësoi gjithashtu shenjtorëve se drithërat dhe frutat janë të mira për t’u ngrënë. Ai gjithashtu tha se ata ndonjëherë mund të hanin mish.

Doktrina e Besëlidhje 89:10–17; Saints [Shenjtorët], 1:168

Zoti i tha Jozefit se shenjtorët që zgjidhnin t’i bindeshin Fjalës së Tij të Urtësisë, do të mbroheshin. Zoti premtoi t’i bekonte ata me shëndet, njohuri e forcë. Jozefi u tregoi burrave në Shkollën e Profetëve për Fjalën e Zotit për Urtësinë.

Doktrina e Besëlidhje 89:18–21; Saints [Shenjtorët], 1:168

Burrat në dhomë i hodhën duhanin dhe llullat e tyre në zjarr për të treguar se donin t’i bindeshin Fjalës së Zotit për Urtësinë.

Saints [Shenjtorët], 1:168