Jozefi dhe Sidni Mësojnë për Qiellin

Një vegim rreth bekimeve të Perëndisë për fëmijët e Tij

Jozef Smithi dhe Sidni Rigdoni duke lexuar dhe duke diskutuar për Biblën.

Një ditë, Jozef Smithi dhe Sidni Rigdoni po lexonin Biblën. Ata lexuan për atë që u ndodh njerëzve pasi vdesin. Jozefi dhe Sidni menduan për atë që lexuan dhe donin të dinin më shumë.

Doktrina e Besëlidhje 76:11–18

Jozefi dhe Sidni duke pasur një vegim të Atit Qiellor dhe Jezu Krishtit të rrethuar nga engjëj.

Zoti iu dha atyre një vegim të mahnitshëm. Ata panë Atin Qiellor dhe Jezu Krishtin të rrethuar nga engjëj. Ata dëgjuan një zë që thoshte se Jezusi është Biri i Perëndisë. Zëri tha se Jezusi vdiq për ne dhe më pas u ringjall – Ai u kthye në jetë. Për shkak se Ai u ringjall, edhe ne do të ringjallemi.

Doktrina e Besëlidhje 76:19–24, 39–43

Jozefi dhe Sidni duke parë një vegim të mbretërisë telestiale.

Jozefi dhe Sidni mësuan se pasi të ringjallemi, ne do të jetojmë në një nga tre vendet në qiell, të quajtura mbretëri. Njerëzit që nuk e pranojnë ungjillin e Jezu Krishtit do të shkojnë në mbretërinë telestiale. Zoti e krahasoi këtë mbretëri me dritën e yjeve.

Doktrina e Besëlidhje 76:81–86

Jozef dhe Sidni duke parë një vegim të mbretërisë terrestriale.

Jozefi dhe Sidni mësuan gjithashtu për një mbretëri të quajtur mbretëria terrestriale. Kjo mbretëri është për njerëzit që bëjnë jetë të mirë, por nuk i binden plotësisht ungjillit të Jezu Krishtit. Ata nuk janë të fortë në besimin e tyre në Të. Zoti e krahasoi këtë mbretëri me dritën e hënës.

Doktrina e Besëlidhje 76:71–80

Jozefi dhe Sidni duke parë një vegim të mbretërisë çelestiale.

Mbretëria më e lartë është mbretëria çelestiale. Njerëzit në këtë mbretëri bënë besëlidhje ose premtime me Perëndinë dhe i mbajtën besëlidhjet e tyre. Ata u penduan dhe e ndoqën Jezu Krishtin. Ata jetojnë me Atin Qiellor dhe Jezusin përgjithmonë dhe bëhen si Ata. Zoti e krahasoi këtë mbretëri me dritën e diellit.

Doktrina e Besëlidhje 76:50–70

Zoti i tha Jozefit dhe Sidnit të mos tregonin gjithçka që panë në vegimin e tyre. Por Ai donte që ata të shkruanin për disa prej tyre dhe t’ua tregonin të tjerëve. Shumë anëtarë të Kishës ishin të emocionuar t’u tregonin njerëzve për vegimin.

Doktrina e Besëlidhje 76:113–119; Saints [Shenjtorët], 1:149–150

Njerëz duke lexuar një rrëfim të vegimit.

Disa njerëz nuk e pëlqyen vegimin. Ndryshonte nga ajo që ata besonin. Por shumica e shenjtorëve ishin mirënjohës që kishin njohuri për këtë zbulesë. Ajo u tregoi atyre se Ati Qiellor i do fëmijët e Tij dhe hapi një udhë që ata të ktheheshin tek Ai.

Saints [Shenjtorët], 1:149–150