“Burgu i Libertisë”, Histori nga Doktrina e Besëlidhje (2024)
“Burgu i Libertisë”, Histori nga Doktrina e Besëlidhje
tetor 1838 – mars 1839
Burgu i Libertisë
Gjetja e Zotit gjatë kohëve të vështira
Shumë njerëz që jetonin në Misuri, nuk i pëlqenin shenjtorët. Guvernatori dërgoi ushtarë për t’i detyruar që të largoheshin. Ushtarët i nxorën shenjtorët nga shtëpitë e tyre, ua vodhën gjërat dhe lënduan shumë prej tyre.
Saints [Shenjtorët], 1:355–356, 362, 364
Ushtarët arrestojnë Profetin Jozef Smith dhe udhëheqës të tjerë të Kishës.
Saints [Shenjtorët], 1:357–358
Jozefi i pyeti nëse mund të kalonte pak kohë vetëm me familjen e tij. Ushtarët i thanë “jo”. Ata i larguan Jozefin dhe të burgosurit e tjerë.
Saints [Shenjtorët], 1:366
Një natë, Jozefi dhe të burgosurit e tjerë i dëgjuan rojat e tyre teksa qeshnin për gjërat e këqija që u kishin bërë shenjtorëve. Jozefi nuk mundi ta duronte më këtë. Ai u ngrit në këmbë dhe bërtiti: “Heshtje!” Ai foli me fuqinë e Perëndisë. Rojat u frikësuan. Ata kërkuan ndjesë dhe e ndaluan bisedën.
Saints [Shenjtorët], 1:367–368
Më vonë, Jozefi dhe miqtë e tij u futën në një burg në një qytet të quajtur Liberti. Burgu ishte shumë i ftohtë, i vogël dhe i errët. Ata kishin vetëm pak kashtë të ndotur për të fjetur. Kishte vetëm pak ushqim dhe ushqimi u shkaktoi neveri.
Saints [Shenjtorët], 1:369–370, 374, 384–385
Jozefi mendoi shumë për shenjtorët. Ai i donte ata. Shqetësohej për ta. Por nuk mund të bënte asgjë për t’i ndihmuar ata.
Saints [Shenjtorët], 1:385–386
Jozefi u lut shumë. Ai e pyeti Perëndinë se ku ishte dhe pse nuk po i ndihmonte shenjtorët. A e kishte harruar Perëndia atë dhe Kishën?
Perëndia iu përgjigj lutjes së Jozefit. Ai tha: “Biri im, paqe i qoftë shpirtit tënd”. Ai i tha Jozefit se sfidat e tij nuk do të zgjatnin përgjithmonë dhe se ato do të ishin për të mirën e tij. Perëndia i kujtoi Jozefit se Jezu Krishti kishte kaluar gjëra edhe më të vështira. Ai premtoi se do të ishte me Jozefin “përherë e përgjithmonë”.